សាលាក្រុង អញ្ជើញមេដឹកនាំ បក្សប្រឆាំង ប្រជុំពិភាក្សា ពីការគ្រប់គ្រងបាតុកម្ម
មេដឹកនាំបក្សសង្គ្រោះជាតិ ដឹកនាំក្បួនបាតុកម្មដង្ហែតាមបណ្ដោយវិថីព្រះនរោត្ដម ក្បែររោងកុនលុច កាលពីថ្ងៃទី១៦ ធ្នូ ឆ្នាំ២០១៣។
RFA/Uon Chhin
លិខិត ពីសាលារាជធានី ភ្នំពេញ ដែលចុះហត្ថលេខា ដោយនាយខុទ្ទកាល័យ លោក កើត ឆែ នៅថ្ងៃសុក្រ ទី២០ ធ្នូ បានបង្ហាញថា ការសម្ដែងមតិដឹកនាំ ដោយគណបក្ស សង្គ្រោះជាតិ ក្នុងរយៈពេល កន្លងមកនោះ មានប្រការមិនប្រក្រតី ជាច្រើន ដែលចាំបាច់ ត្រូវកែលំអ ជាបន្ទាន់។
ភាពមិនប្រក្រតី ទាំងនោះ រួមមាន បញ្ហាបរិស្ថាន អនាម័យ នៅទីលានប្រជាធិបតេយ្យ និងសួនច្បារសាធារណៈ ការងារសន្តិសុខ និងសណ្ដាប់ធ្នាប់ចរាចរណ៍តាមដងផ្លូវ ការសម្ដែងមតិ និងការប្រើពាក្យសម្ដីប៉ះពាល់ដល់សិទ្ធិបុគ្គលយ៉ាងធ្ងន់ធ្ងរ ដែលជាការប្រមាថមួយប្រាសចាកពីព្រំដែននៃសិទ្ធិសម្ដែងមតិដែលមានចែងក្នុងច្បាប់។
បេក្ខជនតំណាងរាស្ត្រជាប់ឆ្នោតគណបក្សប្រឆាំង លោក ហូរ វ៉ាន់ នៅថ្ងៃសុក្រ ទី២០ ធ្នូ មានប្រសាសន៍ថា បាតុកម្មរបស់គណបក្សសង្គ្រោះជាតិ ពុំបានធ្វើឲ្យប៉ះពាល់បរិស្ថានសណ្ដាប់ធ្នាប់សាធារណៈដូចអ្វីដែលមន្ត្រីសាលារាជធានីថ្លែងការណ៍នោះទេ។
លោកបន្តថា តែទោះយ៉ាងណា មន្ត្រីបក្សប្រឆាំង ៣រូប ក្នុងនោះមានរូបលោកផងជាតំណាងឲ្យប្រធាន និងអនុប្រធានគណបក្ស នឹងចូលជួបមន្ត្រីសាលារាជធានីភ្នំពេញតាមការកោះហៅនោះ៕
No comments:
Post a Comment