តំណាងពិសេស អង្គការ សហប្រជាជាតិ សាទរ ការវិវឌ្ឍ ថ្មីៗ នៅកម្ពុជា, ប៉ុន្តែ ជំរុញរដ្ឋាភិបាល ឲ្យគោរព សិទ្ធិសម្តែងមតិ
លោក សុរិយា ប្រាសាទ ស៊ូប៊ែឌី អ្នករាយការណ៍ សិទ្ធិមនុស្ស សហប្រជាជាតិ
Siv Channa/RFI
RFI | ៧ មីនា ២០១៤
អ្នករាយការណ៍ ពិសេស អង្គការ សហប្រជាជាតិ ស្តីពី បញ្ហាសិទ្ធិមនុស្ស
ប្រចាំកម្ពុជា លោក សូរិយា ប្រាសាទ ស៊ូប៊ែឌី
បានថ្លែងសាទរ ចំពោះ កិច្ចព្រមព្រៀង ពីរចំណុច ស្តីពី កំណែទម្រង់
បោះឆ្នោត កាលពីថ្ងៃ ទី៣ មីនា រវាង គណបក្ស ជាប់ឆ្នោត ទាំងពីរ។
ទន្ទឹមនឹងនោះ លោក ក៏ស្វាគម ផងដែរ ការបើក ឲ្យមានបាតុកម្ម ឡើងវិញ
ដែលថ្លែង ដោយលោកនាយករដ្ឋមន្ត្រី ហ៊ុន សែន។ យ៉ាងណាក៏ដោយ,
តំណាងពិសេស អង្គការ សហប្រជាជាតិ ព្រួយបារម្ភ
អំពី លទ្ធភាព នៃការធ្វើបាតុកម្ម ប្រឆាំងគ្នា
និងអំពាវនាវ ឲ្យរដ្ឋាភិបាល កម្ពុជា គោរពសិទ្ធិមនុស្ស និងច្បាប់ ស្តីពី
សិទ្ធិសម្តែងមតិនានា។
នៅក្នុងសេចក្តី ថ្លែងការណ៍ ពីទីក្រុងហ្សឺណែវ
កាលពីល្ងាច ថ្ងៃទី៦ មីនា លោក ស៊ូរិយា ប្រាសាទ ស៊ូប៊ែឌី
អ្នករាយការណ៍ ពិសេស អង្គការ សហប្រជាជាតិ ទទួលបន្ទុក សិទ្ធិមនុស្ស ប្រចាំកម្ពុជា បានថ្លែងសាទរ ចំពោះ កិច្ចព្រមព្រៀង ពីរចំណុច ស្តីពី កំណែទម្រង់
បោះឆ្នោត ដែលគណបក្ស ប្រជាជនកម្ពុជា និងសង្គ្រោះជាតិ សម្រេចបាន ក្នុងកិច្ចចរចា កាលពីថ្ងៃ ទី៣ មីនា។
កិច្ចព្រមព្រៀង ស្តីពី បញ្ជីឈ្មោះ អ្នកបោះឆ្នោត និងច្បាប់ ស្តីពី
ហិរញ្ញវត្ថុ គណបក្ស នយោបាយ។
លោក ស៊ូប៊ែឌី ថ្លែងបន្តថា បញ្ហានេះគឺជាក្តីកង្វល់របស់ប្រជាជនកម្ពុជាគ្រប់រូប ហើយដែល កន្លងទៅនេះ ពួកគេបានប្រើសិទ្ធិសម្តែងមតិ តាមរយៈការជួបជុំតវ៉ា ការដង្ហែក្បួនបាតុកម្ម និងការតវ៉ាតាមរូបភាពផ្សេងៗទៀតជាច្រើន។ អ្នករាយការណ៍ពិសេសសហប្រជាជាតិសម្តែងក្តីសង្ឃឹមប្រកបដោយសុទិដ្ឋិនិយម ថា ការវិវឌ្ឍនេះនឹងឈានទៅរកដំណោះស្រាយបញ្ចប់បញ្ហាដែលកំពុងកើតមាន ក្នុងពេលឆាប់ៗនេះ។
ទន្ទឹមនឹងនោះ លោក ស៊ូប៊ែឌី ក៏បានថ្លែងស្វាគមន៍ផងដែរការបើកឲ្យធ្វើបាតុកម្មឡើងវិញដែលប្រកាសដោយ លោកនាយករដ្ឋមន្ត្រី ហ៊ុន សែន កាលពីថ្ងៃទី ២៥ កុម្ភៈ។ លោកគូសបញ្ជាក់ថា ចាប់តាំងពីអាជ្ញាធរកម្ពុជាបានហាមប្រាមមិនឲ្យធ្វើបាតុកម្ម តាំងពី ថ្ងៃទី៥មករាមក លោកបានទទូចឲ្យរដ្ឋាភិបាលក្រុងភ្នំពេញលុបចោលបម្រាមនេះ ពីព្រោះថា វាផ្ទុយទៅនឹងសន្ធិសញ្ញាអន្តរជាតិស្តីពីសិទ្ធិស៊ីវិល និងសិទ្ធិ នយោបាយ ក៏ដូចជាផ្ទុយពី រដ្ឋធម្មនុញ្ញកម្ពុជាដែរ។
ម្យ៉ាងទៀត លោកក៏ព្រួយបារម្ភដែរថា បាតុកម្មនឹងត្រូវគេរារាំង រីឯមនុស្សមួយចំនួនអាចត្រូវគេចាប់ឃុំខ្លួន ក្នុងហេតុផលចែកខិតប័ណ្ណ ដើម្បីឲ្យកម្មករធ្វើកូដកម្មជាដើម។ ទាក់ទងនឹងសេចក្តីថ្លែងការណ៍របស់លោកនាយករដ្ឋមន្ត្រី ហ៊ុន សែន ដែលថា ក្រុមគាំទ្ររដ្ឋាភិបាលក៏មានសិទ្ធិធ្វើបាតុកម្មនៅកន្លែងដែល ក្រុមប្រឆាំងធ្វើដែរនោះ លោក ស៊ូប៊ែឌី ក៏ព្រួយបារម្ភថា បាតុកម្មប្រឆាំងអាចនឹងត្រូវគេរៀបចំឡើង ដំណាលគ្នាដែលនឹងបង្កឲ្យ មានបញ្ហា។ លោករម្លឹកថា ការធានាសុវត្ថិភាពពេលធ្វើបាតុកម្មគឺ ជាទំនួលខុសត្រូវរបស់រដ្ឋ។
ជាចុងក្រោយ អ្នករាយការណ៍ពិសេសសហប្រជាជាតិអំពាវនាវឲ្យរដ្ឋាភិបាលគោរពយ៉ាង ខ្ជាប់ខ្ជួននូវសន្ធិសញ្ញា រដ្ឋធម្មនុញ្ញ និងច្បាប់ស្តីពីបាតុកម្មអហិង្សា៕
លោក ស៊ូប៊ែឌី ថ្លែងបន្តថា បញ្ហានេះគឺជាក្តីកង្វល់របស់ប្រជាជនកម្ពុជាគ្រប់រូប ហើយដែល កន្លងទៅនេះ ពួកគេបានប្រើសិទ្ធិសម្តែងមតិ តាមរយៈការជួបជុំតវ៉ា ការដង្ហែក្បួនបាតុកម្ម និងការតវ៉ាតាមរូបភាពផ្សេងៗទៀតជាច្រើន។ អ្នករាយការណ៍ពិសេសសហប្រជាជាតិសម្តែងក្តីសង្ឃឹមប្រកបដោយសុទិដ្ឋិនិយម ថា ការវិវឌ្ឍនេះនឹងឈានទៅរកដំណោះស្រាយបញ្ចប់បញ្ហាដែលកំពុងកើតមាន ក្នុងពេលឆាប់ៗនេះ។
ទន្ទឹមនឹងនោះ លោក ស៊ូប៊ែឌី ក៏បានថ្លែងស្វាគមន៍ផងដែរការបើកឲ្យធ្វើបាតុកម្មឡើងវិញដែលប្រកាសដោយ លោកនាយករដ្ឋមន្ត្រី ហ៊ុន សែន កាលពីថ្ងៃទី ២៥ កុម្ភៈ។ លោកគូសបញ្ជាក់ថា ចាប់តាំងពីអាជ្ញាធរកម្ពុជាបានហាមប្រាមមិនឲ្យធ្វើបាតុកម្ម តាំងពី ថ្ងៃទី៥មករាមក លោកបានទទូចឲ្យរដ្ឋាភិបាលក្រុងភ្នំពេញលុបចោលបម្រាមនេះ ពីព្រោះថា វាផ្ទុយទៅនឹងសន្ធិសញ្ញាអន្តរជាតិស្តីពីសិទ្ធិស៊ីវិល និងសិទ្ធិ នយោបាយ ក៏ដូចជាផ្ទុយពី រដ្ឋធម្មនុញ្ញកម្ពុជាដែរ។
ម្យ៉ាងទៀត លោកក៏ព្រួយបារម្ភដែរថា បាតុកម្មនឹងត្រូវគេរារាំង រីឯមនុស្សមួយចំនួនអាចត្រូវគេចាប់ឃុំខ្លួន ក្នុងហេតុផលចែកខិតប័ណ្ណ ដើម្បីឲ្យកម្មករធ្វើកូដកម្មជាដើម។ ទាក់ទងនឹងសេចក្តីថ្លែងការណ៍របស់លោកនាយករដ្ឋមន្ត្រី ហ៊ុន សែន ដែលថា ក្រុមគាំទ្ររដ្ឋាភិបាលក៏មានសិទ្ធិធ្វើបាតុកម្មនៅកន្លែងដែល ក្រុមប្រឆាំងធ្វើដែរនោះ លោក ស៊ូប៊ែឌី ក៏ព្រួយបារម្ភថា បាតុកម្មប្រឆាំងអាចនឹងត្រូវគេរៀបចំឡើង ដំណាលគ្នាដែលនឹងបង្កឲ្យ មានបញ្ហា។ លោករម្លឹកថា ការធានាសុវត្ថិភាពពេលធ្វើបាតុកម្មគឺ ជាទំនួលខុសត្រូវរបស់រដ្ឋ។
ជាចុងក្រោយ អ្នករាយការណ៍ពិសេសសហប្រជាជាតិអំពាវនាវឲ្យរដ្ឋាភិបាលគោរពយ៉ាង ខ្ជាប់ខ្ជួននូវសន្ធិសញ្ញា រដ្ឋធម្មនុញ្ញ និងច្បាប់ស្តីពីបាតុកម្មអហិង្សា៕
No comments:
Post a Comment