លោក ហ៊ុន សែន ត្អូញត្អែរ ថា មិនអាច ជួយកូនចៅ ធ្វើមន្ត្រីបាន
លោកនាយករដ្ឋមន្ត្រី ហ៊ុន សែន (ឆ្វេង) និងកូនប្រុស លោក ហ៊ុន
ម៉ាណែត។ លោក ហ៊ុន ម៉ាណែត កាលពីថ្ងៃ ទី៣ ខែមករា ឆ្នាំ២០១១
ត្រូវ បានតែងតាំង ជាមេបញ្ជាការ រង នៃបញ្ជាការដ្ឋាន កងទ័ពជើងគោក នៃកងយោធពល ខេមរភូមិន្ទ។ Photo courtesy of camnews.com
លោកនាយករដ្ឋមន្ត្រី ហ៊ុន សែន បានអះអាង ថា តំណែង ជានាយករដ្ឋមន្ត្រី របស់លោក បានរារាំង កូនចៅ និងសាច់ញាតិ ក្រុមគ្រួសារ មិនឲ្យ ឡើងធ្វើធំ បាន ព្រោះ លោក មិនចង់ ឲ្យមាន មតិរិះគន់ថា, លោក ជាថ្នាក់ដឹកនាំ បក្សពួក និងគ្រួសារនិយម។
លោក ថ្លែងដូច្នេះ នៅពេលលោក ចូលរួម ជាអធិបតីភាព ក្នុងសន្និសីទមួយ ធ្វើឡើង នៅរាជធានី ភ្នំពេញ នៅថ្ងៃ ទី៦ សីហា រៀបចំ ដោយក្រុមយុវជន ដឹកនាំ ដោយលោក ហ៊ុន ម៉ានី កូនប្រុសបង្កើត របស់លោក។
នៅក្នុងពិធីនោះ លោក ហ៊ុន ម៉ានី ជាថ្នាក់ដឹកនាំយុវជនផង និងជាសមាជិកសភាមួយរូបផង បានឡើងថ្លែងសុន្ទរកថា បើកកម្មវិធីស្វាគមន៍លោកនាយករដ្ឋមន្ត្រី ដែលត្រូវជាឪពុកបង្កើតរបស់លោករួចហើយក៏អញ្ជើញលោកនាយករដ្ឋមន្ត្រី ថ្លែងសុន្ទរកថា។
ខុសសព្វមួយដង មុនថ្លែងសុន្ទរកថា លោកនាយករដ្ឋមន្ត្រីមានប្រសាសន៍ថា លោកមានការលំបាកក្នុងការរកការងារឲ្យកូនចៅធ្វើមានបុណ្យស័ក្ដិ នឹងគេ ដោយសារតែលោកមានតំណែងខ្ពស់ពេក ខ្លាចគេថា លោកជាអ្នកដឹកនាំបក្សពួកនិងគ្រួសារនិយម។ ក្នុងនោះលោកក៏បានលើកឡើងអំពីថ្នាក់ដឹកនាំបក្សប្រឆាំងផងដែរ។
សំឡេងលោក ហ៊ុន សែន៖
ទោះយ៉ាងណា ជារឿយៗអង្គការសង្គមស៊ីវិលនានា រួមទាំងបក្សប្រឆាំងផង បានរិះគន់លោកនាយករដ្ឋមន្ត្រីថា ជាអ្នកដឹកនាំផ្ដាច់ការបក្សពួកនិងគ្រួសារនិយម ដូចជាលោកបានលើកតម្កើងកូនប្រុស ហ៊ុន ម៉ាណែត ធ្វើជាមន្ត្រីយោធាជាន់ខ្ពស់ ឡើងបុណ្យសក្ដិយ៉ាងឆាប់រហ័សជាដើម៕
គួរអេាយអាណិតគាត៉ណាស់កូនគាត់អត់ការធេី្វ។
ReplyDelete