លោក ហ៊ុន សែន ប្រាប់ថា ការដំឡើង ប្រាក់ឈ្នួល ដល់ទៅ ១៦០ដុល្លារ គឺមិនអាច អនុវត្តបានឡើយ
ដោយ៖ ស៊ុន ណារិន / វិទ្យុ វីអូឌី | ថ្ងៃអង្គារ៍ ទី31 ខែធ្នូ ឆ្នាំ2013
ទីស្តីការគណៈរដ្ឋមន្ត្រី ក្រោមការបញ្ជារបស់លោកនាយករដ្ឋមន្ត្រី ហ៊ុន សែន បញ្ជាក់ថា ការដំឡើងប្រាក់ឈ្នួលកម្មករដល់ទៅ១៦០ដុល្លារភ្លាមៗ គឺមិនអាចអនុវត្តបានឡើយ។
លិខិតរបស់ទីស្តីការគណៈរដ្ឋមន្ត្រី ចេញផ្សាយនៅថ្ងៃទី៣០ខែធ្នូ ឲ្យដឹងថា យោងតាមចំណាររបស់លោកនាយករដ្ឋមន្ត្រីហ៊ុន សែន ចុះថ្ងៃទី៣០ខែធ្នូ ទីស្តីការគណៈរដ្ឋមន្ត្រី ប្រាប់ទៅក្រសួងការងារ ឲ្យរៀបចំវេទិកាតុមូលអំពីគោលការណ៍ដំឡើងប្រាក់ឈ្នួលអប្បបរមាដល់កម្មករនិយោជិតមានលក្ខណៈសមស្រប ដែល អាចអនុវត្តបាន ហើយការទាមទារដល់១៦០ដុល្លារភ្លាមៗ គឺមិនអាចអនុវត្តបាន។
លោកនាយករដ្ឋមន្ត្រី ប្រាប់ទៅទីស្តីការគណៈរដ្ឋមន្ត្រីបែបនេះ ខណៈកម្មកររោងចក្ររាប់ម៉ឺននាក់ កំពុងតែពុះកញ្ជ្រោលនឹងការតវ៉ាទាមទារដំឡើងប្រាក់ឈ្នួល។
សហជីពទាំង៥ រួមមាន សម្ព័ន្ធសហជីពប្រជាធិបតេយ្យកម្មករកាត់ដេរ របស់លោក អាត់ ធន់ ទី២ សហ ជីពសេរីកម្មករនៃព្រះរាជា ណាចក្រកម្ពុជារបស់លោក ជា មុន្នី ទី៣ សម្ព័ន្ធសហជីពចលនាកម្មកររបស់លោក ប៉ាវ ស៊ីណា ទី៤ សហព័ន្ធសហជីពជាតិនៃឧស្សាហកម្មវាយនភ័ណ្ឌកាត់ដេរកម្ពុជារបស់លោកស្រី ម៉ម ញឹម និងទី៥សហព័ន្ធសហជីពកម្ពុជារបស់លោកស្រី យ៉ាង សោភ័ណ្ឌ។ចំណែកសមាគមមួយ គឺសំដៅទៅសមាគមគ្រូបង្រៀនកម្ពុជាឯករាជ្យ ដែលដឹកនាំដោយលោក រ៉ុង ឈុន។
ក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃចន្ទ ស្នើឲ្យកម្មករ ចូលធ្វើការវិញនៅថ្ងៃទី០២ខែមករា ឆ្នាំ២០១៤៕
(តារាងតម្លៃប្រាក់ឈ្នួលអប្បបរមារបស់កម្មករ ដែលនឹងត្រូវដំឡើងជារៀងរាល់ឆ្នាំ តាមសេចក្តីសម្រេចរបស់ក្រសួងការងារ/ដោយស៊ុន ណារិន)
No comments:
Post a Comment