ក្រុមស្ត្រី សង្គមស៊ីវិល ខកចិត្ត នឹងអាជ្ញាធរ និងសាកលវិទ្យាល័យ បញ្ញាជាតិ ដែលមិនអនុញ្ញាត ឲ្យប្រារព្ធ ទិវាសិទ្ធិនារី
ដោយ៖ សុទ្ធ គឹមសឿន / វីអូឌី | ថ្ងៃសុក្រ ទី7 ខែមិនា ឆ្នាំ2014
ក្រុមស្ត្រីសង្គមស៊ីវិលគ្រប់ជំនាន់ ដែលធ្វើការដើម្បីស្ត្រី និងកុមារ សម្តែងការខកចិត្តចំពោះសាលារាជធានីភ្នំពេញ និងសាកលវិទ្យាល័យបញ្ញាជាតិ ដែលបានបដិសេធ និងលុបចោលកិច្ចសន្យាជួលទីកន្លែង ក្នុងការប្រារព្ធទិវាសិទ្ធិនារីអន្តរជាតិ៨មីនា ឆ្នាំ២០១៤នេះ។
សេចក្តីថ្លែងការណ៍របស់ក្រុមស្ត្រីសង្គមស៊ីវិលគ្រប់ជំនាន់ ដែលធ្វើការដើម្បីស្ត្រីនិងកុមារ ចេញផ្សាយនៅសុក្រនេះ បានចាត់ទុកការបដិសេធប្ររាព្ធទិវាសិទ្ធិនារីពីសំណាក់សាលារាជធានីភ្នំពេញថា ជាទង្វើផ្ទុយពីអនុសាសន៍របស់ប្រមុខរាជរដ្ឋាភិបាល ដែលប្រកាសដកបម្រាមការប្រមូលផ្តុំ កាលពីថ្ងៃទី២៥ ខែកុម្ភៈ និងមិនមានឆន្ទៈលើកស្ទួយ និងជំរុញស្ត្រីក្នុងភាពជាអ្នកដឹកនាំ ដើម្បីឆ្លើយតបនឹងគោលនយោបាយជាតិ ស្តីពីការលើកកម្ពស់សិទ្ធិស្ត្រី។
សេចក្តីថ្លែងការណ៍បន្តថា លើសពីនេះ សាកលវិទ្យាល័យបញ្ញាជាតិ ដែលបានយល់ព្រមក្នុងការជួលទីកន្លែងសម្រាប់រៀបចំសិក្ខាសាលា ក្នុងថ្ងៃទី០៧ ខែមីនានេះ ប៉ុន្តែបានលុបចោលកិច្ចសន្យាវិញ (បានទទួលប្រាក់កក់រួចហើយ) ហើយថែមទាំងចោទប្រកាន់ក្រុមអង្គការសង្គមស៊ីវិលថាយកគ្រិះស្ថានអប់រំទៅបម្រើផលប្រយោជន៍នយោបាយ ដោយមិនបានឆ្លុះបញ្ចាំងពីគោលជំហររបស់ក្រុមអង្គការសង្គមស៊ីវិល ទាំងនេះដែលមិនមាននិន្នាការនយោបាយបម្រើផលប្រយោជន៍គណបក្សនយោបាយណាមួយនោះ។
សេចក្តីថ្លែងការណ៍ដដែល បានទាមទារឲ្យអាជ្ញាធរ និងមន្ត្រីស្ថាប័នសាធារណៈទាំងអស់ អនុវត្តកាតព្វកិច្ចរបស់ខ្លួន ក្នុងការសម្រួលនិងគាំទ្រការអនុវត្តសិទ្ធិរបស់ប្រជាពលរដ្ឋឲ្យបានពេញលេញ ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា ដែលធានា គោរព និងការពារសិទ្ធិមនុស្ស និងសេរីភាពជាមូលដ្ឋាន ដើម្បីឲ្យមានការអភិវឌ្ឍមួយប្រកបដោយចីរភាពពិតប្រាកដនៅកម្ពុជា៕
ដ្ឋាភិបាលខ្មែរដែលដឹកនាំដោយបក្សបីសាច ប្រើច្បាប់ព្រៃកាន់តែច្បាស់ និង ខ្លាំងឡើង ៗ ជារៀង
ReplyDeleteរាល់ថ្ងៃ ។ យកច្បាប់រដ្ឋធម្មនុញ្ញខ្មែរមកទ្រាប់អង្គុយ ធ្វើជាឧបករណ៍របស់ពួកវាសំរាប់ធ្វើបាប ជីះ
ជាន់ គៀបសង្កត់ និង សម្លាប់ជីវិតប្រជាពលរដ្ឋខ្មែរក្រោមបញ្ជាពួកយួនកុម្មុយនិស្តហាណូយ ។ សួរថា
តើទង្វើអស់ទាំងនេះ អង្គការសហប្រជាជាតិ និង ប្រទេសហត្ថលេខីនៃកិច្ចព្រមព្រៀងទីក្រុងប៉ារិស
ខ្លះមានឃើញផងទេ ? បានចេះតែទុកឲពួករដ្ឋាភិបាលដឹកនាំដោយបក្សបីសាចធ្វើតាមអំពើចិត្ត
បែបនេះ ? ។ ថ្មី ៗ នេះ មានប្រទេសខ្លះបានមានប្រតិកម្មខ្លះ តែនៅមានចំនួនភាគច្រើននៅសម្ងំ
ស្ងៀមនៅឡើយ ។
ក្នុងនាមជាប្រជាពលរដ្ឋ សូមអំពាវនាវដល់អ្ងគការសហប្រជាជាតិ សហគមអន្តរៈជាតិ ជាពិសេស ប្រទេសម្ចាស់ហត្ថលេខីនៃកិច្ចព្រមព្រៀងទីក្រុងប៉ារិស ជួយក្រឡេកមើល និងពិនិត្យនូវលិខិតពាក្យ
តវ៉ា និង ពាក្យបណ្តឹង ទាំងអស់ដែលប្រជាពលរដ្ឋខ្មែរគ្រប់ជាន់ថ្នាក់ គ្រប់ប្រភេទ អង្គការជាតិ
និង អន្តរៈជាតិនានា និង គណៈបក្សជំទាស់ ដែលបានដាក់ជូនអង្គការសហប្រជាជាតិ ជាច្រើនដង ច្រើនសារនោះផង ។ សូមពិនិត្យ ហើយ មេត្តាចាត់ការតាមហ្នឹង បានកាន់ឆាប់កាន់តែប្រសើសំរាប់
ប្រទេសកម្ពុជា និង ប្រជាពលរដ្ឋខ្មែរ ។ យើងខ្ញុំសង្ឃឹម និង អរគុណទុកជាមុន ។