អ៊ីរ៉ា៖ សមាជិក គ.ជ.ប. ត្រូវតែ ជាបុគ្គល មានលក្ខណៈសម្បត្តិ សំខាន់ ដែលមិនមែន ជាសាច់ញាតិ បង្កើត របស់ ថ្នាក់ដឹកនាំបក្ស
កញ្ញា គឹម មនោវិទ្យា ត្រូវ បានគេ មើលឃើញ ថា អាចក្លាយ ជាសមាជិក គ.ជ.ប.។ @Kem Monovithya
សម្ព័ន្ធកំណែទម្រង់ ការបោះឆ្នោត (ហៅកាត់ថា អ៊ីរ៉ា)
នៅថ្ងៃ ព្រហស្បតិ៍ ម្សិលមិញ បានផ្ញើលិខិត ចំហមួយ
ទៅកាន់ គណបក្ស ប្រជាជនកម្ពុជា និងគណបក្ស សង្គ្រោះជាតិ។
នៅក្នុងលិខិត ចំហនោះ អ៊ីរ៉ា បានសង្កត់ធ្ងន់ ថា,
បេក្ខជន សម្រាប់ ជាសមាជិក គ.ជ.ប.
ត្រូវតែ ជាបុគ្គល ដែលមាន លក្ខណៈសម្បត្តិ សំខាន់,
ហើយ មិនមែន ជាសាច់ញាតិ របស់ ថ្នាក់ដឹកនាំ គណបក្ស ដែលមាន
អាសនៈ ក្នុងរដ្ឋសភា នោះទេ។
បេក្ខជន សម្រាប់ ស្ថាប័នរៀបចំ ការបោះឆ្នោត ត្រូវ សន្យាថា នឹងមិនធ្វើ ជាសមាជិក គណបក្ស នយោបាយ ណាមួយឡើយ ក្នុងរយៈពេល ពីរឆ្នាំ គិតពីថ្ងៃ ចប់អាណត្តិ។ នេះ ជាអនុសាសន៍ របស់អ៊ីរ៉ា ផ្ញើជូនបក្ស ជាប់ឆ្នោត ទាំងពីរ នៅក្នុងលិខិត ចំហមួយ របស់ខ្លួន ចុះថ្ងៃ ទី៣១ កក្កដា។ អ៊ីរ៉ា ក៏បានសង្កត់ធ្ងន់ ផងដែរ ថា បេក្ខជន សម្រាប់ ជាសមាជិក គ.ជ.ប. ត្រូវ ជាបុរស ឬស្ដ្រី ដែលមាន លក្ខណៈសម្បត្តិ សំខាន់, ដែលមិនមែន ជាសហព័ទ្ធ ឬសាច់ញាតិ បង្កើត របស់ ថ្នាក់ដឹកនាំ គណបក្ស ដែលមាន អាសនៈ ក្នុងរដ្ឋសភា ឡើយ។
លោក ព្រាប កុល នាយកប្រតិបត្ត អង្គការ តម្លាភាព កម្ពុជា មានប្រសាសន៍ ប្រាប់វិទ្យុ បារាំង អន្ដរជាតិ នៅថ្ងៃសុក្រនេះ ថា, ការដាក់ បេក្ខជន ដែលជាប់ សាច់ញាតិ ជាមួយ ថ្នាក់ដឹកនាំ គណបក្ស ដែលមាន អាសនៈ ក្នុងរដ្ឋសភា អាចបង្កើត ជាទំនាស់ ផលប្រយោជន៍។ ហើយ ថា, ទំនាស់ ផលប្រយោជន៍នេះ មិនគួរមាន នៅក្នុងគោលការណ៍ លទ្ធិប្រជាធិបតេយ្យទេ។
សូម ជម្រាបថា, អនុសាសន៍ របស់ សង្គមស៊ីវិល ដូច្នេះ ធ្វើឡើងបន្ទាប់ ពីមាន ព័ត៌មាន លើកឡើង ថា, គណបក្ស សង្គ្រោះជាតិ មានបំណង ដាក់កញ្ញា កឹម មនោវិទ្យា ដែលជាកូនស្រីច្បង របស់លោក កឹម សុខា ឲ្យក្លាយ ជាបេក្ខភាព សម្រាប់ ស្ថាប័ន គ.ជ.ប. នៅក្នុងកូតា គណបក្ស សង្គ្រោះជាតិ។
យ៉ាងណា ក៏ដោយ នៅក្នុងបទសម្ភាស ជាមួយ វិទ្យុ បារាំង អន្ដរជាតិ កាលពីយប់ ថ្ងៃព្រហស្បតិ៍ លោក សម រង្ស៊ី បានបញ្ជាក់ ថា, សមាជិក ៤រូប របស់ គណៈកម្មាធិការ ជាតិ រៀបចំ ការបោះឆ្នោត កូតា ខាងគណបក្ស សង្គ្រោះជាតិ នៅមិនទាន់ សម្រេចជាផ្លូវការ នៅឡើយទេ។ ប៉ុន្តែ លោក មិនបាន បដិសេធទេ ថា កញ្ញា កឹម មនោវិទ្យា កូនស្រីបង្កើត របស់លោក កឹម សុខា គឺ ជាបេក្ខភាពម្នាក់ នៃសមាជិក គ.ជ.ប. ខណៈ ដែលលោក គួយ ប៊ុនរឿន គឺ ជាបេក្ខភាពម្នាក់ ដែលគេ បានដឹង ជាយូរមកហើយ។ ប្រធានបក្ស ប្រឆាំង រូបនេះ ប្រាប់វិទ្យុ បារាំង អន្ដរជាតិ ថា, សមាសភាព គ.ជ.ប. កូតា គណបក្ស សង្គ្រោះជាតិ នឹងត្រូវ សម្រេច ជាផ្លូវការ ក្រោយការចូលប្រជុំ សភា៕
CNRP leaders should set good example to others. Nepotism should be excluded or CNRP will not be any better than CPP. Ms.Monovithya lacks both personal experiences and qualification as a candidate for NEC. Her degree in the US will not prepare her for this complicated task. A better person should be Theary Seng whose qualification and education as well as personality are far superior than Ms. Monovithya. Leaders of CNRP should choose carefully or their credibilities will be at risks. Corruption and nepotism should be excluded at all clost.
ReplyDeleteChhan D. Touch