កម្ពុជា ចុះកិច្ចព្រមព្រៀង លើកគម្រោង ធំ៣ ជាមួយ ADB ក្នុងទឹកប្រាក់ ជិត១០០លាន ដុល្លារ
វិទ្យុ ABC | ២៨ តុលា ២០១៤
ធនាគារ ADB ជួយកម្ពុជាអភិវឌ្ឍផ្លូវថ្នល់តាមជនបទ។ រូបថតស្ថានភាពផ្លូវលំនៅខេត្ដបាត់ដំបងដោយ សុខ សាវី (Credit: ABC)
បើ តាមព័ត៌មាន ពីធនាគារ អភិវឌ្ឍន៍ អាស៊ី, កិច្ចព្រមព្រៀង លើប្រាក់កម្ចី និងជំនួយ ឥតសំណង សរុប ៩៩លាន ដុល្លារនេះ គឺ សម្រាប់ គម្រោងអភិវឌ្ឍន៍ ផ្លូវថ្នល់ ជនបទ ដំណាក់កាល ទី២, កម្មវិធី អភិវឌ្ឍន៍ វិស័យ ហ្វឹកហ្វឺន វិជ្ជាជីវៈ, និងបច្ចេកទេស, ហើយ ចុងក្រោយ គឺ គម្រោង កាត់បន្ថយ ហានិភ័យ ពីគ្រោះ មហន្ដរាយ នៅតាម សហគមន៍។
លោក Eric Sidgwick នាយក ADB ប្រចាំ កម្ពុជា ឲ្យដឹងថា, គម្រោង ទាំងនេះ នឹងជួយ ធ្វើឲ្យ គុណភាព ជីវិត ពលរដ្ឋខ្មែរ ក្រីក្រ និងងាយ រងគ្រោះ កាន់តែ មានភាព ប្រសើរឡើង។
សម្រាប់
គម្រោង អភិវឌ្ឍន៍ ហេដ្ឋារចនាសម្ព័ន្ធ ផ្លូវថ្នល់ ជនបទ ដំណាក់កាល ទី២
ដែលមាន ទឹកប្រាក់ ប្រមាណ ៦៦លាន ដុល្លារ គឺ នឹងផ្ដោត លើខេត្ដ ចំនួន៩
ដែលមាន អត្រាភាព ក្រីក្រ ខ្ពស់, ហើយ គេ រំពឹងថា,
គម្រោងនេះ នឹងនាំ ប្រយោជន៍ ដល់ពលរដ្ឋ ជនបទ ៨សែននាក់។
កម្មវិធី
អភិវឌ្ឍន៍ វិស័យហ្វឹកហ្វឺន វិជ្ជាជីវៈ
និងបច្ចេកទេស ដែលមាន ទឹកប្រាក់ ៣០លាន ដុល្លារ
គឺ ដើម្បី បង្កើនសមត្ថភាព រកការងារធ្វើ របស់ ពលរដ្ឋ តាមរយៈ ការហ្វឹកហ្វឺន វិជ្ជាជីវៈ និងជំនាញ បច្ចេកទេស។
ចំណែក ២លាន
៥សែនដុល្លារទៀត
គឺសម្រាប់គម្រោងកាត់បន្ថយហានិភ័យពីគ្រោះមហន្ដរាយនៅតាមសហគមន៍
ដែលបានប្រាក់ជំនួយពីមូលនិធិជប៉ុនសម្រាប់ការកាត់បន្ថយភាពក្រី
ក្រ ដែលមានគោលដៅនៅក្នុង១៨ស្រុកនៃខេត្ដចំនួន៦របស់កម្ពុជា
ដើម្បីទប់ទល់នឹងការគ្រប់គ្រងគ្រោះមហន្ដរាយ
និងការសម្របខ្លួនទៅនឹងបម្រែបម្រួលអាកាសធាតុ។
គម្រោងនេះមានគោលដៅកាត់បន្ថយការខាតបង់សេដ្ឋកិច្ចដោយសារទឹកជំនន់ឲ្យបាន១៥% សម្រាប់រយៈពេល៥ឆ្នាំពីឆ្នាំ២០១៥តទៅ៕
No comments:
Post a Comment