សមាគម មន្ត្រីរាជការ ប្រកាស ឲ្យ មន្ត្រីរាជការ ទាំងអស់ ចូលរួមកូដកម្ម ដំឡើងប្រាក់ខែ
លិខិតរបស់សមាគមមន្ត្រីរាជការឯករាជ្យ ហៅកាត់ជាភាសាអង់គ្លេសថា ស៊ីកា (CICA) ចុះថ្ងៃទី៨ ខែមករា បានអំពាវនាវអោយមន្ត្រីរាជការចូលរួមបាតុកម្ម ដោយការមិនទៅកន្លែងធ្វើការ ឈប់សម្រាក ឬព្យួរការងារជាដើម ដើម្បីជំរុញអោយរដ្ឋាភិបាលយល់ព្រមដំឡើងប្រាក់ខែគោលមន្ត្រីរាជការអោយបាន ២លានរៀលក្នុងមួយខែ។
«សំឡេង»
មន្ត្រីនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានហៅការអំពាវនាវនេះថា ជាទង្វើខុសច្បាប់ ជាការញុះញង់អោយធ្វើដំណើរការងាររបស់ប្រទេសនេះជាប់គាំង។ លោក ផៃ ស៊ីផាន បញ្ជាក់ទៀតថា មន្ត្រីរាជការដែលចូលរួមកូដកម្មបាតុកម្មដោយមិនធ្វើការ អាចប្រឈមនឹងការបញ្ឈប់ពីការងារ។
«សំឡេង»
ទាក់ទងនឹងការដំឡើងប្រាក់ខែមន្ត្រីរាជការ រដ្ឋាភិបាលកម្ពុជា បានចេញអនុក្រឹត្យមួយកាលពីថ្ងៃទី២ ខែមករា ដោយសម្រេចដំឡើងប្រាក់ខែមូលដ្ឋានដល់មន្ត្រីរាជការ និងប្រាក់ថ្លៃអាហារកងយោធិន នគរបាលជាតិ និងមន្ត្រីពន្ធនាគារ និងផ្ដល់ប្រាក់កម្រៃបន្ថែមដល់គ្រូបង្រៀនជាប់កិច្ចសន្យា ក្នុងនោះ មន្ត្រីរាជការទទួលបានប្រាក់ខែបន្ថែម ៤ម៉ឺន ឬ ៨ម៉ឺនរៀលទៅតាមប្រភេទក្របខ័ណ្ឌរបស់ខ្លួន។ ចំណែកយោធិននៃកងយោធពលខេមរភូមិន្ទ នគរបាលជាតិ និងមន្ត្រីពន្ធនាគារ ទទួលបានប្រាក់ថ្លៃអាហារបន្ថែមចំនួន ៤ពាន់ ២០០រៀលក្នុង១ថ្ងៃ។ ចំណែកគ្រូបង្រៀនជាប់កិច្ចសន្យា ទទួលបានប្រាក់បន្ថែមចំនួន ៤ម៉ឺនរៀល។ យ៉ាងនេះក្តី សមាគមមន្ត្រីរាជការឯករាជ្យចាត់ទុកថា ការដំឡើងនោះ គឺមានកម្រិតតិចតួចដែលពុំសមស្របនឹងទំនិញនៅលើទីផ្សារ៕
No comments:
Post a Comment