CCIM ៖ គេត្រូវ លើកតម្កើង សិទ្ធការងារ នៅពេល អាស៊ាន ក្លាយជា សហគមន៍
ដោយ៖ នួន បូរិន / វីអូឌី | ថ្ងៃសុក្រ ទី28 ខែមិនា ឆ្នាំ2014
ប្រធានមជ្ឈមណ្ឌល កម្ពុជា ដើម្បី ប្រព័ន្ធ ឯករាជ្យ CCIM ទទូចថា គេត្រូវលើកតម្កើង សិទ្ធការងាររបស់ ពលរដ្ឋ ក្នុងតំបន់ នៅពេលដែលសមាគមអាស៊ាន ប្រែក្លាយជាសហគមន៍ នៅឆ្នាំ២០១៥។
យោងតាមកម្មវីធី កិច្ចពិភាក្សា ថ្នាក់តំបន់ ស្ដីពីសិទ្ធការងារ និងការត្រៀមខ្លួនដើម្បី សហគមន៍អាស៊ាន ឆ្នាំ២០១៥ ដែលរៀបចំឡើងដោយ មជ្ឈមណ្ឌលកម្ពុជាដើម្បីប្រព័ន្ធឯករាជ្យ CCIM និងមានកិច្ចសហការជាមួយ កម្មវីធីអាស៊ីខលលីង នៃវិទ្យុ KBR68H ប្រទេសឥណ្ឌូនេស៊ី ហើយមានការគាំទ្រ ថវិកាដោយ USAID សហរដ្ឋអាមេរិក នៅថ្ងៃទី២៨ ខែមិនា នៅសណ្ឋាគារ អ៊ីមភឺរៀល សុន្ទកថារបស់លោកប៉ា ងួនទៀង នាយកប្រតិបត្តិ CCIM បានលើកឡើងអំពីការប្រឈម របស់ពលករ ក្នុងតំបន់ដែលនឹងជួបការលំបាក នៅពេលអាស៊ាន ប្រែក្លាយជា សហគមន៍័នៅឆ្នាំ២០១៥នេះ។
សុន្ទរកថា របស់ ប្រធានមជ្ឈមណ្ឌល កម្ពុជា ដើម្បី ប្រព័ន្ធ ឯករាជ្យ CCIM ទទូចថា ដើម្បីឲ្យមានលំហូការងារ ជានិរន្តន៍ និងចិរភាព គឺ ចាំបាច់ ត្រួវ ការពារ និងគាំពារសិទ្ធិរបស់ពលករ ទាំងនោះ ដែលជាអាទិភាព មួយក្នុងចំណោម អាទិភាពជាច្រើនទៀត នៃ ចក្ខុវិស័យ របស់សហគមន៍ អាស៊ាន។
បច្ចុប្បន្ន ប្រជាជននៃសមាគមអាស៊ាន ១០ប្រទេស មានជាង ៦១០លាននាក់ ហើយ ពលករ ចំណាកស្រុក ក្នុងតំបន់មាន ជិត ១៤លាននាក់៕
No comments:
Post a Comment