លោក ហ៊ុន សែន ចំអកឲ្យមេដឹកនាំគណបក្សប្រឆាំង រឿងទាមទារប្រាក់ឈ្នួលកម្មករ
ដោយ៖ ស៊ុន ណារិន | ថ្ងៃអង្គារ ទី14 ខែមករា ឆ្នាំ2014 | 2 ម៉ោង មុន
លោកនាយករដ្ឋមន្រ្តី ហ៊ុន សែន កាលពីកន្លងទៅ/ណាត សុភាព
លោក ហ៊ុន សែន នៅថ្ងៃអង្គារនេះ ថ្លែងចំអកទៅមេដឹកនាំគណបក្សសង្គ្រោះជាតិ ដែលកំពុងតែទាមទារប្រាក់ឈ្នួល កម្មករ ឲ្យបាន១៦០ដុល្លារ ដោយលើកឡើងពីការទទួលបានប្រាក់ខែតិចតួចរបស់កងការពាររបស់ថ្នាក់ដឹកនាំគណបក្សប្រឆាំង
ក្នុងពិធី បើកការដ្ឋាន គម្រោងសាងសង់ ស្ពានជ្រៃធំ-ឡុងប៊ិញ ក្នុងស្រុកកោះធំ ខេត្តកណ្តាល ជាប់ព្រំដែនកម្ពុជា-វៀតណាម នៅព្រឹកថ្ងៃអង្គារនេះ លោកនាយករដ្ឋមន្ត្រី មានប្រសាសន៍នៅ ចំពោះមុខនាយករដ្ឋមន្ត្រី វៀតណាមថា ប្រាក់បៀវត្សរ៍របស់កម្មករ នៅប្រទេសវៀតណាម មានជាង១០០ដុល្លារតែប៉ុណ្ណោះ ហើយប្រាក់ឈ្នួលនៅកម្ពុជា ខ្ពស់ជាងប្រទេសឥណ្ឌា បេងក្លាដេស ឡាវ និងប្រទេសមីយ៉ាន់ម៉ា។ លោកបន្តថា៖«ទារមួយប្រឹប[ប្រាក់ឈ្នួលកម្មករ កម្ពុជា]ឡើងដល់ណា បើវាអត់មានលុយ?យើងធ្វើបន្តិចម្តងៗ ចេញពីស្ថានភាពដ៏លំបាក។អ្នកណាធ្វើនាយករដ្ឋមន្ត្រីឬមេដឹកនាំ មិនចង់ឲ្យប្រជាជន មានជីវភាពខ្ពស់?ប៉ុន្តែលទ្ធភាពរបស់ប្រទេស ទៅរួច ឬទៅមិនរួច?»
លោក ហ៊ុន សែន បានរិះគន់ និងចំអកឲ្យកងការពាររបស់ថ្នាក់ដឹកនាំរបស់គណបក្សមួយ ដែលលោកសំដៅទៅលើគណបក្សសង្គ្រោះជាតិដែលទទួលបានប្រាក់ខែតែ២០ទៅ៣០ម៉ឺននាក់ប៉ុណ្ណោះ។ លោកបន្តថា មុនថ្នាក់ដឹកនាំទាមទារឲ្យកម្មករទទួលបាន១៦០ដុល្លារ គណបក្ស គួរតែផ្តល់ប្រាក់ខែឲ្យកងការពារខ្លួន១៦០ដុល្លារ។ លោកបានចាត់ទុកទង្វើរបស់គណបក្សសង្គ្រោះជាតិថា«ដើរញុះញង់បង្កចលាចល»។
កន្លងទៅគណបក្សសង្គ្រោះជាតិ អះអាងថា ខ្លួននឹងជួយកម្មករក្នុងការទាមទារឲ្យបានប្រាក់ឈ្នួលដល់ទៅ១៦០ដុល្លារ។ នៅខែកុម្ភៈ ឆ្នាំ២០១៤នេះ កម្មករកម្ពុជា នឹងទទួលបានប្រាក់ឈ្នួលដល់ទៅ១០០ដុល្លារ តាមការសម្រេចរបស់រដ្ឋាភិបាល។
(ក្រាហ្វិកប្រាក់ឈ្នួលកម្មកររោងចក្រ ដែលត្រូវបានដំឡើងចាប់ពីឆ្នាំ២០០០/ដោយ ស៊ុន ណារិន)
VOD មិនទាន់អាចសុំការអត្ថាធិប្បាយពីមន្ត្រីគណបក្សសង្គ្រោះជាតិ បាននៅឡើយទេ។
នៅថ្ងៃអង្គារនេះផងដែរ លោកនាយករដ្ឋមន្ត្រី ប្រកាថាលោកនឹងមិនចុះចេញពីតំណែងទេ ដោយសារវាខុសពីរដ្ឋធម្មនុញ្ញ។ លោកបន្តថា លោកត្រូវបានបោះឆ្នោត ដោយត្រឹមត្រូវ ហើយលោកជានាយករដ្ឋមន្ត្រីរបស់ព្រះរាជាណាចក្រកម្ពុជា មិនមែនសម្រាប់សមាជិកសមាជិកាគណបក្សប្រជាជនកម្ពុជាទេ។
កន្លងទៅគណបក្សសង្គ្រោះជាតិ បានធ្វើបាតុកម្មជាបន្តបន្ទាប់ ដោយទាមទារឲ្យលោកនាយករដ្ឋមន្ត្រី ហ៊ុន សែន ចុះចេញពីតំណែង និងទាមទារឲ្យមានការបោះឆ្នោតឡើងវិញ៕
China, Hun Sen has never been your real friend, he just needs your money for himself and the Vietnamese. CNRP is your best friend. It does not matter if CNRP is the best friend of the US and EU and the world as well. I was born in Cambodia and have Chinese blood in me, and I talk from my heart. So please do support CNRP in whatever way you can. Thank You China.
ReplyDeleteចេញមកឈ្លើយតែក្បែរទល់ដែន ម៉េចមិនមកនិយាយជាមួយកម្មករនិងចំពោះមុខប្រជាជនទៅ
ReplyDeleteបើកំសាកបែបនេះគួរតែប្រមៀលចុះដោយស្រួលទៅ
Sam Raingsy confirmed that he can do while Hun Sen can not do. Why don't let Sam Raingsy try?
ReplyDelete