រដ្ឋសភា ឯកភាព សំណើ ផ្ដល់អាណត្តិ សមាជិក រដ្ឋសភា ដល់លោក សម រង្ស៊ី
RFA | ២៥ កក្កដា ២០១៤
កិច្ចប្រជុំ សភា អនុម័ត សេចក្តីព្រាងច្បាប់ ចំនួន៣ ពាក់ព័ន្ធ នឹងប្រព័ន្ធ តុលាការ កាលពីថ្ងៃ ទី២២ ខែឧសភា ឆ្នាំ២០១៤។ RFA/Yeang Socheametta
គណៈកម្មាធិការ អចិន្ត្រៃយ៍ រដ្ឋសភា នៃព្រះរាជាណាចក្រ កម្ពុជា ដឹកនាំដោយលោក ហេង សំរិន ប្រធានរដ្ឋសភា បានបើក កិច្ចប្រជុំ បន្ទាន់មួយ នៅរសៀល ម៉ោង៣ ថ្ងៃទី២៥ ខែកក្កដា ដោយអង្គប្រជុំ បានសម្រេច ឯកភាព លើសំណើ សូម ប្រកាសសុពលភាព នៃអាណត្តិ របស់លោក សម រង្ស៊ី ជាសមាជិក រដ្ឋសភា នីតិកាល ទី៥។
បន្ថែមលើនេះ អង្គប្រជុំ បានចេញ សេចក្ដីប្រកាស ព័ត៌មាន របស់ រដ្ឋសភា នៅរសៀលថ្ងៃ ទី២៥ កក្កដានេះ ឲ្យដឹងថា, រដ្ឋសភា នឹងបើក កិច្ចប្រជុំ ពេញអង្គ វិសាមញ្ញ នៅថ្ងៃ ទី២៨ កក្កដា ខាងមុខ ដើម្បី ប្រកាសសុពលភាព នៃអាណត្តិ របស់លោក សម រង្ស៊ី ជាសមាជិក រដ្ឋសភា នីតិកាល ទី៥។
ការកំណត់ កាលបរិច្ឆេទ កិច្ចប្រជុំ ពេញអង្គ របស់ រដ្ឋសភានេះ ធ្វើឡើង ចំខួប១ឆ្នាំ នៃការបោះឆ្នោត ជ្រើសតាំង តំណាងរាស្ត្រ នីតិកាល ទី៥ កាលពីថ្ងៃអាទិត្យ ទី២៨ កក្កដា ឆ្នាំ២០១៣ ដើម្បី បញ្ចប់ភាពជាប់គាំង នយោបាយ។ ការកំណត់ ពេលប្រជុំនេះ គឺនៅបន្ទាប់ ពីគណបក្ស ទាំងពីរ បានចរចា បញ្ចប់ជម្លោះ នយោបាយ កាលពីថ្ងៃ ទី២២ កក្កដា កន្លងទៅ៕
No comments:
Post a Comment