ថ្នាក់ដឹកនាំ កំពូល បក្សទាំង២ ចូលគាល់ ព្រះមហាក្សត្រ ថ្ងៃនេះ
RFA | ២៤ កក្កដា ២០១៤
លោក សម រង្ស៊ី (ឆ្វេង) និងលោក កឹម សុខា (កណ្ដាល) ជជែកជាមួយ លោក
ហ៊ុន សែន ក្រោយចេញ ពីជំនួបប្រជុំ កំពូល កាលពីថ្ងៃ ទី២២ កក្កដា ២០១៤
នាវិមាន ព្រឹទ្ធសភា។ RFA/Tin Zakariya
ថ្នាក់ដឹកនាំ កំពូល នៃគណបក្ស ប្រជាជនកម្ពុជា និងគណបក្ស សង្គ្រោះជាតិ ដែលមានម្ខាង ៣រូប នឹងចូលគាល់ ព្រះមហាក្សត្រ នៅថ្ងៃ ទី២៤ ខែកក្កដា វេលាម៉ោង ៤រសៀល ដើម្បី ទូលថ្វាយ អំពី លទ្ធផល នៃការចរចា រវាង បក្សទាំងពីរ ដែលបានធ្វើ កាលពីថ្ងៃ ទី២២ កក្កដា កន្លងមកនេះ។
ថ្នាក់នាំកំពូល គណបក្ស សង្គ្រោះជាតិ ដែលនឹងចូលគាល់ ព្រះមហាក្សត្រ នៅថ្ងៃនេះ រួមមាន លោក សម រង្ស៊ី, លោក កឹម សុខា, និងលោក ប៉ុល ហំម។ ចំណែក ឯខាង គណបក្ស ប្រជាជន កម្ពុជាវិញ មានលោក ហ៊ុន សែន, លោក ស ខេង, និងលោក សាយ ឈុំ។
ចំពោះ ការស្បថ ចូលកាន់តំណែង នៅរដ្ឋសភាវិញ, មន្ត្រី គណបក្ស សង្គ្រោះជាតិ មិនទាន់បញ្ជាក់ ឲ្យដឹងថា នៅថ្ងៃណា ពិតប្រាកដ នោះទេ។ ប៉ុន្តែ ព័ត៌មាន ក្រៅផ្លូវការ បានឲ្យដឹង ថា, តំណាងរាស្ត្រ ជាប់ឆ្នោត គណបក្ស សង្គ្រោះជាតិ ទាំង៥៥រូប នឹងស្បថ ចូលកាន់តំណែង នៅថ្ងៃស្អែក។
ការចូលគាល់ ព្រះមហាក្សត្រ នៅថ្ងៃនេះ គឺ បន្ទាប់ ពីមានជំនួប ចរចាកំពូល រវាង គណបក្ស ទាំងពីរ រយៈពេល ៥ម៉ោង កាលពីថ្ងៃ ទី២២ ខែកក្កដា ឆ្នាំ២០១៤។ គណបក្ស ឈ្នះឆ្នោត ទាំងពីរ យល់ព្រម ចូលធ្វើការ ជាមួយគ្នា នៅក្នុងរដ្ឋសភា ដើម្បី បញ្ចប់ភាពតានតឹង នយោបាយ និងដើម្បី ដោះស្រាយ បញ្ហានានា។
No comments:
Post a Comment