អាជ្ញាធរ ភ្នំពេញ ប្រកាស ហាម ជនអនាថា នៅតាម ទីសាធារណៈ
ដោយ សេក បណ្ឌិត / RFA | ៩
មិថុនា ២០១៤
យុវជនអនាថាដេកនៅក្នុងរទេះប្រមូលសំរាម ដែលសំចតនៅក្បែរវិថីមួយក្នុងក្រុងភ្នំពេញ។ RFA File/Ouk Savborey
សាលា រាជធានី ភ្នំពេញ ចេញសេចក្ដីណែនាំ ឲ្យអភិបាលខណ្ឌ ទាំង១២ យកចិត្តទុកដាក់ លើការការពារ និងលើកកម្ពស់ ជនអនាថា ឬជនគ្មានទីពឹង ក្នុងរាជធានី ភ្នំពេញ។ សង្គមស៊ីវិល ស្វាគមន៍ ចំពោះ សេចក្ដីណែ នាំនេះ, តែ ពួកគេ សំណូមពរ រ
ទន្ទឹម នឹងជំរុញ ឲ្យយកចិត្តទុកដាក់ លើជនអនាថា ឬជនគ្មានទីពឹងនោះ, សាលា រាជធានី ក៏ឲ្យមន្ត្រី សាលាខណ្ឌ ទាំង១២ ទប់ស្កាត់ លំហូរចូល នៃជនអនាថា ថ្មីៗទៀត មករាជធានី ភ្នំពេញដែរ, ជាពិសេស តាមតំបន់ រមណីយដ្ឋាន និងតាមដងផ្លូវ សាធារណៈ។
អ្នកនាំពាក្យ នៃសាលា រាជធានី ភ្នំពេញ លោក ឡុង ឌីម៉ង់ មានប្រសាសន៍ នៅថ្ងៃ ទី៩ មិថុនា ថា, ការចេញ សេចក្ដីណែនាំនេះ ក្នុងន័យថា អ្នកគ្រប់គ្រង ខណ្ឌ នីមួយៗ ក្នុងសាលា រាជធានី ភ្នំពេញ ធ្វើយ៉ាងណា ទប់ស្កាត់ ការហូរចូល នៃជនអនាថា មកពីបណ្ដា ខេត្តនានា ដើម្បី រក្សាសណ្ដាប់ធ្នាប់ ក្នុងរាជធានី។
ចំណែកអ្នកដែលមកដល់រាជធានីរួចហើយ និងអ្នកកំពុងរស់នៅទីនេះ អាជ្ញាធរត្រូវយកចិត្តទុកដាក់លើពួកគាត់ដោយផ្ដល់ការអប់រំជូនពួក គាត់ឲ្យមានជំនាញវិជ្ជាជីវៈសម្រាប់ប្រកបរបរចិញ្ចឹមជីវិតដោយខ្លួន ឯង។ បន្ទាប់ពីពួកគាត់មានវិជ្ជាជីវៈរួចហើយ អាជ្ញាធរនឹងបញ្ជូនទៅទីកន្លែងដែលពួកគាត់ធ្លាប់រស់នៅវិញ។
លោក ឡុង ឌីម៉ង់៖ «ប៉ុន្តែ អ្វី ដែលសាលា រាជធានី ភ្នំពេញ ធ្វើការណែនាំ ដល់មន្ត្រី ក្រោមឱវាទ របស់ខ្លួននេះ គឺ ធ្វើម៉េច ឲ្យទប់ស្កាត់ ការហូរចូល នៃបណ្ដាល ជនអនាថា ទាំងអស់ ហ្នឹង! ដែលគេ អាចឈាន ដល់ការរងគ្រោះ ដល់ពួកគាត់ហ្នឹង។ អ៊ីចឹងទេ បានជាយើង ពិនិត្យមើល, យើង អាចអាហ្នឹង, ហើយ បានជាយើង ណែនាំ ដល់មន្ត្រី។»
លោកថ្លែងទៀត វិជ្ជាជីវៈដែលត្រូវបង្រៀនជនអនាថារួមមាន បង្រៀនកាត់សក់ បង្រៀនកាត់ដេរ បង្រៀនអ៊ុតសក់ជាដើម។ លោកបញ្ជាក់បន្តថា អ្វីដែលជាការងារសំខាន់ក្នុងការទប់ស្កាត់ជនអនាថាកុំឲ្យហូរចូល រាជធានីច្រើនព្រោះពួកគាត់ប្រឈមហានិភ័យខ្ពស់។ ហេតុនេះ សាលារាជធានីចង់ទប់ស្កាត់រឿងនេះកុំឲ្យមានចំពោះពួកគាត់តទៀត។ ជាមួយគ្នានេះ អ្វីដែលសាលារាជធានីធ្វើ គឺសុំឲ្យមន្ត្រីខណ្ឌទាំង១២ ធ្វើនៅតំបន់ដែលខ្លួនកាន់កាប់ប៉ុណ្ណោះ។
ទាក់ទងនឹងរឿងនេះ ប្រធានអង្គការភាពញញឹមនៃកុមារ ដែលកំពុងជួយសង្គ្រោះក្មេងក្នុងរាជធានីភ្នំពេញ ខេត្តសៀមរាប និងខេត្តព្រះសីហនុ លោក លោក ពិន សារពេជ្ញ មានប្រសាសន៍ថា លោកសាទរចំពោះចំណាត់ការសាលារាជធានីភ្នំពេញ។ លោកលើកឡើងបន្ថែមថា បើគ្រប់ភាគីពាក់ព័ន្ធស្រុះស្រួលគ្នាធ្វើការងារនេះ លោកជឿថា ក្មេងអនាថាមានទីពឹង ពួកគាត់ឈប់ឯកាទៀតហើយ។
លោក ពិន សារពេជ្ញ៖ «ពីដៃគូ គាំទ្រ អីទាំងអស់ហ្នឹង គាំទ្រ ដើម្បី ធ្វើអាហ្នឹង។ ដូច្នេះ គឺ សាលាក្រុង គាត់ បើកឲ្យមាន ដៃគូច្រើន ដើម្បី ជួយគាត់ ទៅលើបញ្ហាហ្នឹង។ ដូច្នេះ មិនមែន ជាបន្ទុក របស់ អាជ្ញាធរទេ, វា ជាបន្ទុក របស់ សង្គមស៊ីវិល មួយចំនួន ដើម្បី ជួយកុមារ ទាំងអស់ហ្នឹង ធ្វើយ៉ាងណា ក៏ដោយ ដើម្បី កុំឲ្យ ពួកគាត់ នៅតាមផ្លូវ តទៅទៀត ពីព្រោះ វា គ្រោះថ្នាក់ច្រើន។»
មកទល់បច្ចុប្បន្ន អង្គការគាត់ចិញ្ចឹមប្រមាណមួយម៉ឺននាក់ (១០.០០០) ក្នុងនោះក្មេងដែលបញ្ចប់ការបណ្ដុះបណ្ដាលវិជ្ជាជីវៈមាន ៣.៨០០នាក់។
លោកបញ្ជាក់ថា ក្មេងដែលបញ្ចប់ការបណ្ដុះបណ្ដាលពីអង្គការពួកគាត់មានការងារទាំងអស់ គ្នា។ ពាក់ព័ន្ធនឹងរឿងរ៉ាវនេះ មន្ត្រីស៊ើបអង្កេតជាន់ខ្ពស់នៃអង្គការលីកាដូ (Licadho) លោក អំ សំអាត អះអាងថា លោកគាំទ្រចំពោះការណែនាំនេះ តែលោកស្នើមន្ត្រីសាលារាជធានី កុំធ្វើដូចពេលកន្លងមក ដែលដើរចាប់ពួកគាត់យកចោលដូចសត្វធាតុ។
លោក អំ សំអាត៖ «វិជ្ជាជីវៈ មានការសិក្សា មុខវិជ្ជា ណាមួយ, ហើយ យើង គួរតែ ពិនិត្យលទ្ធភាព ទៅលើ ការផ្ដល់សម្បទាន ដី ខាងសង្គមកិច្ច សម្រាប់ ពួកគាត់។ បើសិន ជាគាត់ ជាអ្នកអនាថា,គ្មានដី, គ្មានធ្លី សម្រាប់ ធ្វើស្រែ ចម្ការនោះ, អ៊ីចឹង អាហ្នឹង ការផ្ដល់ឲ្យគាត់។ វា ជាការមួយ ល្អបំផុត ចំពោះ ការលើកកម្ពស់ ទៅលើជីវិត នៃជនអនាថា។»
ខ្លឹមសារនៃសេចក្ដីណែនាំសាលារាជធានីអំពាវនាវឲ្យមន្ត្រីសាលា ខណ្ឌទាំង១២ គ្រប់គ្រងទិន្នន័យរាជធានីភ្នំពេញ ឲ្យបាន។ ជាងនេះទៅទៀត ពួកគាត់ត្រូវផ្ដល់ចំណេះដឹងពីផលប៉ះពាល់ជនអនាថានោះដោយសហការជាមួយ អង្គការសង្គមស៊ីវិលក្នុងការគាំទ្រពួកគាត់។
មន្ត្រីជំនាញត្រូវសហការជាមួយអង្គការដែលជាដៃគូ ដើម្បីស្វែងយល់ពីការរស់នៅរបស់ពួកគាត់ជនងាយរងគ្រោះ ត្រូវផ្ដល់ស្បៀងអាហារ សម្ភារៈ និងបណ្ដុះបណ្ដាលវិជ្ជាជីវៈជូនពួកគាត់។ លើសពីនេះ មន្ត្រីខណ្ឌនីមួយៗ ត្រូវបង្ក្រាបឧក្រិដ្ឋកម្មជួញដូរមនុស្ស ដែលបង្ខំស្ដ្រីនិងកុមារឲ្យដើរសុំទានតាមចិញ្ចើមថ្នល់៕
No comments:
Post a Comment