តំណាងរាស្ត្រ ១២០រូប លើកដៃ អនុម័ត ជាឯកច្ឆ័ន្ទ លើការកែប្រែ រដ្ឋធម្មនុញ្ញ ពាក់ព័ន្ធ នឹងគ.ជ.ប.
RFI / វិទ្យុ បារាំង អន្តរជាតិ | ១ តុលា ២០១៤
រដ្ឋសភា បើកសម័យប្រជុំ នៅថ្ងៃ ទី១ តុលា ឆ្នាំ ២០១៤។ RFI/ Siv Channa
សេចក្តីស្នើ ច្បាប់ធម្មនុញ្ញ ស្តីពី វិសោធនកម្ម មាត្រា៧៦
និងមាត្រា ទាំងឡាយ ពីជំពូក ទី១៥ថ្មី ដល់ជំពូក ទី១៦ថ្មី
នៃរដ្ឋធម្មនុញ្ញ កំណត់ ពីស្ថាប័ន រៀបចំ ការបោះឆ្នោត គ.ជ.ប.
ត្រូវ បានអ្នក តំណាងរាស្ត្រ ១២០រូប
ដែលបាន ចូលរួម កិច្ចប្រជុំ រដ្ឋសភា នាព្រឹកថ្ងៃ ទី១ តុលានេះ
បានលើកដៃ អនុម័ត ជាឯកច្ឆ័ន្ទ។ វិសោធនកម្ម រដ្ឋធម្មនុញ្ញ នាពេលនេះ
ដើម្បី អ្វី ដែលតំណាងរាស្ត្រ គណបក្ស សង្គ្រោះជាតិ លោក អេង ឆៃអ៊ាង
អះអាង ថា នឹងធ្វើ ឲ្យការបោះឆ្នោត លើកក្រោយៗ ប្រកប ដោយយុត្តិធម៌,
សេរី, និងត្រឹមត្រូវ, ពិសេស កុំ ឲ្យមាន ការជាប់គាំង នយោបាយត ទៅទៀត។
សេចក្តី ស្នើច្បាប់ រដ្ឋធម្មនុញ្ញ ស្តីពី វិសោធនកម្ម មាត្រា ៧៦ថ្មី និងការបង្កើត ជំពូក ១៥ថ្មី
ទាក់ទង នឹងអង្គការ រៀបចំ ការបោះឆ្នោត គ.ជ.ប. មានពីរមាត្រា
និយាយ ពីគ.ជ.ប. ត្រូវ ជាអង្គការ ឯករាជ្យ, អព្យាក្រឹត្យ; គ.ជ.ប. មានសមាជិក ៩រូប, មានអាណត្តិ ៥ឆ្នាំ, តួនាទី គ.ជ.ប. ត្រូវ រៀបចំ ការបោះឆ្នោត ជាដើម។
ក្នុងនោះ ជំពូក ១៥ថ្មី នៃរដ្ឋធម្មនុញ្ញ ក៏បានកំណត់ ថា, ករណី ដែលខកខាន,
មិនបានរៀបចំ សមាសភាព គ.ជ.ប. ថ្មី បានទេ, គឺ គ.ជ.ប. ចាស់
ត្រូវ ដំណើរការ របស់ខ្លួន។
ក្នុងសេចក្តី ស្នើច្បាប់ វិសោធនកម្ម រដ្ឋធម្មនុញ្ញនោះ មិនបាន កំណត់ ថា, សមាជិក គ.ជ.ប. ទាំង ៩រូប ត្រូវ មានអភ័យឯកសិទ្ធិ ដូចតំណាងរាស្ត្រ ក្នុងការបំពេញ តួនាទី របស់ខ្លួន ដូចអ្វី ដែលគណបក្ស សង្គ្រោះជាតិ និងសង្គមស៊ីវិល ចង់បាន នោះទេ។ ពោល គឺ សេចក្តីស្នើ វិសោធនកម្ម រដ្ឋធម្មនុញ្ញ ដែលរដ្ឋសភា បានអនុម័ត នៅថ្ងៃនេះ គឺ ជាសេចក្តីព្រាង របស់ គណបក្ស ប្រជាជន កម្ពុជា ក្នុងពេលចរចា ក្រុមការងារ គណបក្ស ទាំងពីរ កាលពីថ្ងៃ ទី១សីហា។ សេចក្តីស្នើច្បាប់ ដើម្បី ដាក់គ.ជ.ប. ជាស្ថាប័ន ធម្មនុញ្ញ ដែលរដ្ឋសភា ប្រជុំអនុម័ត នាព្រឹកថ្ងៃ ទី១ តុលានេះ គឺ មិនមាន កិច្ចពិភាក្សា ឬអ្នកតំណាងរាស្ត្រ ណាម្នាក់ ឡើងបញ្ចេញ យោបល់ នោះទេ។
លោក អេង ឆៃអ៊ាង ប្រធាន គណៈកម្មការ ទី១ រដ្ឋសភា ដែលតំណាង ឲ្យអ្នកតំណាងរាស្ត្រ ឡើងការពារ សេចក្តីស្នើច្បាប់ បានថ្លែងបញ្ជាក់ ក្នុងអង្គប្រជុំ រដ្ឋសភាថា ការមិនមាន ការពិភាក្សា លើវិសោធនកម្ម រដ្ឋធម្មនុញ្ញ នាពេលនេះ ដោយសារតែ សេចក្តីស្នើ ច្បាប់នេះ មានអ្នកតំណាងរាស្ត្រ ៨៥រូប (មកពីគណបក្ស ប្រជាជនកម្ពុជា និងគណបក្ស សង្គ្រោះជាតិ) បានចុះ ហត្ថលេខា ស្នើធ្វើ វិសោធនកម្ម រដ្ឋធម្មនុញ្ញនេះ។
ជាការកត់សម្គាល់ កិច្ចប្រជុំ រដ្ឋសភា នាព្រឹកថ្ងៃ ទី១ តុលានេះ មានវត្តមាន របស់ ប្រមុខដឹកនាំ គណបក្ស ប្រជាជនកម្ពុជា និងគណបក្ស សង្គ្រោះជាតិ លោក នាយករដ្ឋមន្ត្រី ហ៊ុនសែន, លោក សម រង្ស៊ី, លោក កឹម សុខា, ព្រមទាំង អង្គទូត ជាច្រើន ផ្សេងទៀត៕
ក្នុងសេចក្តី ស្នើច្បាប់ វិសោធនកម្ម រដ្ឋធម្មនុញ្ញនោះ មិនបាន កំណត់ ថា, សមាជិក គ.ជ.ប. ទាំង ៩រូប ត្រូវ មានអភ័យឯកសិទ្ធិ ដូចតំណាងរាស្ត្រ ក្នុងការបំពេញ តួនាទី របស់ខ្លួន ដូចអ្វី ដែលគណបក្ស សង្គ្រោះជាតិ និងសង្គមស៊ីវិល ចង់បាន នោះទេ។ ពោល គឺ សេចក្តីស្នើ វិសោធនកម្ម រដ្ឋធម្មនុញ្ញ ដែលរដ្ឋសភា បានអនុម័ត នៅថ្ងៃនេះ គឺ ជាសេចក្តីព្រាង របស់ គណបក្ស ប្រជាជន កម្ពុជា ក្នុងពេលចរចា ក្រុមការងារ គណបក្ស ទាំងពីរ កាលពីថ្ងៃ ទី១សីហា។ សេចក្តីស្នើច្បាប់ ដើម្បី ដាក់គ.ជ.ប. ជាស្ថាប័ន ធម្មនុញ្ញ ដែលរដ្ឋសភា ប្រជុំអនុម័ត នាព្រឹកថ្ងៃ ទី១ តុលានេះ គឺ មិនមាន កិច្ចពិភាក្សា ឬអ្នកតំណាងរាស្ត្រ ណាម្នាក់ ឡើងបញ្ចេញ យោបល់ នោះទេ។
លោក អេង ឆៃអ៊ាង ប្រធាន គណៈកម្មការ ទី១ រដ្ឋសភា ដែលតំណាង ឲ្យអ្នកតំណាងរាស្ត្រ ឡើងការពារ សេចក្តីស្នើច្បាប់ បានថ្លែងបញ្ជាក់ ក្នុងអង្គប្រជុំ រដ្ឋសភាថា ការមិនមាន ការពិភាក្សា លើវិសោធនកម្ម រដ្ឋធម្មនុញ្ញ នាពេលនេះ ដោយសារតែ សេចក្តីស្នើ ច្បាប់នេះ មានអ្នកតំណាងរាស្ត្រ ៨៥រូប (មកពីគណបក្ស ប្រជាជនកម្ពុជា និងគណបក្ស សង្គ្រោះជាតិ) បានចុះ ហត្ថលេខា ស្នើធ្វើ វិសោធនកម្ម រដ្ឋធម្មនុញ្ញនេះ។
ជាការកត់សម្គាល់ កិច្ចប្រជុំ រដ្ឋសភា នាព្រឹកថ្ងៃ ទី១ តុលានេះ មានវត្តមាន របស់ ប្រមុខដឹកនាំ គណបក្ស ប្រជាជនកម្ពុជា និងគណបក្ស សង្គ្រោះជាតិ លោក នាយករដ្ឋមន្ត្រី ហ៊ុនសែន, លោក សម រង្ស៊ី, លោក កឹម សុខា, ព្រមទាំង អង្គទូត ជាច្រើន ផ្សេងទៀត៕
No comments:
Post a Comment