ក្រុមពហុវិស័យ ធ្វើបាតុកម្ម ទាមទារ ឲ្យអាជ្ញាធរ ខេត្តសៀមរាប ដោះស្រាយបញ្ហា មួយចំនួន
ដោយ៖ បូ សាវី និង អ៊ឹង ប៊ុនថន | ថ្ងៃពុធ ទី1 ខែមករា ឆ្នាំ2014
ក្រុមពហុវិស័យ ដែលមានសមាជិក
អ្នករត់ម៉ូតូកង់បី, ម៉ូតូឌុប, កម្មករ គ្រប់វិស័យ,
និងប្រជាសហគមន៍ ដីធ្លី នៅព្រឹកថ្ងៃពុធនេះ
ដង្ហែក្បួន ធ្វើបាតុកកម្ម ដើម្បី ទាមទារ ឲ្យរដ្ឋាភិបាល
បញ្ចប់គម្រោងរថយន្ដ ប្រើថាមពលអគ្គិសនី
ដឹកភ្ញៀវទេសចរ នៅតបន់អង្គរ, ដំឡើងប្រាក់បៀវត្សរ៍ មន្ដ្រីរាជការ
ដំឡើងប្រាក់ឈ្នួល កម្មករ គ្រប់វិស័យ ដោះស្រាយ ទំនាស់ដីធ្លី,
និងបញ្ចុះតម្លៃប្រេងសាំងជាដើម។
ក្រុមបាតុករ
ដែលភាគច្រើនជាអ្នកដឹកភ្ញៀវទេសចរ បានស្រែកតាមឧបករណ៏បំពងសំឡេង
ដោយពួកគេទាមទារ
ឲ្យដកអាជ្ញាប័ណ្ណរបស់ក្រុមហ៊ុនរថយន្ដប្រើថាមពលអគ្គិសនី
ដោយអះអាងថា រដ្ឋាភិបាលឲ្យក្រុមហ៊ុនបរទេស
ធ្វើវិនិយោគនៅកម្ពុជាបែបនេះ
ធ្វើឲ្យប៉ះពាល់មុខរបរប្រចាំថ្ងៃរបស់ពលរដ្ឋខ្មែរ ៖
"ពីថ្ងៃនេះទៅ
សូមអ្នកឯងបញ្ឈប់ជាបន្ទាន់នូវការប្រើប្រាស់រថយន្តដែលធន់ធ្ងន់
ដែលធ្វើឲ្យយើងខ្ញុំដាច់អាជីព យើងដឹងហើយទីផ្សារសេរី
ប៉ុន្តែទីផ្សារសេរីមិនមែនបណ្តាច់អាជីពប្រជាពលរដ្ឋដែលជាម្ចាស់
ស្រុក ម្ចាស់ប្រទេស ដែលជាម្ចាស់អង្គរវត្តនោះទេ មែនទេ?
រួបរួមគ្នាដើម្បីជីវភាពរស់នៅរបស់យើងមែនទេ?
ប្រមូលកម្លាំងសាមគ្គីប្រជាពលរដ្ឋខ្មែរ
រួបរួមគ្នាលក្ខខណ្ឌការងាររបស់យើង"។
បណ្តាញសហគមន៍ដីធ្លី និងកម្មករ លើកបដាតវ៉ារឿងដីធ្លី និងទាមទារប្រាក់ខែ (រូបថត បូ សាវី)
ដោយឡែកក្រុមកម្មករ
និងបណ្ដាញសហគមន៍ដីធ្លី ចំនួន៤ទៀត ពួកគេជំរុញឲ្យអាជ្ញាធរខេត្ដ
ដោះស្រាយបញ្ហាដីធ្លី និងផ្ដល់ប័ណ្ណកម្មសិទ្ធិស្របច្បាប់ជូនពួកគាត់
ព្រមទាំងដំឡើងប្រាក់ឈ្នួលដល់កម្មករគ្រប់វិស័យឲ្យបាន ១៦០ដុល្លារ
ដំឡើងប្រាក់ខែមន្ដ្រីរាជការ១លានរៀល
រកទីផ្សារស្រូវឲ្យបាន១៥០០រៀលក្នុងមួយគីឡូក្រាម
និងបញ្ចុះតម្លៃសាំងត្រឹម៤០០០រៀល ៖ "ភូមិត្បាញខាងកើត
ទាមទារកម្មសិទ្ធិដីសម្រាប់ ១៦៨គ្រួសារ ទីបី សហគមន៍ត្បាញខាងលិច
ទាមទារដី៤២៧ហិចតាសម្រាប់ ១០៥គ្រួសារ។ បងប្អូនទាំងអស់គ្នា
យើងទាមទារឲ្យមានការបញ្ចុះតម្លៃសាំងជាបន្ទាន់ ជយោ!
ព្រះរាជាណាចក្រកម្ពុជា ជយោ! ប្រជាពលរដ្ឋខ្មែរដ៏អង់អាចក្លាហាន"។
ទោះជាយ៉ាងណា ក្រុមបាតុករ
បានរំសាយទៅវិញនៅម៉ោងជាង១២ថ្ងៃត្រង់នេះ
ដោយសារមានតំណាងអាជ្ញាធរខេត្ដសៀមរាប ចេញមកទទួលយកញត្ដិ
ដោយពុំមានការប៉ះទង្គិចណាមួយជាមួយកំលាំងសមត្ថកិច្ច
ឡើយដោយគ្រាន់តែរារាំងមិនឲ្យបាតុករចូលដល់ស្នាក់ការក្រុមហ៊ុន
រថយន្ដប្រើអគ្គិសនី និងចូលសាលាខេត្ដ។
លោក សុខ ថុល នាយករង រដ្ឋបាលសាលាខេត្ដសៀមរាប ថ្លែងទៅកាន់ពលរដ្ឋថា លោកនឹងយកញត្ដិទាំងនោះដាក់ជូនអភិបាលខេត្ដ ៖ "សុំការសំណូមពរអី គឺថាដាក់ញត្តិមក ខ្ញុំនឹងទទួលហើយនិងរាយការណ៍ជូនឯកឧត្តមអភិបាលដើម្បីដោះស្រាយជូន"។
ទោះជាយ៉ាងណា
ប្រធានសាខាសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ
ខេត្ដសៀមរាប លោក ផឹង សាម៉េធ ដែលដឹកនាំពលរដ្ឋធ្វើបាតុកម្ម ព្រមានថា
នឹងដឹកនាំបាតុករ
ធ្វើបាតុកម្មបន្ដទៀតនៅកន្លែងលក់សំបុត្រឲ្យភ្ញៀវទេសចរណ៏
បើសិនមិនមានដំណោះស្រាយ។
ពហុវិស័យដែលដឹកនាំបាតុកម្មនៅក្រុងទេសចរណ៍នៅថ្ងៃពុធនេះ រួមមាន
សមាគម ប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ
សហព័ន្ធសហជីពកម្មករ ចំណីអាហារ និងសេវាកម្មកម្ពុជា សហព័ន្ធសហជីព
កម្មករសំណង់ និងព្រៃឈើកម្ពុជា
និងបណ្ដាញសហគមន៏ដីធ្លីចំនួន៤ផ្សេងទៀត៕
They will put your letters in the rubbish bins for sure .This is YOUN trick.
ReplyDeleteSome of my relatives are working for Hun Sen gov't but they are on CNRP side because they said that their income is way too low but is not even enough to feed the whole family e,g patrol alone taking half of their wage. In the West, those who worked for the gov't are being covered by the gov't, like, free transport/patrol etc and if they spend on patrol for their work purposes, they can keep the receipt and get their money back e.g 1km is equal to $1 5km $5 depending on the distance between their home and workplace. Because otherwise, it is like going to work for nothing e.g $100 per month and the cost on patrol up to $50 per month, their balance of $50 per month, is worst than a begger in the street!. It is so exploitation and if you don't want to do it, they will always get someone else to recruite for as little as they can get. So, Hun Sen oiy chos chanh tov!!!
ReplyDelete