សន្តិសុខបំបែកការជួបជុំរបស់តំណាងសហគមន៍ នៅមុខវត្តឧណ្ណាលោម ថ្ងៃទី១៩ មករា ២០១៤
@rfi/siv chhana
សមត្ថកិច្ច បំបែកក្រុម សហគមន៍ ដែលទាមទារ ការដោះលែង សកម្មជន ២៣នាក់
RFI | 19 Jan. 2014
សកម្មជន សិទ្ធិមនុស្ស
និងតំណាងកម្មករ កាត់ដេរ ត្រូវ បានសមត្ថកិច្ច បំបែក
មិនឲ្យ ជួបជុំគ្នាឡើយ នៅល្ងាច ថ្ងៃអាទិត្យ ទី១៩ មករា នេះ
ខណៈពួកគេ មានបំណងបង្ហោះ ប៉ោងៗ និងចែកផ្សាយសារ ដែលអំពាវនាវ ឲ្យរដ្ឋាភិបាល ដោះលែង សកម្មជន ទាំង២៣នាក់
និងទាមទារ ឲ្យមានការដំឡើង ប្រាក់ខែគោល ដល់កម្មករ ឲ្យបាន ១៦០ដុល្លារ។
នេះ បើ តាមការអះអាង របស់ លោកស្រី ប្រាក់ សុវណ្ណារី
ដែលជាភរិយា របស់លោក វន់ ពៅ។ លោកស្រី សុវណ្ណារី
បានចូលរួម ក្នុងការសកម្មភាព បង្ហោះប៉ោងៗនោះ។
ក្រុមសកម្មជន បានត្រៀមជួបជុំគ្នា នៅមុខវត្ត ឧណ្ណាលោម
ក្បែរព្រះបរមរាជវាំង។ គេ ឃើញក្រុមសមត្ថកិច្ច អ្នកបំបែក ការជួបជុំនោះ
សុទ្ធតែ មានពាក់មួក សុវត្ថិភាព
ដែលគេ ពាក់សម្រាប់ ធ្វើចរាចរណ៍ តាមដងផ្លូវ។
No comments:
Post a Comment