ថ្ងៃ ១៧ តុលា នឹងមាន បាតុកម្ម ប្រឆាំង នឹងការអនុវត្ត កិច្ចព្រមព្រៀង នៃការបញ្ជូន និងទទួល ជនភៀសខ្លួន ពីអូស្ត្រាលី មករស់នៅ កម្ពុជា
RFI / វិទ្យុ បារាំង អន្តរជាតិ | ១៤ តុលា ២០១៤
បាតុកម្ម ប្រឆាំង នឹងការចុះ កិច្ចព្រមព្រៀង បញ្ជូន ជនភៀសខ្លួន ពីអូស្រ្តាលី មកកម្ពុជា
REUTERS/Samrang Pring
សិស្សនិស្សិត, បញ្ញវន្ត, ព្រះសង្ឃ,
និងប្រជាពលរដ្ឋ មានបញ្ហា ដីធ្លី ប្រមាណ ១០០០ នាក់ គ្រោង នឹងជួបជុំ
និងដង្ហែញត្តិ ធ្វើបាតុកម្ម ក្នុងគោលបំណង ស្វែងរក កិច្ចអន្តរាគមន៍ ដើម្បី ទប់ស្កាត់ ការបញ្ជូន
និងការទទួល ជនភៀសខ្លួន ពីប្រទេស អូស្ត្រាលី មកតាំង ទីលំនៅ
នៅប្រទេស កម្ពុជា។ បាតុកម្ម នៅថ្ងៃសុក្រ ទី១៧ ខែតុលា
នឹងធ្វើឡើង ចាប់ពីម៉ោង ៧ព្រឹក ដល់ម៉ោង ៥ល្ងាច
ដោយចាប់ផ្តើម ប្រមូលផ្តុំ នៅមុខ ស្ថានទូត សហរដ្ឋ អាមេរិក
ហែទៅដាក់ញត្តិ នៅវិមាន សន្តិភាព,
អង្គការ សហប្រជាជាតិ, ខាងសិទ្ធិមនុស្ស, សហភាព អឺរ៉ុប, រដ្ឋសភា,
និងទៅកាន់ ស្ថានទូត អូស្ត្រាលី។
លិខិត អំពាវនាវ ធ្វើបាតុកម្ម ចុះហត្ថលេខា ដោយលោក ម៉ៅ ពិសេស
ប្រធាន សហព័ន្ធ និស្សិតបញ្ញវន្ត កម្ពុជា ចុះថ្ងៃ ទី១៤ ខែតុលា បានលើកឡើង ថា,
បាតុកម្ម នៅថ្ងៃសុក្រ ទី១៧ តុលា ដើម្បី ជំរុញ ឲ្យរាជរដ្ឋាភិបាល កម្ពុជា
និងរដ្ឋាភិបាល អូស្ត្រាលី កុំអនុវត្ត កិច្ចព្រមព្រៀង ដែលបានចុះ ហត្ថលេខា
កាលពីថ្ងៃ ទី២៦ ខែកញ្ញា
ពីព្រោះ វា នឹងមិនផ្តល់ ផលប្រយោជន៍អ្វី ដល់ប្រជពលរដ្ឋ កម្ពុជា
និងជនភៀសខ្លួន ទាំងនោះទេ។
មេដឹកនាំ បាតុកម្ម លោក ម៉ៅ ពិសេស ពន្យល់ នៅថ្ងៃអង្គារនេះ ថា, កម្ពុជា ជាប្រទេស ក្រីក្រ, វិស័យ អប់រំ នៅខ្សោយ, ប្រព័ន្ធ សុខាភិបាល និងការងារ សម្រាប់ ប្រជាពលរដ្ឋ ក៏មិនទាន់ ដោះស្រាយ។ ក្រៅពីនោះ បញ្ហា រំលោភ សិទ្ធិមនុស្ស និងបញ្ហាដីធ្លី ក៏រដ្ឋាភិបាល កម្ពុជា មិនទាន់បាន ដោះស្រាយ នៅឡើយទេ។ ដូច្នេះ តាមលោក ម៉ៅ ពិសេស, បើ កម្ពុជា ទទួលយក ជនភៀសខ្លួន ពីប្រទេស អូស្ត្រាលី មករស់នៅ កម្ពុជា ដូចកិច្ចព្រមព្រៀង មែននោះ គឺ គ្រាន់តែ ជាការដាក់បន្ទុក បន្ថែម លើកម្ពុជា ប៉ុណ្ណោះ។
ក៏ប៉ុន្តែ តំណាង រាជរដ្ឋាភិបាល កម្ពុជា តាមរយៈលោក នាយឧត្តមសេនីយ៍ ខៀវ សុភ័គ អ្នកនាំពាក្យ ក្រសួង មហាផ្ទៃ បានយល់ឃើញ ខុសពីនេះ។ តាមលោក ឧត្តមសេនីយ៍, ទោះ ជាមាន ការតវ៉ា, ប៉ុន្តែ កិច្ចព្រមព្រៀង រវាង រាជរដ្ឋាភិបាល កម្ពុជា និងអូស្ត្រាលី នៅតែ បន្ត ក្នុងបញ្ហា ជនភៀសខ្លួន។ ប៉ុន្តែ កិច្ចព្រមព្រៀងនោះ នឹងត្រូវ ធ្វើ ដោយស្ម័គ្រចិត្ត, ហើយ ជាលាយលក្ខណ៍។
លោក នាយឧត្តមសេនីយ៍ ខៀវ សុភ័គ បានបញ្ជាក់ ថា, នៅខែតុលានេះ រាជរដ្ឋាភិបាលកម្ពុជា នឹងបញ្ជូនមន្ត្រី ទៅកាន់ជំរុំភៀសខ្លួន ណៅរុ ក្នុងប្រទេសអូស្ត្រាលី ដើម្បីពន្យល់ពីស្ថានភាពកម្ពុជា ដល់ជនភៀសខ្លួនទាំងនោះ ហើយបើពួកគេ ស្ម័គ្រចិត្តមករស់នៅកម្ពុជា នោះកម្ពុជានឹងទទួលយក តែបើពួកគេ មិនព្រមទេ រដ្ឋាភិបាល ក៏មិនចាប់បង្ខំនោះដែរ។
អំពីគម្រោងជួបជុំធ្វើបាតុកម្ម ពេញមួយថ្ងៃ នៅថ្ងៃសុក្រ ទី១៧តុលា គឺអាជ្ញាធររាជធានីភ្នំពេញ បានទទួលលិខិតជូនដំណឹងរួចហើយ។ អ្នកនាំពាក្យសាលារាជធានីភ្នំពេញ លោកឡុងឌីម៉ង់ បញ្ជាក់ថា អាជ្ញាធរ នឹងប្រជុំជាមួយមេដឹកនាំបាតុកម្ម នៅថ្ងៃទី១៥តុលា៕
មេដឹកនាំ បាតុកម្ម លោក ម៉ៅ ពិសេស ពន្យល់ នៅថ្ងៃអង្គារនេះ ថា, កម្ពុជា ជាប្រទេស ក្រីក្រ, វិស័យ អប់រំ នៅខ្សោយ, ប្រព័ន្ធ សុខាភិបាល និងការងារ សម្រាប់ ប្រជាពលរដ្ឋ ក៏មិនទាន់ ដោះស្រាយ។ ក្រៅពីនោះ បញ្ហា រំលោភ សិទ្ធិមនុស្ស និងបញ្ហាដីធ្លី ក៏រដ្ឋាភិបាល កម្ពុជា មិនទាន់បាន ដោះស្រាយ នៅឡើយទេ។ ដូច្នេះ តាមលោក ម៉ៅ ពិសេស, បើ កម្ពុជា ទទួលយក ជនភៀសខ្លួន ពីប្រទេស អូស្ត្រាលី មករស់នៅ កម្ពុជា ដូចកិច្ចព្រមព្រៀង មែននោះ គឺ គ្រាន់តែ ជាការដាក់បន្ទុក បន្ថែម លើកម្ពុជា ប៉ុណ្ណោះ។
ក៏ប៉ុន្តែ តំណាង រាជរដ្ឋាភិបាល កម្ពុជា តាមរយៈលោក នាយឧត្តមសេនីយ៍ ខៀវ សុភ័គ អ្នកនាំពាក្យ ក្រសួង មហាផ្ទៃ បានយល់ឃើញ ខុសពីនេះ។ តាមលោក ឧត្តមសេនីយ៍, ទោះ ជាមាន ការតវ៉ា, ប៉ុន្តែ កិច្ចព្រមព្រៀង រវាង រាជរដ្ឋាភិបាល កម្ពុជា និងអូស្ត្រាលី នៅតែ បន្ត ក្នុងបញ្ហា ជនភៀសខ្លួន។ ប៉ុន្តែ កិច្ចព្រមព្រៀងនោះ នឹងត្រូវ ធ្វើ ដោយស្ម័គ្រចិត្ត, ហើយ ជាលាយលក្ខណ៍។
លោក នាយឧត្តមសេនីយ៍ ខៀវ សុភ័គ បានបញ្ជាក់ ថា, នៅខែតុលានេះ រាជរដ្ឋាភិបាលកម្ពុជា នឹងបញ្ជូនមន្ត្រី ទៅកាន់ជំរុំភៀសខ្លួន ណៅរុ ក្នុងប្រទេសអូស្ត្រាលី ដើម្បីពន្យល់ពីស្ថានភាពកម្ពុជា ដល់ជនភៀសខ្លួនទាំងនោះ ហើយបើពួកគេ ស្ម័គ្រចិត្តមករស់នៅកម្ពុជា នោះកម្ពុជានឹងទទួលយក តែបើពួកគេ មិនព្រមទេ រដ្ឋាភិបាល ក៏មិនចាប់បង្ខំនោះដែរ។
អំពីគម្រោងជួបជុំធ្វើបាតុកម្ម ពេញមួយថ្ងៃ នៅថ្ងៃសុក្រ ទី១៧តុលា គឺអាជ្ញាធររាជធានីភ្នំពេញ បានទទួលលិខិតជូនដំណឹងរួចហើយ។ អ្នកនាំពាក្យសាលារាជធានីភ្នំពេញ លោកឡុងឌីម៉ង់ បញ្ជាក់ថា អាជ្ញាធរ នឹងប្រជុំជាមួយមេដឹកនាំបាតុកម្ម នៅថ្ងៃទី១៥តុលា៕
No comments:
Post a Comment