លោក សុន ឆ័យ៖ ការចរចា នឹងកាន់តែ មានប្រសិទ្ធភាព ប្រសិនបើ មានការដោះលែង អ្នកជាប់ឃុំ ទាំង២១នាក់
ដោយ៖ កាន់ វិច្ឆិកា | ថ្ងៃអង្គារ ទី18 ខែកុម្ភៈ ឆ្នាំ2014
ប្រធាន ក្រុមការងារ គណបក្សសង្គ្រោះជាតិ បានលើកឡើងថា ប្រសិនបើមានការដោះលែង អ្នកទាំង២១នាក់ នោះដំណើរការចរចាស្វែងរកដំណោះស្រាយ វិបតិ្តនយោបាយ នឹងកាន់តែមានភាពល្អប្រសើរឡើង។
បេក្ខជនជាប់ឆ្នោតតំណាងរាស្ត្រ និងជាប្រធានក្រុមការងារគណបក្សសង្គ្រោះជាតិ លោក សុន ឆ័យ មានប្រសាសន៍បន្ទាប់ពីជំនួបចរចាមួយ រវាងគណបក្សប្រជាជនកម្ពុជា និងគណបក្សសង្គ្រោះជាតិ នៅវិមានព្រឹទ្ធសភា នាព្រឹកថ្ងៃអង្គារនេះថា ការចរចារកដំណោះស្រាយដែលនៅសេសសល់ សម្រាប់ផលប្រយោជន៍ជាតិ រវាងគណបក្សទាំងពីរ នឹងកាន់តែមានបរិយាកាសល្អប្រសើរ បើសិនមានការដោះលែងអ្នកទាំង២១នាក់ ដែលកំពុងជាប់ឃុំឃាំងនៅពន្ធនាគារត្រពាំងផ្លុងនោះ «ខ្ញុំសង្ឃឹមថា ខ្ញុំនឹងរៀបចំកម្មវិធីចុះទៅជួប ផ្ទាល់ដល់អ្នកជាប់ឃុំឃាំង ដែលយកថ្ងៃដែលមិនចំថ្ងៃសៅរ៍ ថ្ងៃអាទិត្យ សង្ឃឹមថា នឹងបានជួប អ្នកដែលត្រូវជួបឃុំឃាំងទាំងអស់នោះ។ ប៉ុន្តែខ្ញុំសូមបញ្ជាក់ដែរថា ជំហររបស់គណបក្សសង្គ្រោះជាតិ ថាបើមានការដោះលែង វានឹងអាចបង្កបរិយាកាសល្អថែមទៀត ទៅដល់ការខិតខំ របស់យើងនៅក្នុងការរកដំណោះស្រាយ ផ្តល់ជាផលប្រយោជន៍ជាតិនោះឲ្យបានឆាប់»។
ឆ្លើយតបនឹងបញ្ហានេះដែរ ក្រុមការងារគណបក្សប្រជាជនកម្ពុជា លោក ព្រុំ សុខា លើកឡើងថា ការដោះលែង ឬមិនដោះលែងអ្នកជាប់ឃុំទាំង២១នាក់នោះ ជាសមត្ថកិច្ចរបស់តុលាការក្នុងការសម្រេច មិនអាចធ្វើអ្វីរំលងច្បាប់បានឡើយ «ខ្ញុំបានឆ្លើយហើយ បញ្ហានៅសេសសល់ យើងបន្តទៀត ព្រោះរឿងនេះ ខ្ញុំគ្រាន់តែឆ្លើយមួយម៉ាត់ទេ មិនមែនថាខ្ញុំមិនចង់ឆ្លើយទេ វាជាសមត្ថកិច្ចរបស់តុលាការ យើងមិនអាចមកនិយាយ ឧបមាយើងនិយាយចរចាជំនួបនយោបាយ យើងទៅធ្វើអ្វីក្រៅក្របខណ្ឌច្បាប់មិនបានទេ។ ប៉ុន្តែយើងចង់ឃើញអ្វីៗ ប្រព្រឹត្តទៅដោយ ធ្វើម៉េចនាំមកនូវបរិយាកាសមួយ ដែលមានការជឿទុកចិត្តគ្នា ដើម្បីឈានទៅបញ្ចប់បញ្ហា ឲ្យបានឆាប់»។
មន្ដ្រីស៊ើបអង្កេតសមាគមសិទ្ធិមនុស្សអាដហុក លោក ចាន់ សុវ៉េត មានប្រសាសន៍ថា សំណើរបស់គណបក្សសង្គ្រោះជាតិ ហាក់ដូចជាការបង្ហាញឆន្ទៈ ក្នុងការចរចារកដំណោះស្រាយសម្រាប់បញ្ហាកំពុងជាប់គាំងនៅកម្ពុជា ហើយប្រសិនបើអ្នកនយោបាយទាំងពីរ យល់ព្រមធ្វើសម្បទានឲ្យគ្នាទៅវិញទៅមក មិនមានអ្វីដែលមិនអាចដោះស្រាយបាននោះទេ។ លោកថា ការដោះលែងមនុស្ស ឬមិនដោះលែង មិនចាំបាច់ពឹងលើសមត្ថកិច្ចតុលាការនោះទេ សំខាន់ឲ្យតែភាគីទាំងពីរព្រមព្រៀងគ្នា «យើងនិយាយថា ការជាប់គាំងនយោបាយនេះ វាជារឿងផ្នែកមួយ អញ្ចឹងការជាប់គាំងនយោបាយ នៅពេលដែលអ្នកនយោបាយចាប់ផ្តើមត្រូវរូវគ្នា ចរចាគ្នា ជជែកគ្នា ធ្វើអ្វីក៏បានដែរ សូម្បីតែកែរដ្ឋធម្មនុញ្ញ ក៏ធ្វើបានដែរ ចុះគ្រាន់តែរឿងដោះលែងមនុស្ស២១នាក់ហ្នឹង រឿងអ្វីដែលធ្វើមិនបាន។ នេះគឺជាហេតុផលមួយ ដែលយើងខ្ញុំចង់បង្ហាញប្រាប់ថា ទាល់តែនយោបាយទាំងអស់ហ្នឹង វាត្រូវរូវគ្នាសិន ដើម្បីឲ្យពួកគេត្រូវរូវគ្នា ត្រូវពួកគេចូលជជែកគ្នា ហើយការជជែកគ្នារបៀបព្រឹកមិញនេះ យើងគ្រាន់ថា នេះដូចជាដំណាក់កាលដំបូង មិនមែនដំណាក់កាលទី៣ ព្រោះការជជែកគ្នានេះ អាចដឹងអំពីសុខទុក្ខគ្នា»។
នៅព្រឹកមិញនេះដែរ លោកសុន ឆ័យ ប្រធានក្រុមការងារគណបក្សសង្គ្រោះជាតិ បានបង្ហើបថា លោកគ្រោងនឹងដឹកនាំបេក្ខជនតំណាងរាស្ត្រគណបក្សនេះ ទៅសួរសុខអ្នកទាំង ២១នាក់នោះ នៅពន្ធនាគារត្រពាំងផ្លុង ខេត្តកំពង់ចាម ជាថ្មីម្តងទៀត នាពេលឆាប់ៗនេះ បន្ទាប់ពីមិនបានចូលជួបកាលពីលើកមុន ដោយសារមន្ត្រីពន្ធនាគារមិនអនុញ្ញាត។
កន្លងមក អ្នកវិភាគនយោបាយ និងអ្នកតាមដានបញ្ហាសង្គម ធ្លាប់លើកឡើងថា ការបដិសេធរបស់តុលាការ ទៅលើបណ្តឹងសុំនៅក្រៅឃុំរបស់អ្នកទាំង២១នាក់នោះ ហាក់រងឥទ្ធិពលពីស្ថាប័នរដ្ឋាភិបាល ហើយអាចជាយុទ្ធសាស្ត្រមួយ ផ្សាភ្ជាប់ជនជាប់ចោទទាំង២៣នាក់ ជាចំណាប់ខ្មាំងនយោបាយ ដើម្បីឈានដល់ការដោះស្រាយបញ្ហាជាប់គាំងនយោបាយនៅពេលនេះ ដោយសារពួកគេ កន្លងមក ធ្លាប់បានបង្ហាញជំហរគាំទ្រគណបក្សសង្គ្រោះជាតិ៕
ទោះ យ៉ាងណា, ទង្វើ រាល់ថ្ងៃ របស់ សុវណ្ណថា ដែល ជេរ និង រិះគន់ ហ៊ុន សែន និង បក្ស CPP នោះ ផ្តល់ យ៉ាងច្រើន ផលចំណេញ ដល់ បក្ស សង្រ្គោះជាតិ និង មហាជន ខ្មែរ,
ReplyDeleteចឹងហើយ ពួកយើង នឹង នៅ គាំទ្រ ជានិច្ច ទង្វើ សព្វថ្ងៃ របស់នាង
ប៉ុន្តែ បើ ពេលអនាគត កញ្ញា ធី សុវណ្ណថា បញ្ចេញ កន្ទុយ កញ្ជ្រោង ឬ ងាក បែក ចេញ ពី CNRP ទៅ CPP វិញ នោះ
Facebook នេះហើយ ជា ភ្នែក, ច្រមុះ, ត្រចៀក គ្មានអាច បិទបាំង បានឡើយ។ ពេលនោះ ពួកអ្នកគាំទ្រ បក្ស CNRP ប្រាកដ ចេះ វាយតំលៃ កាត់ក្តី គ្មាន ខុស សូម្បី បន្តិច
និង បើ នាង មកជា ចឹង មែន, វាសនា របស់នាង គ្មានខុស អី ពី អ៊ូ វីរះ នោះ ឡើយ ឃើញ គំរូ អាប៉ិ នោះ ជា ឧទាហរ ស្រាប់។
ចំពោះ ខ្ញុំ, ខ្ញុំ នៅ មាន ចំងល់ អំពី រឿង ភាពក្លាហាន ចំលែក របស់ កញ្ញា ធី សុវណ្ណថា ខុស ពី យុវជន និង យុវតី ដទៃ ក្នុង បក្ស សង្រ្គោះជាតិ និង ខ្ញុំ នៅ មាន ច្រើន ការសង្ស័យ ចំពោះ ករណី នេះ។
ពេល បច្ចុប្បន្ន, ខ្ញុំ នៅ គិត ថា ការបែកធ្លាយ អត្តសញ្ញា របស់ កញ្ញា ធី សុវណ្ណថា និង ការគំរាម កំហែង លើ នាង នៅ ពេល ថ្មីៗ នេះ អាច ត្រឹម ជា ឆាកល្ខោន របស់ អ្នក នៅ ពី ក្រោយ ខ្នង ធី សុវណ្ណថា ដែល ធ្វើឡើង សំរាប់ កុំ អោយ ស្ងាត់ ពេក និង សំរាប់ កុំ អោយ ពួកអ្នកគាំទ្រ ឬ ពួកថ្នាក់ដឹកនាំ ក្នុង បក្ស CNRP ឆ្ងល់ សង្ស័យ ពេក ថា ហេតុអ្វី គ្មាន ការគំរាម លើ ធី សុវណ្ណថា ដូច ករណី គំរាម លើ យុវជន យុវតី ដទៃ ក្នុង បក្ស CNRP??
ជាក់ស្តែង កញ្ញា ប៉ី ប៉ី លី ទើប ចេញមុខ ក្រោយ ធី សុវណ្ណថា គ្មាន បាន ប៉ុន្មាន ផង ក៏ ត្រូវបានរង គ្រោះថ្នាក់ ស្ទើរ បាត់បង់ ជីវិត ទៅហើយ....
នេះ ជា ការយល់ឃើញ របស់ ខ្ញុំផ្ទាល់ និង ខ្ញុំ នៅ គាំទ្រ កញ្ញា ធី សុវណ្ណថា ដរាប ត្រឹម នាង នៅ ស្រលាញ់ ជាតិ, មហាជន ខ្មែរ និង ប្រទេស ខ្មែរ ដ៏ កំសត់ នៃ យើង
ប៉ុន្តែ បើ នាង បែក ឆ្វេង ធ្វើការ លួចលាក់ អោយ បក្ស យួន កំមុយនីស្ត, ខ្ញុំ នឹង ជា អ្នក ប្រឆាំង នាង វិញ។
https://www.facebook.com/photo.php?fbid=659103120803222&set=a.660092934037574.1073741960.435746146472255&type=3&theater
អ្នករាល់គ្នា យល់ បែបណា អាច បន្ថែម ទៀត បាន...