បក្សទាំងពីរ ស្នើ ឲ្យអ្នកស្រី ពុង ឈីវកេក ជាបេក្ខភាព ទី៩ របស់ គ.ជ.ប.
វិទ្យុ អាស៊ី សេរី | ២៨ កក្កដា ២០១៤
ប្រធាន អង្គការ សិទ្ធិមនុស្ស លីកាដូ (LICADHO)
អ្នកស្រី វេជ្ជបណ្ឌិត ពុង ឈីវកេក
ក្នុងវេទិកា អ្នកស្ដាប់ វិទ្យុ អាស៊ី សេរី នៅយប់ថ្ងៃ ទី៣១ ខែមករា
ឆ្នាំ២០១៤។ Photo: RFA
គណបក្ស ទាំងពីរ ស្នើសុំ ឲ្យប្រធាន អង្គការ លីកាដូ អ្នកស្រី ពុង ឈីវកេក ជាបេក្ខភាព ទី៩ របស់ គណៈកម្មាធិការ ជាតិ រៀបចំ ការបោះឆ្នោត។ មន្ត្រី អង្គការ ការពារ សិទ្ធិមនុស្ស លីកាដូ ឲ្យដឹងថា, គណបក្ស ទាំងពីរ បានបញ្ជូនមន្ត្រី របស់ខ្លួន មកទាក់ទង អ្នកស្រី ពុង ឈីវកេក ឲ្យធ្វើការ ជាសមាជិក គ.ជ.ប. ដើម្បី កែទម្រង់ ការបោះឆ្នោត នៅកម្ពុជា។ ប៉ុន្តែ ភាគី អ្នកស្រី ពុង ឈីវកេក មិនទាន់ សម្រេចថា ព្រមព្រៀង កាន់តំណែងនេះ ជាផ្លូវការ នៅឡើយ ដោយអ្នកស្រី ត្រូវ រង់ចាំ ប្រជុំផ្ទៃក្នុង ដើម្បី ស្ដាប់យោបល់ បុគ្គលិក ថ្នាក់ក្រោម ជាមុនសិន។ បុគ្គលិក របស់ អង្គការ លីកាដូ កំពុងប្រជុំគ្នា ពីបញ្ហានេះ នៅវេលា ថ្ងៃត្រង់ ថ្ងៃទី២៨ ខែកក្កដា។
អ្នកស្រី ពុង ឈីវកេក ធ្លាប់ធ្វើជាតួអង្គសំខាន់មួយក្នុងការស្វែងរកដំណោះស្រាយនយោបាយនៅ កម្ពុជា តាំងពីទសវត្សឆ្នាំ១៩៩០ ដើម្បីបើកផ្លូវឲ្យមានកិច្ចព្រមព្រៀងទីក្រុងប៉ារីស កាលពីថ្ងៃទី២៣ ខែតុលា ឆ្នាំ១៩៩១។
លោកនាយករដ្ឋមន្ត្រី ហ៊ុន សែន បានប្រាប់អ្នកយកព័ត៌មាន នៅរដ្ឋសភាថ្ងៃទី២៨ កក្កដា ថា ថ្នាក់ដឹកនាំបក្សប្រជាជនកម្ពុជា និងបក្សសង្គ្រោះជាតិ បានព្រមព្រៀងគ្នាជ្រើសរើសបេក្ខភាពថ្មីមួយរូប ឬបេក្ខជនទី៩ ដែលជាមនុស្សឯករាជ្យ សម្រាប់ធ្វើការជាមន្ត្រីនៃគណៈកម្មាធិការជាតិរៀបចំការបោះឆ្នោតហើយ តែលោកមិនប្រាប់ឈ្មោះបេក្ខជននោះទេ ដោយអះអាងថា រង់ចាំការយល់ព្រមពីសាមីខ្លួនសិន។
លោក ហ៊ុន សែន ថ្លែងដូច្នេះ ក្នុងពេលលោកចេញមកជួបអ្នកកាសែតជាមួយលោក សម រង្ស៊ី ខណៈដែលសភាបានបោះឆ្នោតផ្ដល់សុពលភាពឲ្យលោក សម រង្ស៊ី ក្លាយជាតំណាងរាស្ត្រខេត្តកំពង់ចាម នៅព្រឹកថ្ងៃទី២៨ កក្កដា នេះ។
No comments:
Post a Comment