គណបក្សសង្គ្រោះជាតិក្នុងយុទ្ធនាការឃោសនាបោះឆ្នោតនាពេលកន្លងមក។
Siv Channa/RFI
បក្សប្រឆាំង ផ្តើមយុទ្ធនាការ ឃោសនាបោះឆ្នោត ដោយជួបជុំ សមាជិកក្រុមប្រឹក្សា ឃុំសង្កាត់ នៅខេត្តកណ្តាល តែគ្មាន ការហែក្បួន ទេ
យុទ្ធនាការ ឃោសនាបោះឆ្នោត ក្រុមប្រឹក្សា រាជធានី ខេត្ត ក្រុង ស្រុក ខណ្ឌ បានចាប់ផ្តើម នៅព្រឹកថ្ងៃទី២ ឧសភា នេះ។ គណបក្ស សង្គ្រោះជាតិ ក្រោមវត្តមាន របស់ លោក សម រង្ស៊ី និងលោក កឹមសុខា នាព្រឹកថ្ងៃសុក្រនេះ បានជួបជុំ ជាមួយសមាជិកក្រុមប្រឹក្សា ឃុំសង្កាត់ ២៦៣ នាក់ មកពី គណបក្ស សម រង្ស៊ី និងគណបក្ស សិទ្ធិមនុស្ស រួមទាំង ប្រជាពលរដ្ឋជាច្រើននាក់ នៅក្នុងវត្តមួយ នៅស្រុកកោះធំ ខេត្តកណ្តាល។ប៉ុន្តែ គណបក្សប្រឆាំង នៅព្រឹកនេះ មិនមាន ការហែក្បួនឃោសនាបោះឆ្នោត នោះទេ។
ក្នុងពេលផ្តើមយុទ្ធនាការឃោសនាបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២ នៅព្រឹកថ្ងៃទី២ឧសភានេះ គណបក្សសង្គ្រោះជាតិ ក្រោមវត្តមានរបស់លោកសមរង្ស៊ី និងលោកកឹមសុខា បានជួបជុំ ជាមួយសកម្មជនអ្នកគាំទ្រ ប្រជាពលរដ្ឋ និងក្រុមប្រឹក្សាឃុំសង្កាត់ ២៦៣ នាក់ នៅទូទាំងខេត្តកណ្តាល។ ពិធីជួបជុំនេះ បានធ្វើឡើង នៅក្នុងវត្ត នៅភូមិព្រែកប៉ិ ឃុំកោះធំ ខ ស្រុកកោះធំ ខេត្តកណ្តាល។
ក្រៅពីកម្មវិធីនយោបាយ និងការណែនាំដល់សមាជិកក្រុមប្រឹក្សាឃុំសង្កាត់ ឲ្យបោះឆ្នោត ដល់គណបក្សសង្គ្រោះជាតិ នៅថ្ងៃទី១៨ឧសភា លោកសមរង្ស៊ី និងលោកកឹមសុខា ក៏បានប្រកាសអំពាវនាវដល់ប្រជាពលរដ្ឋម្ចាស់ឆ្នោត ឲ្យជួយចលនាទៅកាន់ក្រុមប្រឹក្សាគណបក្សផ្សេង ត្រូវបោះឆ្នោតឲ្យគណបក្សសង្គ្រោះជាតិ ត្បិតអី ក្រុមប្រឹក្សាឃុំសង្កាត់ ជាតំណាងរបស់ប្រជាពលរដ្ឋ ហើយប្រជាពលរដ្ឋភាគច្រើន នៅខេត្តកណ្តាល បានបោះឆ្នោតគាំទ្រគណបក្សសង្គ្រោះជាតិ។ នេះបើតាមលោក អេង ឆៃអ៊ាង ប្រធានគណបក្សសង្គ្រោះជាតិ ប្រចាំខេត្តកណ្តាល។
បន្ទាប់ពីការជួបជុំ គណបក្សសង្គ្រោះជាតិ បានរំសាយ ហើយលោកសមរង្ស៊ី និងលោកកឹមសុខា បានបន្តដំណើរទៅកាន់ព្រំដែនវៀតណាម នៅស្រុកកោះធំ។ លោក អេង ឆៃអ៊ាង អះអាងថា នៅខេត្តកណ្តាល គិតទាំងព្រឹកនេះ និងពេញមួយរដូវកាលឃោសនាបោះឆ្នោត រហូតដល់ថ្ងៃទី១៦ឧសភា នឹងមិនមានការជួបជុំហែក្បួនឃោសនាបោះឆ្នោតនោះទេ។
តាមគម្រោង លោកសមរង្ស៊ី និងលោកកឹមសុខា គ្រោងនឹងជួបជុំ នៅជិតទីលានប្រជាធិបតេយ្យ នារសៀលថ្ងៃទី២ឧសភានេះ ខណៈដែលអាជ្ញាធររាជធានីភ្នំពេញ រឹតបន្តឹងសន្តិសុខ និងហាមឃាត់រាល់ការជួបជុំ ហែក្បួនឃោសនាបោះឆ្នោត ចាប់ពីថ្ងៃទី២ឧសភា រហូតដល់ថ្ងៃទី១៦ឧសភា។
យុទ្ធនាការឃោសនាបោះឆ្នោត ត្រូវបានលោក ទេព នីថា អគ្គលេខាធិការ គជប បានឲ្យដឹងនៅព្រឹកថ្ងៃទី២ឧសភាថា នៅតាមខេត្តមួយចំនួន គណបក្សនយោបាយ បានធ្វើសកម្មភាពហើយ។ ភាគច្រើន ប្រជុំនៅទីស្នាក់ការ និង១ចំនួនទៀត មិនទាន់ធ្វើសកម្មភាពទេ។
លោក ទេព នីថា បន្តថា គជប នៅព្រឹកថ្ងៃទី២ឧសភានេះ ក៏ទើបតែប្រជុំពាក់ព័ន្ធនឹងសេចក្តីថ្លែងការណ៍ផ្សេងៗ លិខិតរបស់គណបក្សសង្គ្រោះជាតិ រួមទាំងសេចក្តីថ្លែងការណ៍របស់គណៈបញ្ជាការអចិន្ត្រៃយ៍ សម្រាប់សន្តិសុខបោះឆ្នោត ជាដើម។
ពាក់ព័ន្ធនឹងការស្នើសុំរបស់គណបក្សសង្គ្រោះជាតិ ឲ្យគជបអន្តរាគមន៍ទៅអាជ្ញាធររាជធានីភ្នំពេញ ពាក់ព័ន្ធនឹងការជួបជុំហែក្បួនឃោសនាបោះឆ្នោត ត្រូវបានលោក ទេព នីថា អះអាងថា គជប នឹងធ្វើលិខិតទៅកាន់គណបក្សសង្គ្រោះជាតិវិញ ថា គជប នឹងជួបប្រជុំជាមួយអាជ្ញាធរ និងគណៈបញ្ជាការអចិន្ត្រៃយ៍ សម្រាប់សន្តិសុខការបោះឆ្នោត ដើម្បីពិភាក្សាពីបញ្ហានេះ។
តាមលោក ទេព នីថា ដោយសារតែការបោះឆ្នោតលើកនេះ ជាការបោះឆ្នោតអសកល ហើយមានតែក្រុមប្រឹក្សាឃុំសង្កាត់ជាអង្គបោះឆ្នោតនោះ គឺការជួបជុំឃោសនាបោះឆ្នោតទ្រង់ទ្រាយធំ ហែក្បួនតាមផ្លូវនោះ មិនចាំបាច់ទេ តាមសភាពការណ៍នេះ៕
ក្រៅពីកម្មវិធីនយោបាយ និងការណែនាំដល់សមាជិកក្រុមប្រឹក្សាឃុំសង្កាត់ ឲ្យបោះឆ្នោត ដល់គណបក្សសង្គ្រោះជាតិ នៅថ្ងៃទី១៨ឧសភា លោកសមរង្ស៊ី និងលោកកឹមសុខា ក៏បានប្រកាសអំពាវនាវដល់ប្រជាពលរដ្ឋម្ចាស់ឆ្នោត ឲ្យជួយចលនាទៅកាន់ក្រុមប្រឹក្សាគណបក្សផ្សេង ត្រូវបោះឆ្នោតឲ្យគណបក្សសង្គ្រោះជាតិ ត្បិតអី ក្រុមប្រឹក្សាឃុំសង្កាត់ ជាតំណាងរបស់ប្រជាពលរដ្ឋ ហើយប្រជាពលរដ្ឋភាគច្រើន នៅខេត្តកណ្តាល បានបោះឆ្នោតគាំទ្រគណបក្សសង្គ្រោះជាតិ។ នេះបើតាមលោក អេង ឆៃអ៊ាង ប្រធានគណបក្សសង្គ្រោះជាតិ ប្រចាំខេត្តកណ្តាល។
បន្ទាប់ពីការជួបជុំ គណបក្សសង្គ្រោះជាតិ បានរំសាយ ហើយលោកសមរង្ស៊ី និងលោកកឹមសុខា បានបន្តដំណើរទៅកាន់ព្រំដែនវៀតណាម នៅស្រុកកោះធំ។ លោក អេង ឆៃអ៊ាង អះអាងថា នៅខេត្តកណ្តាល គិតទាំងព្រឹកនេះ និងពេញមួយរដូវកាលឃោសនាបោះឆ្នោត រហូតដល់ថ្ងៃទី១៦ឧសភា នឹងមិនមានការជួបជុំហែក្បួនឃោសនាបោះឆ្នោតនោះទេ។
តាមគម្រោង លោកសមរង្ស៊ី និងលោកកឹមសុខា គ្រោងនឹងជួបជុំ នៅជិតទីលានប្រជាធិបតេយ្យ នារសៀលថ្ងៃទី២ឧសភានេះ ខណៈដែលអាជ្ញាធររាជធានីភ្នំពេញ រឹតបន្តឹងសន្តិសុខ និងហាមឃាត់រាល់ការជួបជុំ ហែក្បួនឃោសនាបោះឆ្នោត ចាប់ពីថ្ងៃទី២ឧសភា រហូតដល់ថ្ងៃទី១៦ឧសភា។
យុទ្ធនាការឃោសនាបោះឆ្នោត ត្រូវបានលោក ទេព នីថា អគ្គលេខាធិការ គជប បានឲ្យដឹងនៅព្រឹកថ្ងៃទី២ឧសភាថា នៅតាមខេត្តមួយចំនួន គណបក្សនយោបាយ បានធ្វើសកម្មភាពហើយ។ ភាគច្រើន ប្រជុំនៅទីស្នាក់ការ និង១ចំនួនទៀត មិនទាន់ធ្វើសកម្មភាពទេ។
លោក ទេព នីថា បន្តថា គជប នៅព្រឹកថ្ងៃទី២ឧសភានេះ ក៏ទើបតែប្រជុំពាក់ព័ន្ធនឹងសេចក្តីថ្លែងការណ៍ផ្សេងៗ លិខិតរបស់គណបក្សសង្គ្រោះជាតិ រួមទាំងសេចក្តីថ្លែងការណ៍របស់គណៈបញ្ជាការអចិន្ត្រៃយ៍ សម្រាប់សន្តិសុខបោះឆ្នោត ជាដើម។
ពាក់ព័ន្ធនឹងការស្នើសុំរបស់គណបក្សសង្គ្រោះជាតិ ឲ្យគជបអន្តរាគមន៍ទៅអាជ្ញាធររាជធានីភ្នំពេញ ពាក់ព័ន្ធនឹងការជួបជុំហែក្បួនឃោសនាបោះឆ្នោត ត្រូវបានលោក ទេព នីថា អះអាងថា គជប នឹងធ្វើលិខិតទៅកាន់គណបក្សសង្គ្រោះជាតិវិញ ថា គជប នឹងជួបប្រជុំជាមួយអាជ្ញាធរ និងគណៈបញ្ជាការអចិន្ត្រៃយ៍ សម្រាប់សន្តិសុខការបោះឆ្នោត ដើម្បីពិភាក្សាពីបញ្ហានេះ។
តាមលោក ទេព នីថា ដោយសារតែការបោះឆ្នោតលើកនេះ ជាការបោះឆ្នោតអសកល ហើយមានតែក្រុមប្រឹក្សាឃុំសង្កាត់ជាអង្គបោះឆ្នោតនោះ គឺការជួបជុំឃោសនាបោះឆ្នោតទ្រង់ទ្រាយធំ ហែក្បួនតាមផ្លូវនោះ មិនចាំបាច់ទេ តាមសភាពការណ៍នេះ៕
No comments:
Post a Comment