 |
| ៥-មករា-២០១៣៖
ពិធីបង្សុកូលគោរពវិញ្ញាណក្ខន្ធដល់កម្មករនៅទីស្នាក់ការបក្សសង្គ្រោះ
ជាតិ ដែលស្លាប់ក្នុងពេលសមត្ថកិច្ចបង្ក្រាបនៅផ្លូវវ៉េងស្រេង។ RFA / Leng Maly |
បក្សសង្គ្រោះជាតិ ធ្វើពិធីបង្សុកូល គោរពវិញ្ញាណក្ខន្ធ អ្នកស្លាប់ ក្នុងការតវ៉ា
បន្ទាប់ពីកងកម្លាំង អាជ្ញាធរ របស់ រដ្ឋាភិបាល បង្ក្រាបបាតុករ
របស់ គណបក្ស សង្គ្រោះជាតិ នៅទីលាន ប្រជាធិបតេយ្យ នៅថ្ងៃទី៤ ខែមករា
និងហាម មិនឱ្យមាន បាតុកម្ម ទៀតនោះ, គណបក្ស សង្គ្រោះជាតិ
រៀបចំ ធ្វើពិធីបង្សុកូល ឧទ្ទិសកុសល ដល់វិញ្ញាណក្ខន្ធ អ្នកស្លាប់ ដោយការបាញ់បង្ក្រាប ពីកងកម្លាំង ប្រដាប់អាវុធ របស់ រដ្ឋាភិបាល កាលពីថ្ងៃ ទី៣ ខែមករា នៅតាមផ្លូវ វ៉េងស្រេង រាជធានីភ្នំពេញ។
មានមនុស្សជិត ១ពាន់នាក់
ជួបជុំគ្នានៅទីស្នាក់ការគណបក្សសង្គ្រោះជាតិ នៅសង្កាត់ចាក់អង្រែលើ
រាជធានីភ្នំពេញ នៅព្រឹកថ្ងៃទី៥ មករា ដើម្បីធ្វើពិធីបង្សុកូល
ឧទ្ទិសកុសលដល់វិញ្ញាណក្ខន្ធអ្នកស្លាប់ដោយការបាញ់បង្ក្រាបពីកង
កម្លាំងប្រដាប់អាវុធរបស់រដ្ឋាភិបាល នៅតំបន់ផ្លូវវ៉េងស្រេង
ខណ្ឌមានជ័យ កាលពីថ្ងៃទី៣ ខែមករា។
នៅក្នុងពិធីបង្សុកូលនេះ អនុប្រធានគណបក្សសង្គ្រោះជាតិ លោក កឹម
សុខា
ថ្លែងកោតសរសើរដល់អ្នកដែលបានចូលរួមធ្វើបាតុកម្មជាមួយគណបក្ស
សង្គ្រោះជាតិមួយរយៈកន្លងមកនេះ ដោយហៅថា ជាវីរបាតុករ ជាពិសេស
គឺរំឭកដល់អ្នកដែលស្លាប់ដោយការបាញ់បង្ក្រាបនៅតំបន់ផ្លូវ
វ៉េងស្រេង នោះ។
នៅក្នុងពិធីនេះដែរ ប្រធានគណបក្សសង្គ្រោះជាតិ គឺលោក សម រង្ស៊ី
បានបញ្ជាក់ដល់អ្នកគាំទ្រលោកថា
អ្នកដឹកនាំនិងគណបក្សសង្គ្រោះជាតិមិនផ្លាស់ប្ដូរជំហរតស៊ូរបស់
ខ្លួនទេ ទោះជាមានការផ្លាស់ប្ដូរយុទ្ធវិធីខ្លះក៏ដោយ។
ទាំងលោក សម រង្ស៊ី និងលោក កឹម សុខា ថ្លែងថា
ការដែលលោកបញ្ជាឱ្យក្រុមបាតុករចាកចេញពីទីលានប្រជាធិបតេយ្យនៅពេល
កងកម្លាំងអាជ្ញាធររដ្ឋាភិបាលចូលបង្ក្រាបនោះ
គឺជាការផ្លាស់ប្ដូរយុទ្ធវិធីរបស់គណបក្សសង្គ្រោះជាតិ មិនតបត
ដែលឱ្យធ្លាក់ក្នុងអន្ទាក់នៃអំពើហិង្សា
នាំឱ្យការបង្ហូរឈាមនិងបាត់បង់ជីវិត។
កម្មការិនីមួយរូបដែលចូលរួមក្នុងពិធីបង្សុកូលនោះ គឺឈ្មោះ
សម្ផស្ស មានប្រសាសន៍ថា
កម្លាំងរដ្ឋាភិបាលប្រើអាវុធបាញ់អ្នកតវ៉ាទាំង ៥នាក់
នៅផ្លូវវ៉េងស្រេងនោះ។
លោក កឹម សុខា ថ្លែងបញ្ជាក់ថា
ពួកលោកមិនមានផែនការចាកចេញពីប្រទេសនៅឡើយទេ ហើយថា
ការបន្តការតស៊ូរបស់គណបក្សសង្គ្រោះជាតិ នឹងអាចនាំប្រទេសកម្ពុជា
ឱ្យបានទៅដល់ទិសដៅលទ្ធិប្រជាធិបតេយ្យ ដោយយុទ្ធវិធីអហិង្សា
គ្មានការបង្ហូរឈាម
ហើយលោកអំពាវនាវដល់ពលរដ្ឋឱ្យរក្សាភាពស្ងប់ស្ងៀម
និងចៀសវាងអំពើញុះញង់ទាំងឡាយ ដែលលោកហៅថា ជាអន្ទាក់ហិង្សា៕
No comments:
Post a Comment