នាយកដ្ឋាន ពន្ធនាគារ ក្រសួងមហាផ្ទៃ មិន អនុញ្ញាត ឲ្យអ្នកណា ចូលជួប លោក វន់ ពៅ ក្រៅពី គ្រួសារ និងមេធាវី ឡើយ
ដោយ៖ ជន ស្រីណុច / វីអូឌី | ថ្ងៃសុក្រ ទី24 ខែមករា ឆ្នាំ2014
អគ្គនាយកដ្ឋានពន្ធនាគារនៃក្រសួងមហាផ្ទៃ មិនអនុញ្ញាតឲ្យអ្នកណាម្នាក់ ចូលជួបសួរសុខទុក្ខ លោក វន់ ពៅ ប្រធានសមាគមប្រជាធិបតេយ្យឯករាជ្យសេដ្ឋកិច្ចនៃក្រៅប្រព័ន្ធ ដែលកំពុងជាប់ឃុំ នៅមណ្ឌលអប់រំកែប្រែទី៣ ត្រពាំងផ្លុង ក្នុងខេត្តកំពង់ចាម ក្រៅពីក្រុមគ្រួសារ និងមេធាវីទេ។
លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ រួមទាំងមនុស្ស២២នាក់ទៀត ត្រូវបានចាប់ខ្លួនក្នុងហេតុការណ៍ប៉ះទង្គិចគ្នារវាងសមត្ថកិច្ច និងកម្មករ កាលពីថ្ងៃទី២ និងទី៣ ខែមករា នៅតំបន់សេដ្ឋកិច្ចពិសេសភ្នំពេញ និងនៅមុខសួនឧស្សាហកម្មកាណាឌីយ៉ា រាជធានីភ្នំពេញ។
លិខិតអគ្គនាយកដ្ឋានពន្ធនាគារនៃក្រសួងមហាផ្ទៃលោក គុយ ប៊ុនសន ចុះថ្ងៃទី ២៤ ខែមករា ដែលជម្រាបជូនប្រធានសហភាពការងារកម្ពុជា ឲ្យដឹងថា ករណីជនជាប់ឃុំឈ្មោះ វន់ ពៅ កំពុងស្ថិតក្នុងដំណាក់កាលស៊ើបអង្កេតរបស់ស្ថាប័នតុលាការ ដូចនេះក្រៅពីគ្រួសារ និងមេធាវីរបស់ជនជាប់ឃុំ មិនអាចអនុញ្ញាតឲ្យចូលជួបឡើយ។
លោក អាត់ ធន ឲ្យដឹងទៀតថា ទោះបីជាក្រសួងមហាផ្ទៃមិនអនុញ្ញាតឲ្យចូលជួប តែលោកនឹងរិះរកគ្រប់មធ្យោបាយដើម្បីសួរសុខទុក្ខលោក វន់ ពៅ៕
No comments:
Post a Comment