ព្រះសង្ឃប្រមាណ២០០អង្គ និងពុទ្ធបរិស័ទប្រហែល៣០០នាក់ បានធ្វើបាតុកម្មជាថ្មី ខាងមុខក្រសួងធម្មការ និងសាសនា នាព្រឹកថ្ងៃអាទិត្យនេះ ដើម្បីទាមទារឱ្យលោក មិន ឃិន ដែលជារដ្ឋមន្ត្រីចុះចេញពីតំណែង។ បាតុករបានដាក់ញត្តិ និងស្នាមមេដៃរបស់មនុស្ស «ប្រហែល ១០០០នាក់» ដែលប្រមូលបានភ្លាមៗពីអ្នកគាំទ្រការទាមទារនេះ។
ព្រះសង្ឃនិងគ្រហស្ថទាំងនេះបានបន្ទោសលោករដ្ឋមន្ត្រីនៃក្រសួងធម្មការនិងសាសនា ថាបានធ្វើកំហុសធំក្នុងការងារ ដ្បិតលោកមិនអាចការពារព្រះបរមសារីរិកធាតុ ដែលចោរបានលួចទៅនៅថ្ងៃទី១០ធ្នូ។ បើតាមអ្នកតវ៉ា ការបាត់បង់វត្ថុដ៏មានតម្លៃមិនអាចកាត់ថ្លៃបាននេះគឺដោយសារមានអំពើពុករលួយនៅក្នុងស្ថាប័នរដ្ឋមួយនេះ។ នេះជាការធ្វើបាតុកម្មទ្រង់ទ្រាយធំជាលើកទីពីររបស់ព្រះសង្ឃ ក្នុងបណ្តាញព្រះសង្ឃឯករាជ្យដើម្បីយុត្តិធម៌សង្គម ដែលសម្តែងការឈឺឆ្អាលនឹងធាតុរបស់ព្រះពុទ្ធ បន្ទាប់ពីបាតុកម្មលើកទី១ កាលពីថ្ងៃទី១៧ធ្នូ។
បាតុករបានសរសេរនៅលើបដាជាច្រើន ដែលមានន័យជាអាទិ៍ថា៖ «កាបាត់បង់ព្រះបរមសារីរិកធាតុគឺជាការបាត់បង់តម្លៃជាតិខ្មែរ», «បាតុកម្មទាមទារឱ្យរាជរដ្ឋាភិបាលចាត់វិធានការជាបន្ទាន់ចំពោះការបាត់បង់ព្រះបរមសារីរិកធាតុនៃព្រះសម្មាសម្ពុទ្ធ», មានអំពើពុករលួយទើបមានការលួចព្រះបរមសារីរិកធាតុ», រាជរដ្ឋាភិបាលនិងមន្ត្រីសង្ឃគ្រប់ឋានានុក្រម ត្រូវតែទទួលខុសត្រូវចំពោះការបាត់បង់ព្រះបរមសារីរិកធាតុ»។ នៅចំពោះមុខការស្រែកតិះដៀលរបស់បាតុករតាមឧគ្ឃោសនាស័ព្ទ មន្ត្រីក្រសួងធម្មការ និងសាសនា គឺលោក ផ្លោក ផន បានចេញមកទទួលញត្តិ និងស្នាមមេដៃពីបាតុករ។ បន្ទាប់មក បាតុករបានបន្តដំណើររបស់ខ្លួនទៅក្រសួងអប់រំ ដែលស្ថិតនៅលើមហាវិថីព្រះនរោត្តម។
ពេលក្បួនបាតុកម្មរំកិលមកដល់ចំណុចប្រសព្វរវាងវិថីលេខ១៩ និងវិថីលេខ២៤០ កម្លាំងនគរបាល បានពង្រាយរារាំងមិនឱ្យបាតុករខិតទៅជិតគេហដ្ឋានរបស់នាយករដ្ឋមន្ត្រី ហ៊ុន សែន ដែលនៅក្បែរនោះឡើយ។ ការរារាំងរបស់កម្លាំងមានសមត្ថកិច្ចមិនបណ្តាលឱ្យប៉ះទង្គិចគ្នាទេ ដ្បិតបាតុករបានបន្តដំណើរតាមផ្លូវលេខ១៩ ខាងក្រោយព្រះបរមរាជវាំង រួចបត់ឆ្វេង ឆ្ពោះទៅមហាវិថីព្រះនរោត្តម និងឈប់ត្រង់ចំណុចខាងមុខក្រសួងអប់រំ យុវជន និងកីឡា។ នៅទីនេះ បាតុករស្រែកទាមទារឱ្យក្រសួងអប់រំ បំបាត់អំពើពុករលួយនៅក្នុងពេលប្រឡងសញ្ញាប័ត្រ និងប្រឡងជ្រើសរើសបុគ្គលិករដ្ឋ។
ទន្ទឹមនឹងនេះដែរ ព្រះសង្ឃបានទាមទារឱ្យក្រសួងអប់រំលើកកម្ពស់គុណភាពវិស័យអប់រំឱ្យមានប្រសិទ្ធភាព។
ពេលដែលបាតុករកំពុងធ្វើអត្ថាធិប្បាយរិះគន់ការដឹកនាំនៅក្នុងក្រសួងអប់រំ លោក ហង់ ជួន ណារ៉ុន ដែលស្ថិតក្នុងសម្លៀកបំពាក់កីឡា និងកាន់សម្ពៀតឯកសារពណ៌ខ្មៅមួយផង បានស្ថិតនៅទីនោះដែរ ទោះបីជាថ្ងៃនេះជាថ្ងៃអាទិត្យក្តី។ ប៉ុន្តែមិនមានបាតុករណាម្នាក់ស្គាល់លោករដ្ឋមន្ត្រីថ្មីឡើយ។ តបទៅនឹងការរិះគន់របស់បាតុករ លោក ហង់ជួន ណារ៉ុន បានថ្លែងប្រាប់វិទ្យុបារាំងអន្តរជាតិនៅពេលនោះថា ក្រុមបាតុករមិនបានតាមដានកំណែទម្រង់ថ្មីៗ ដែលក្រសួងរបស់លោកបានខិតខំធ្វើឡើយ។ លោករដ្ឋមន្ត្រីអះអាងថា បាតុករទាំងនេះធ្វើការតវ៉ាដោយមានចរិតនយោបាយ។
បាតុករបានចាកចេញពីក្រសួងអប់រំឆ្ពោះមកវត្តភ្នំ ដោយឈប់នៅធនាគារជាតិនិងក្រសួងកិច្ចការនារី ដើម្បីទាមទារឱ្យស្ថាប័នទាំងពីរធ្វើការត្រួតពិនិត្យថវិកាជាតិ ដែលអ្នកតវ៉ាអះអាងថា បានបាត់បង់អស់ជាច្រើន និងជួយលើកស្ទួយនារីដែលបាតុករយល់ថា ទទួលការគាបសង្កត់ច្រើន៕
ព្រះសង្ឃនិងគ្រហស្ថទាំងនេះបានបន្ទោសលោករដ្ឋមន្ត្រីនៃក្រសួងធម្មការនិងសាសនា ថាបានធ្វើកំហុសធំក្នុងការងារ ដ្បិតលោកមិនអាចការពារព្រះបរមសារីរិកធាតុ ដែលចោរបានលួចទៅនៅថ្ងៃទី១០ធ្នូ។ បើតាមអ្នកតវ៉ា ការបាត់បង់វត្ថុដ៏មានតម្លៃមិនអាចកាត់ថ្លៃបាននេះគឺដោយសារមានអំពើពុករលួយនៅក្នុងស្ថាប័នរដ្ឋមួយនេះ។ នេះជាការធ្វើបាតុកម្មទ្រង់ទ្រាយធំជាលើកទីពីររបស់ព្រះសង្ឃ ក្នុងបណ្តាញព្រះសង្ឃឯករាជ្យដើម្បីយុត្តិធម៌សង្គម ដែលសម្តែងការឈឺឆ្អាលនឹងធាតុរបស់ព្រះពុទ្ធ បន្ទាប់ពីបាតុកម្មលើកទី១ កាលពីថ្ងៃទី១៧ធ្នូ។
បាតុករបានសរសេរនៅលើបដាជាច្រើន ដែលមានន័យជាអាទិ៍ថា៖ «កាបាត់បង់ព្រះបរមសារីរិកធាតុគឺជាការបាត់បង់តម្លៃជាតិខ្មែរ», «បាតុកម្មទាមទារឱ្យរាជរដ្ឋាភិបាលចាត់វិធានការជាបន្ទាន់ចំពោះការបាត់បង់ព្រះបរមសារីរិកធាតុនៃព្រះសម្មាសម្ពុទ្ធ», មានអំពើពុករលួយទើបមានការលួចព្រះបរមសារីរិកធាតុ», រាជរដ្ឋាភិបាលនិងមន្ត្រីសង្ឃគ្រប់ឋានានុក្រម ត្រូវតែទទួលខុសត្រូវចំពោះការបាត់បង់ព្រះបរមសារីរិកធាតុ»។ នៅចំពោះមុខការស្រែកតិះដៀលរបស់បាតុករតាមឧគ្ឃោសនាស័ព្ទ មន្ត្រីក្រសួងធម្មការ និងសាសនា គឺលោក ផ្លោក ផន បានចេញមកទទួលញត្តិ និងស្នាមមេដៃពីបាតុករ។ បន្ទាប់មក បាតុករបានបន្តដំណើររបស់ខ្លួនទៅក្រសួងអប់រំ ដែលស្ថិតនៅលើមហាវិថីព្រះនរោត្តម។
ពេលក្បួនបាតុកម្មរំកិលមកដល់ចំណុចប្រសព្វរវាងវិថីលេខ១៩ និងវិថីលេខ២៤០ កម្លាំងនគរបាល បានពង្រាយរារាំងមិនឱ្យបាតុករខិតទៅជិតគេហដ្ឋានរបស់នាយករដ្ឋមន្ត្រី ហ៊ុន សែន ដែលនៅក្បែរនោះឡើយ។ ការរារាំងរបស់កម្លាំងមានសមត្ថកិច្ចមិនបណ្តាលឱ្យប៉ះទង្គិចគ្នាទេ ដ្បិតបាតុករបានបន្តដំណើរតាមផ្លូវលេខ១៩ ខាងក្រោយព្រះបរមរាជវាំង រួចបត់ឆ្វេង ឆ្ពោះទៅមហាវិថីព្រះនរោត្តម និងឈប់ត្រង់ចំណុចខាងមុខក្រសួងអប់រំ យុវជន និងកីឡា។ នៅទីនេះ បាតុករស្រែកទាមទារឱ្យក្រសួងអប់រំ បំបាត់អំពើពុករលួយនៅក្នុងពេលប្រឡងសញ្ញាប័ត្រ និងប្រឡងជ្រើសរើសបុគ្គលិករដ្ឋ។
ទន្ទឹមនឹងនេះដែរ ព្រះសង្ឃបានទាមទារឱ្យក្រសួងអប់រំលើកកម្ពស់គុណភាពវិស័យអប់រំឱ្យមានប្រសិទ្ធភាព។
ពេលដែលបាតុករកំពុងធ្វើអត្ថាធិប្បាយរិះគន់ការដឹកនាំនៅក្នុងក្រសួងអប់រំ លោក ហង់ ជួន ណារ៉ុន ដែលស្ថិតក្នុងសម្លៀកបំពាក់កីឡា និងកាន់សម្ពៀតឯកសារពណ៌ខ្មៅមួយផង បានស្ថិតនៅទីនោះដែរ ទោះបីជាថ្ងៃនេះជាថ្ងៃអាទិត្យក្តី។ ប៉ុន្តែមិនមានបាតុករណាម្នាក់ស្គាល់លោករដ្ឋមន្ត្រីថ្មីឡើយ។ តបទៅនឹងការរិះគន់របស់បាតុករ លោក ហង់ជួន ណារ៉ុន បានថ្លែងប្រាប់វិទ្យុបារាំងអន្តរជាតិនៅពេលនោះថា ក្រុមបាតុករមិនបានតាមដានកំណែទម្រង់ថ្មីៗ ដែលក្រសួងរបស់លោកបានខិតខំធ្វើឡើយ។ លោករដ្ឋមន្ត្រីអះអាងថា បាតុករទាំងនេះធ្វើការតវ៉ាដោយមានចរិតនយោបាយ។
បាតុករបានចាកចេញពីក្រសួងអប់រំឆ្ពោះមកវត្តភ្នំ ដោយឈប់នៅធនាគារជាតិនិងក្រសួងកិច្ចការនារី ដើម្បីទាមទារឱ្យស្ថាប័នទាំងពីរធ្វើការត្រួតពិនិត្យថវិកាជាតិ ដែលអ្នកតវ៉ាអះអាងថា បានបាត់បង់អស់ជាច្រើន និងជួយលើកស្ទួយនារីដែលបាតុករយល់ថា ទទួលការគាបសង្កត់ច្រើន៕
No comments:
Post a Comment