អ្នកគាំទ្រគណបក្សប្រជាជនកម្ពុជា ឡោមព័ទ្ធសណ្ឋាគារដែលលោក កឹម សុខា ស្នាក់នៅក្នុងខេត្តកំពង់ចាម កាលពីព្រឹកថ្ងៃទី២៦ មករា ឆ្នាំ២០១៤។ (រូបថត RFA / Saut Sokprathna)
សកម្មភាពសកម្មជនបក្សប្រជាជន ព័ទ្ធសណ្ឋាគារ លាភ វិរៈសារ ដែលលោក កឹម សុខា ស្នាក់នៅក្នុងខេត្តកំពង់ចាម នៅព្រឹកថ្ងៃ២៦ មករា ២០១៤។
បក្សសង្គ្រោះជាតិ ចោទ បក្សប្រជាជន ថា បង្កចលាចល នៅកំពង់ចាម
ដោយ វិទ្យុ អាស៊ីសេរី
សេចក្ដីប្រកាសព័ត៌មាននេះ សរសេរប្ដឹងទៅប្រជាពលរដ្ឋ អង្គទូត និងកាសែតជាតិ និងអន្តរជាតិថា គណបក្សប្រជាជន បានបង្កចលាចលនេះនៅថ្ងៃទី២៥ និងទី២៦ មករា។
សេចក្ដីប្រកាសព័ត៌មាននេះធ្វើឡើង ស្របពេលលោក កឹម សុខា ចុះទៅជួបអ្នកគាំទ្រនៅខេត្តកំពង់ចាម នៅថ្ងៃទី២៦ មករា នេះ ហើយបានប្រឈមនឹងក្រុមអ្នកគាំទ្របក្សប្រជាជន រាប់ពាន់នាក់ប្រមូលផ្ដុំនៅសណ្ឋាគារលោកស្នាក់នៅ និងប្រមូលផ្ដុំគ្នានៅមុខស្នាក់ការបក្សសង្គ្រោះជាតិ ក្នុងខេត្តកំពង់ចាម។
អ្នកគាំទ្របក្សប្រជាជននាំគ្នាប្រមូលផ្ដុំនៅមុខមន្ទីរបក្សសង្គ្រោះជាតិ ហើយចាក់ធុងបាស់ និងចាក់មីក្រូតម្រង់ទៅក្នុងបក្សសង្គ្រោះជាតិ ដែលកំពុងចាក់មីក្រូមកក្រៅ ជាការរំខាន។
កិច្ចប្រជុំបក្សសង្គ្រោះជាតិ នៅខេត្តកំពង់ចាម ត្រូវបានតំណាងរាស្ត្រគណបក្សសង្គ្រោះជាតិ លោក សុន ឆ័យ ប្រកាសរំសាយនៅថ្ងៃត្រង់នេះ ដោយសារតែអ្នកគាំទ្របក្សប្រជាជន រាប់ពាន់នាក់រំខាន។
ទោះយ៉ាងណា លោក សុន ឆ័យ ប្រកាសថា មន្ត្រីថ្នាក់ដឹកនាំបក្សសង្គ្រោះជាតិ នឹងនៅតែបន្តកម្មវិធីចុះជួបអ្នកគាំទ្របក្សនៅតាមខេត្តនានាដដែល ហើយនៅថ្ងៃស្អែក ថ្ងៃទី២៧ មករា ថ្នាក់ដឹកនាំបក្សសង្គ្រោះជាតិ នឹងចុះជួបអ្នកគាំទ្របក្សនៅខេត្តកំពង់ធំទៀត។
សូមស្ដាប់សេចក្ដីរាយការណ៍របស់លោក ទីន ហ្សាការីយ៉ា ពីខេត្តកំពង់ចាម អំពីព្រឹត្តិការណ៍កាលពីព្រឹក៖
សូមរង់ចាំអាននិងស្ដាប់ព័ត៌មានបច្ចុប្បន្នភាពបន្ថែមទៀត...
The CPP supporters are so dump and uneducated .They don't know how to write their Banner.
ReplyDeleteThey acted like mad dog. Like Master Kwack like cheap servant.