បក្ស ទាំងពីរ មិនឯកភាពគ្នា លើចំណុច ជ្រើសតាំង សមាសភាព គ.ជ.ប.
ដោយ ទីន ហ្សាការីយ៉ា / RFA | ១២ មិថុនា ២០១៤
ក្រុមការងារបក្សប្រជាជនកម្ពុជា
ធ្វើសន្និសីទកាសែតនាវិមានព្រឹទ្ធសភា
ក្រោយជំនួបចរចាជាមួយបក្សសង្គ្រោះជាតិ នៅព្រឹកថ្ងៃ១២ មិថុនា
ឆ្នាំ២០១៤។ RFA/Tin Zakariya
គណបក្ស នយោបាយ ជាប់ឆ្នោត ទាំងពីរ នៅមិនទាន់ទម្លុះ ភាពជាប់គាំង នយោបាយ បាននៅឡើយទេ នៅក្នុងកិច្ចចរចា ផ្លូវការ នៅព្រឹកថ្ងៃ ទី១២ មិថុនា។ តែ គណបក្ស ទាំងពីរ បានឯកភាព ទៅលើចំណុច មួយចំនួន នៅក្នុងកិច្ចចរចា រយៈពេលខ្លី ជាងពេល ពីមុនៗនោះ។ ក្រុមអ្នកវិភាគ លើកឡើង ថា, គណបក្ស ត្រូវតែ សម្បទាន ឲ្យគ្នា ឲ្យបានច្រើន ជាងនេះ ដើម្បី ទទួលបាន ជោគជ័យ នៅក្នុងការចរចា បញ្ចប់ជម្លោះ នយោបាយ ដ៏រ៉ាំរ៉ៃនេះ។
គណបក្ស នយោបាយ ទាំងពីរ បានឯកភាព ដាក់ស្ថាប័ន គណៈកម្មាធិការជាតិ រៀបចំ ការបោះឆ្នោត ជាស្ថាប័ន ធម្មនុញ្ញ ដោយធ្វើ វិសោធនកម្ម រដ្ឋធម្មនុញ្ញ បន្ថែម ១ជំពូកទៀត, តែ គណបក្ស ទាំងពីរ មិនឯកភាពគ្នា ត្រង់ចំណុចជ្រើសតាំងសមាសភាព គ.ជ.ប. នេះទេ។
គណបក្ស សង្គ្រោះជាតិ និងគណបក្ស ប្រជាជនកម្ពុជា បានជួបគ្នា ចរចា នៅថ្ងៃ ទី១២ មិថុនានេះ, មានរយៈពេល ជាង១ម៉ោងទេ, ហើយ គណបក្ស សង្គ្រោះជាតិ មិនបាន ចូលរួម ធ្វើសន្និសីទ សារព័ត៌មាន ជាមួយគ្នា នោះឡើយ បន្ទាប់ ពីចេញ ពីបន្ទប់ចរចានោះ។
មន្ត្រីជាន់ខ្ពស់ គណបក្ស ប្រជាជនកម្ពុជា លោក ព្រុំ សុខា ដែលដឹកនាំ ការចរចា និងជារ
នៅក្នុងការចរចានេះមិនបានលើកអំពីការផ្ដល់អាជ្ញាប័ណ្ណទូរទស្សន៍ឲ្យគណបក្សសង្គ្រោះជាតិទេ។
លោក ព្រុំ សុខា មានប្រសាសន៍ថា នៅក្នុងរដ្ឋធម្មនុញ្ញមិនបានចែងឲ្យគណបក្សនយោបាយមានទូរទស្សន៍នោះឡើយ។
នៅក្នុងការជួបគ្នាចរចានេះ គណបក្សប្រជាជនកម្ពុជា បានប្រគល់សេចក្ដីព្រាងរបស់ខ្លួនជូនគណបក្សសង្គ្រោះជាតិ ស្ដីពីវិសោធនកម្មមាត្រា៧៦ និងការបង្កើតជំពូកថ្មីទាក់ទងនឹងការបង្កើតអង្គការរៀបចំការបោះ ឆ្នោត។
គណបក្សទាំងពីរបានយល់ព្រមបង្កើតជំពូកទី ១៥ថ្មី ស្ដីពីអង្គការរៀបចំការបោះឆ្នោតដែលមានចំនួន ២មាត្រា គឺមាត្រា ១៥០ថ្មី និយាយពីការចាត់ចែងនិងគ្រប់គ្រងការបោះឆ្នោតប្រកបដោយឯករាជ្យ និងអព្យាក្រឹត និងមាត្រា ១៥១ថ្មី និយាយពីការរៀបចំសមាជិក គ.ជ.ប និងការជ្រើសតាំងសមាសភាព គ.ជ.ប. ដោយរដ្ឋសភា។ គណបក្សទាំងពីរបានខ្វែងគំនិតគ្នាចំពោះមាត្រា ១៥១ថ្មី ត្រង់ចំណុចជ្រើសតាំងសមាសភាពនេះ ដោយខាងគណបក្សសង្គ្រោះជាតិ ចង់ឲ្យបោះឆ្នោតអនុម័តក្នុងសភាដោយសំឡេង ២ ភាគ ៣ តែគណបក្សប្រជាជនកម្ពុជា ចង់រក្សាការអនុម័តដោយសំឡេងភាគច្រើនដាច់ខាតដូចដែលមានចែងក្នុង រដ្ឋធម្មនុញ្ញដដែល។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង ជាបេក្ខជនតំណាងរាស្ត្រជាប់ឆ្នោតខែត្រកណ្ដាល មានប្រសាសន៍ថា ការអនុម័តសំឡេងភាគច្រើនដាច់ខាតនេះ គឺគណបក្សសង្គ្រោះជាតិ ចង់បោះឆ្នោតដោយសំឡេងភាគច្រើនដាច់ខាតនោះ តែលើការបោះឆ្នោតជ្រើសតាំងនាយករដ្ឋមន្ត្រីចំពោះគណបក្សដែលឈ្នះ ឆ្នោតទេ។
ទោះបីជាយ៉ាងក៏ដោយ លោក ព្រុំ សុខា បានបង្ហើបថា ការជួបគ្នាតាមទូរស័ព្ទរវាងលោកនាយករដ្ឋមន្ត្រី ហ៊ុន សែន និងលោក សម រង្ស៊ី កាលពីថ្ងៃទី៩ មេសា នោះ មេដឹកនាំទាំងពីរបានឯកភាពគ្នាបង្កើតគណៈកម្មការជំនាញថ្មីមួយទៀត នៃរដ្ឋសភា គឺ គណៈកម្មការ ប្រឆាំង អំពើពុករលួយ និងអង្កេត ដោយឲ្យ គណបក្ស សង្គ្រោះជាតិ ធ្វើជាប្រធាន និងគណៈកម្មការ ៤ផ្សេងទៀត ពោលគឺគណបក្សទាំងពីរចែកគណៈកម្មការជំនាញក្នុងសភាម្ខាង ៥ គណៈកម្មការធ្វើជាប្រធាន ហើយតួនាទីអនុប្រធានសភាទី១ ឲ្យទៅគណបក្សសង្គ្រោះជាតិ។
តំណាងគណបក្សទាំងពីរបានអះអាងដោយសំដែងសុទិដ្ឋិនិយមដូចគ្នាថា ក្រុមការងារគណបក្សទាំងពីរនឹងជួបគ្នាបន្តទៀត តែមិនទាន់បញ្ជាក់អំពីកាលបរិច្ឆេទនៅឡើយទេ។
អ្នកវិភាគនយោបាយលើកឡើងថា គណបក្សទាំងពីរត្រូវតែសម្បទានឲ្យគ្នាឲ្យបានច្រើនជាងនេះទៀត ដើម្បីឈានទៅដល់ជោគជ័យលើការចរចាបញ្ចប់ជម្លោះនយោបាយនេះ៕
No comments:
Post a Comment