បក្សទាំងពីរ នឹងជួប ចរចាគ្នា ដោយមាន សមាសភាព ម្ខាង ៨នាក់
RFA | ២០ កក្កដា ២០១៤
លោកនាយករដ្ឋមន្ត្រី ហ៊ុន សែន (ឆ្វេង)
ចាប់ដៃ ជាមួយ ប្រធាន គណបក្ស សង្គ្រោះជាតិ លោក សម រង្ស៊ី
ពេលចេញ ពីប្រជុំ នៅរដ្ឋសភា កាលពីព្រឹកថ្ងៃ ទី១៦ កញ្ញា ឆ្នាំ២០១៣។ RFA/Mom Sophon
អ្នកដឹកនាំ ជាន់ខ្ពស់ គណបក្ស ប្រជាជនកម្ពុជា និងគណបក្ស សង្គ្រោះជាតិ នឹងជួបចរចា ថ្នាក់ដឹកនាំ កំពូល នៅថ្ងៃ ទី២២ កក្កដា តាមការគ្រោងទុក។
មន្ត្រីជាន់ខ្ពស់ គណបក្ស សង្គ្រោះជាតិ លោក អេង ឆៃអ៊ាង ឲ្យដឹងនៅថ្ងៃ ទី២១ កក្កដា ថា, នៅក្នុង ការចរចា ថ្នាក់ដឹកនាំ កំពូលនេះ មានមន្ត្រី ចំនួន ៨រូប មកពីគណបក្ស នីមួយៗ ចូលរួម។ លោក អេង ឆៃអ៊ាង មានប្រសាសន៍ ថា, គណបក្ស សង្គ្រោះជាតិ ដឹកនាំ ដោយលោក សម រង្ស៊ី ជាប្រធាន គណបក្ស, លោក កឹម សុខា ជាអនុប្រធាន, និងលោក ប៉ុល ហំម, រួម នឹងជំនួយការ ជាមន្ត្រី ជាន់ខ្ពស់ គណបក្ស ចំនួន ៥រួបទៀត។
រីឯ ខាងគណបក្ស ប្រជាជនកម្ពុជាវិញ ដឹកនាំ ដោយលោក
លោក អេង ឆៃអ៊ាង បញ្ជាក់ថា ការចរចានេះ គឺចរចាជាកញ្ចប់ដែលគណបក្សសង្គ្រោះជាតិ បានបញ្ជូនកញ្ចប់ចរចានេះទៅគណបក្សសង្គ្រោះជាតិ រួចហើយកាលពីថ្ងៃទី១៨ កក្កដា។ លោកអះអាងថា ការចរចាជាកញ្ចប់នេះ រួមមាននិយាយពីការដោះលែងបេក្ខជនតំណាងរាស្ត្រជាប់ឆ្នោតគណបក្ស សង្គ្រោះជាតិ ទាំង ៧នាក់ និងជំនួយការអ្នកស្រី មូរ សុខហួរ មួយរួបទៀត។ ក្រៅពីនេះមានជជែកអំពីការកែទម្រង់ គ.ជ.ប. និងសភា។ ការកែទម្រង់ គ.ជ.ប. គណបក្សសង្គ្រោះជាតិចង់ឲ្យមានសមាសភាពសមាជិក គ.ជ.ប. មកពីខាងគណបក្សទាំងពីរចំនួន ៣រូប ក្នុងគណបក្សនីមួយៗ និងមកពីខាងអង្គការសង្គមស៊ីវិលចំនួន ៣នាក់ទៀត សរុបទាំងអស់ ៩នាក់។
ចំពោះការបោះឆ្នោតអនុម័តសមាសភាព គ.ជ.ប. នេះ គឺគណបក្សសង្គ្រោះជាតិចង់ឲ្យមានការឯកភាពពីគ្រប់គណបក្សដែលមាន អាសនៈក្នុងសភា គឺមិននិយាយពីរួបមន្ត ២ ភាគ ៣ ឬ ៥០% បូក១ទៀតទេ។
ការកំណត់ពេលថ្នាក់ដឹកនាំកំពូលគណបក្សទាំងពីរជួបគ្នានេះ ធ្វើឡើងនៅបន្ទាប់ពីគណបក្សទាំងពីរបានព្រមព្រៀងគ្នាកាលពីថ្ងៃទី ២០ កក្កដា ដោយគណបក្សប្រជាជនកម្ពុជា និងគណបក្សសង្គ្រោះជាតិ ឯកភាពគ្នាក្នុងស្មារតីបង្រួបបង្រួមជាតិ ផ្សះផ្សាជាតិ និងឯកភាពជាតិ។ ម្យ៉ាងទៀត ការចរចានេះ ផ្អែកលើការព្រមព្រៀងគ្នារវាងលោក សម រង្ស៊ី និងលោក ហ៊ុន សែន កាលពីថ្ងៃទី៩ មេសា ឆ្នាំ២០១៤ កន្លងទៅ៕
No comments:
Post a Comment