សារព័ត៌មាន បរទេសមួយ ចាត់ទុកលោក ហ៊ុន សែន ជាមេដឹកនាំ ក្នុងពិភពលោក ដែលអាមេរិក ពិបាកធ្វើការ ជាមួយ
ដោយ៖ ស៊ុន ណារិន / VOD | ថ្ងៃព្រហស្បតិ៍ ២៧កុម្ភៈ ២០១៤
រូបថត ដែលបង្ហោះ នៅលើគេហទំព័រ
POLITICO
Magazine ដែលមានគេហទំព័រ (www.politico.com)
បានចេញផ្សាយ អត្ថបទមួយ ជារបាយការណ៍ ពិសេស រៀបពីមេដឹកនាំ ក្នុងពិភពលោក
ដែលប្រធានាធិបតី អាមេរិក លោក អូបាម៉ា ពិបាកធ្វើការ ជាមួយ,
ក្នុងនោះ រួមមានលោកនាយករដ្ឋមន្ត្រី ហ៊ុន សែនផងដែរ។
គេហទំព័រនោះ បានចុះផ្សាយ អត្ថបទ
ដែលមាន ចំណងជើង ថា, ប្រទេស សម្ព័ន្ធមិត្ត ទាំង២៥ របស់ អាមេរិក
ពិបាកធ្វើការ ជាមួយ (America's 25 Most Awkward Allies) ដែលក្នុងនោះ
ក៏មានលោកនាយករដ្ឋមន្ត្រី ហ៊ុន សែនផងដែរ។ គេហទំព័រ
បានដាក់រូបភាព លោកនាយករដ្ឋមន្ត្រី ហ៊ុន
សែន ទៅក្នុងចំណោម មេដឹកនាំ ផ្សេងទៀត, ក្នុងនោះ រួមមាន ប៉ាគីស្ថាន,
អារ៉ាប់ប៊ី សាវឌីត, អាហ្វហ្គានីស្ថាន, អ៊ីរ៉ាក់, អេស៊ីប, មីយ៉ាន់ម៉ា,
និងវៀតណាម ជាដើម។
គេហទំព័រ
បានរៀបរាប់ពីការដឹកនាំរបស់នាយករដ្ឋមន្ត្រី លោក ហ៊ុន សែន
តាំងពីឆ្នាំ១៩៨៥ ដែលជាមេដឹកនាំកាន់អំណាចយូរមួយនៅលើពិភពលោក។
គេហទំព័របន្តថា ក្នុងឆ្នាំ២០១២ លោក អូប៉ាម៉ា
បានក្លាយជាប្រធានាធិបតីទីមួយដែលមកកម្ពុជា ខណៈព្រឹទ្ធសភាអាមេរិក
បានព្រមានកាត់ជំនួយមកកម្ពុជា ដោយសារបញ្ហាមួយចំនួន
កំពុងរារាំងដល់ការអភិវឌ្ឍលទ្ធិប្រជាធិបតេយ្យ។
អ្នកនាំពាក្យរបស់រដ្ឋាភិបាល លោក ផៃ ស៊ីផាន មានប្រសាសន៍ថា លោកមិនខ្វល់ពីការលើកឡើងរបស់គេហទំព័របរទេសនោះទេ។
ជំនួបរវាងលោកនាយករដ្ឋមន្ត្រី ហ៊ុន សែន
និងលោកអូបាម៉ា កាលពីឆ្នាំ២០១២ ត្រូវបានចាត់ទុកជាជំនួបតានតឹងមួយ
ដោយសារលោកអូបាម៉ា បានលើកពីបញ្ហាសិទ្ធិមនុស្ស លទ្ធិប្រជាធិតេយ្យ
ការបោះឆ្នោតនៅកម្ពុជា បញ្ហាអ្នកទោសនយោបាយ និងបញ្ហាដីធ្លីផ្សេងៗ
ទៅលោកនាយករដ្ឋមន្ត្រី ហ៊ុន សែន។
បន្ទាប់ពីដំណើរទស្សនកិច្ចមកប្រទេស
កម្ពុជា និងប្រទេសមួយចំនួនទៀតជាសមាជិកអាស៊ាន មានសេចក្តីរាយការណ៍ថា
ក្នុងអាល់ប៊ុមមានរូបថត៤១សន្លឹក
អំពីដំណើរទស្សនកិច្ចរបស់លោកប្រធានាធិបតី
ដែលបានបង្ហោះលើគេហទំព័រសេតវិមាន មិនមានរូបលោក ហ៊ុន សែន
ជាផ្លូវការទេ។អ្នកវិភាគលើកឡើងថា នេះជាចេតនា
ដែលបង្ហាញពីភាពមិនសប្បាយចិត្តរបស់លោក អូបាម៉ា៕
No comments:
Post a Comment