ប្រជាពលរដ្ឋរស់នៅក្នុងស្រុកចំនួន២ មកពីស្រុកគីរីសាគរ និងស្រុកបុទុមសាគរ ជួបជុំនៅមុខសាលាខេត្តកោះកុង កាលពីថ្ងៃទី២០ ខែធ្នូ ឆ្នាំ២០១២។
Photo by Adhoc
សមាគម អាដហុក ត្រៀមដាក់ពាក្យបណ្ដឹង ជូនពលរដ្ឋ មានទំនាស់ដីរ៉ាំរ៉ៃ
ដោយ ដែន អយុធ្យា / អាស៊ិសេរី | ១៩ មីនា ២០១៤
ក្រុមអ្នកច្បាប់របស់សមាគមការពារសិទ្ធិមនុស្សអាដហុក នៅតាមរាជធានី-ខេត្ត ទូទាំងប្រទេស ត្រៀមជួយដាក់ពាក្យបណ្ដឹងជាថ្មីជូនប្រជាពលរដ្ឋរងគ្រោះដោយសារទំនាស់ដីធ្លីរ៉ាំរ៉ៃ មិនទាន់បានដោះស្រាយ ចាប់តាំងពីឆ្នាំ២០០៤ មក ទៅកាន់ស្ថាប័នរដ្ឋ តាមរាជធានី ខេត្តនីមួយៗ ដើម្បីស្នើឲ្យសើរើរឿងក្តីនេះមកដោះស្រាយឡើងវិញ។
លោក ចាន់ សុវ៉េត អនុប្រធានផ្នែកស៊ើបអង្កេតដីធ្លី និងធនធានធម្មជាតិ សមាគមអាដហុក (Adhoc) ឲ្យដឹងថា នៅរសៀលថ្ងៃពុធ ទី១៩ មីនា នេះ នាទីស្នាក់ការសមាគមក្រុងភ្នំពេញ នឹងមានរៀបចំសន្និសីទកាសែត ដោយជួបជាមួយប្រជាពលរដ្ឋមានទំនាស់ដីធ្លីរ៉ាំរ៉ៃ តាំងពីឆ្នាំ២០០៤។
លោកបន្តថា ករណីដូចគ្នានេះ សម្រាប់ការិយាល័យសមាគមអាដហុក នៅតាមបណ្តាខេត្តនានា ក៏បើកធ្វើយុទ្ធនាការជួយផ្នែកច្បាប់ជូនដល់ប្រជាពលរដ្ឋរងគ្រោះដីធ្លីដូចគ្នាដែរ។
No comments:
Post a Comment