តុលាការ កោះហៅ យុវជន សង្គ្រោះជាតិ ម្នាក់ទៀត ពាក់ព័ន្ធ បទឧក្រិដ្ឋ
RFA / វិទ្យុ អាស៊ី សេរី | ១ តុលា ២០១៤
លោក សាន គឹមហេង ដែលបាន ចូលបំភ្លឺ តាមដីកាកោះ របស់ ចៅក្រម នៅថ្ងៃ ទី១ តុលា ថ្លែងថា, ចៅក្រម ស៊ើបសួរ លោក កែ មុនី បានសាកសួរ ពាក់ព័ន្ធ នឹងបទចោទ ២, គឺ បទចូលរួម ធ្វើកុបកម្ម ប្រឆាំង រាជការ សាធារណៈ មានស្ថាន ទម្ងន់ទោស និងបទប្រើ អំពើហិង្សា លើសមត្ថកិច្ច ដែលប្រព្រឹត្តទៅ កាលពីថ្ងៃ ទី ១៥ កក្កដា នៅក្បែរ ទីលាន ប្រជាធិបតេយ្យ។
លោក បានស្នើ ឲ្យតុលាការ លុបចោល ការចោទប្រកាន់ លើរូបលោក៖ «ខ្ញុំ បានប្រាប់គាត់ ថា, ខ្ញុំ គ្រាន់តែ ជាប្រជាពលរដ្ឋ ដែលបានចូលរួម ក្នុងបាតុកម្ម អហិង្សាហ្នឹង។ ខ្ញុំ ក៏ជាជនរងគ្រោះ។ ខ្ញុំ មិនមែន ជាអ្នកបង្ក ហេតុទេ, ព្រោះ ថ្ងៃនេះ ខ្ញុំ ត្រូវ ទទួលរង នូវការវាយ ពីខាងក្រុម សន្តិសុខ រហូត ដល់បែកក្បាល, ប៉ោងស្មា។ ខ្ញុំ ត្រូវ ប្រជាពលរដ្ឋ ដឹកជញ្ជូនខ្ញុំ ទៅមន្ទីរពេទ្យ អង្គការ លីកាដូ នៅបឹង ត្របែក, ហើយ ខ្ញុំ បានចាកចេញ ពីតំបន់ ស្ពាននាគ នោះ តាំងពីដំបូង។»
នៅយុវជន ពីររូបទៀត គឺ លោក នាង សុឃុន ចូលទៅ នៅថ្ងៃ ទី២ ខែតុលា។ លោក ឃិន ជំរឿន ត្រូវ តុលាការ សាកសួរហើយ កាលពីថ្ងៃ ទី៣០ កញ្ញា។ អ្នកទាំងបី ត្រូវ តុលាការ ចាប់ដាក់ ពន្ធនាគារ បណ្ដោះអាសន្ន ម្ដង រួចមកហើយ កាលពីដើមខែ សីហា កន្លងទៅ ,ហើយ មេធាវី ប្ដឹងឧទ្ធរណ៍ សូម នៅក្រៅឃុំ, ហើយ ចុងបញ្ចប់ សាលាឧទ្ធរណ៍ ក៏សម្រេច ដោះលែង ពួកគេ នោះវិញ កាលពីថ្ងៃ ទី២២ សីហា៕
No comments:
Post a Comment