លោកស៊ូប៊ែឌី ធ្វើសន្និសីទកាសែត ជុំវិញទស្សនកិច្ច លើកទី ១០ មកកម្ពុជា
ABC Radio Australia | 16 January 2014
តំណាងពិសេស របស់
ឧត្តមស្នងការ អង្គការ សហប្រជាជាតិ ទទួលបន្ទុក សិទ្ធិមនុស្ស ប្រចាំកម្ពុជា លោក សូរិយា ប្រាសាទ ស៊ូប៊ែឌី ត្រៀមធ្វើសន្និសីទកាសែត
ជុំវិញដំណើរ ទស្សនកិច្ច លើកទី១០ របស់លោក នៅប្រទេសកម្ពុជា
ដែលនឹងធ្វើ នៅការិយាល័យ របស់ឧត្តមស្នងការ អង្គការ សហប្រជាជាតិ ប្រចាំទីក្រុងភ្នំពេញ វេលាម៉ោង ១ និង៣០ នាទី រសៀល ថ្ងៃនេះ។
យោងតាមសេចក្តីប្រកាស ព័ត៌មាន របស់ ការិយាល័យ
ឧត្តមស្នងការ អង្គការ សហប្រជាជាតិ
ទទួលបន្ទុក ផ្នែកសិទ្ធិមនុស្ស ប្រចាំទីក្រុងភ្នំពេញ បានឲ្យដឹងថា,
ក្នុងសន្និសីទកាសែតនេះ, លោក ស៊ូប៊ែឌី
នឹងធ្វើបទបង្ហាញ អំពី ខ្លឹមសំ ខាន់ៗ មួយចំនួន
ដែលលោក ទទួលបាន ពីផ្នែកពាក់ព័ន្ធ
ក្នុងដំណើរ ទស្សនកិច្ច របស់លោក មកកម្ពុជា ចាប់តាំង ពីថ្ងៃទី១២ ខែមករា។
លោក ស៊ូប៊ែឌី ក៏នឹងផ្តល់វេទិកា ចោទសួរ ដល់បណ្តា អ្នកសារព័ត៌មាន ជាតិ
និងអន្តរជាតិ ដែលចូលរួម ទាក់ទង នឹងបេសកកម្ម របស់លោក មកកម្ពុជា
ឬអាណត្តិការងារ របស់លោក និងបញ្ហាផ្សេងៗទៀត។
លោក
រ៉ុង ឈុន ប្រធានសហភាពសហជីពកម្ពុជា
និងជាប្រធានសមាគមគ្រូបង្រៀនកម្ពុជាឯករាជ្យ
និងជាមេដឹកនាំសង្គមស៊ីវិលម្នាក់
ក្នុងចំណោមសង្គមស៊ីវិលផ្សេងទៀតដែលបានចូលជួបលោក ស៊ូប៊ែឌី
បានចាត់ទុកដំណើរទស្សនកិច្ចរបស់មន្ត្រីអង្គការសហប្រជាជាតិរូបនេះថា
បានជំរុញឲ្យមានការគោរពសិទ្ធិមនុស្ស
និងសម្របសម្រួលស្ថានភាពនយោបាយដែលកំពុងក្តៅគគុកនៅកម្ពុជាឲ្យបាន
ប្រសើរឡើង។
No comments:
Post a Comment