សកម្មជនដីធ្លី ដែលត្រូវបានគេប៉ុនប៉ងមនុស្សឃាត ផ្តល់បទសម្ភាសន៍ដល់អ្នកសារព័ត៌មាន នៅមុខប៉ុស្តិ៍នគរបាលរដ្ឋបាលស្រះចក នាព្រឹកនេះ (រូបថត៖ ញឹម សុខន)
សកម្មជនដីធ្លី ប្រមូលផ្តុំ នៅមុខប៉ុស្តិ៍នគរបាល ស្រះច្រក ជំរុញឲ្យ ដោះស្រាយ ករណីប៉ុនប៉ង មនុស្សឃាត
ដោយ៖ ញឹម សុខន / វីអូឌី | ថ្ងៃពុធ ទី26 ខែមិនា ឆ្នាំ2014
អ្នកមានជម្លោៈដីនៅរាជធានីភ្នំពេញជិត១០០នាក់ នៅព្រឹកថ្ងៃពុធនេះ បានប្រមូលផ្តុំគ្នា តវ៉ាមុខស្នាក់ការប៉ុស្តិ៍នគរបាលសង្កាត់ស្រះចក ជំរុញឲ្យអាជ្ញាធរពន្លឿនការស៊ើបករណីប៉ុនប៉ងមនុស្សឃាត លើសកម្មជនដីធ្លី កាលពីយប់ថ្ងៃទី២២ ខែមីនា។
កាលពីម៉ោង ៨យប់ ថ្ងៃទី២២ ខែមីនា មានជនមិនស្គាល់មុខពីរនាក់ បានបាញ់ប្រហារទៅលើរថយន្តក្រុង ដែលសកម្មជនដីធ្លី និងគ្រួសារពលរដ្ឋរងគ្រោះដោយសារការបាញ់ប្រហារនៅផ្លូវវ៉េងស្រេង កំពុងជិះនៅក្បែរគល់ស្ពានជ្រោយចង្វា ខណ្ឌដូនពេញ បន្ទាប់ពីចូលរួមពិធីបុណ្យនៅស្រុកជីក្រែង ខែត្តសៀមរាប។ ហេតុការណ៍នោះ ពុំបានបង្កឲ្យនណារម្នាក់រងរបួសនោះទេ។ ហើយសកម្មជនដីធ្លី បានដាក់ពាក្យបណ្តឹងករណីនេះ នៅយប់កើតហេតុ។
នៅម៉ោងជាង៩ព្រឹកនេះ តំណាងសកម្មជនដីធ្លី មួយចំនួន ត្រូវបានអាជ្ញាធរកាសង្ត់ស្រះចក ហៅចូលជួប។ ចំណែកនៅខាងក្រៅវិញ គេសង្កេតឃើញមានកម្លាំងបង្ក្រាបប្រមាណ ជាង១០នាក់ កំពុងឃ្លាំមើលការតវ៉ានេះ ប៉ុន្តែពុំមានការប៉ះទង្គិចណាមួយទេ៕
No comments:
Post a Comment