Paris Peace Accords 23 Oct. 1991

Thursday, October 23, 2014

តំណាង​រាស្រ្ដ ​អូស្រ្ដាលី ​ស្នើ​សុំ​ តុលាការ ICC ស៊ើប​អង្កេត​ ឧក្រិដ្ឋកម្ម ​របស់​ រដ្ឋាភិបាល ​អូស្រ្ដាលី​បច្ចុប្បន្ន​ | Australian MP request ICC investigate crimes of current Australian govt

តំណាង​រាស្រ្ដ ​អូស្រ្ដាលី ​ស្នើ​សុំ​ តុលាការ ICC ស៊ើប​អង្កេត​ ឧក្រិដ្ឋកម្ម ​របស់​ រដ្ឋាភិបាល ​អូស្រ្ដាលី​បច្ចុប្បន្ន​

​វិទ្យុ អូស្រ្ដាលី ABC | ២២ តុលា ២០១៤

តំណាង​រាស្រ្ដ ​ក្នុង​សភា​ សហព័ន្ធ​ អូស្រ្ដាលី ​ម្នាក់​ បាន​ស្នើ​សុំ ​ឲ្យ​ តុលាការ​ ឧក្រិដ្ឋកម្ម អន្ដរ​ជាតិ​ (ICC) ធ្វើការ​ ស៊ើប​អង្កេត​ ថា, ​តើ​ សមាជិក​ខ្លះ ​នៃ​រដ្ឋាភិបាល ​របស់​លោក​ នាយក​រដ្ឋមន្រ្ដី Tony Abbott បាន​ប្រព្រឹត្ដ​ បទ​ឧក្រិដ្ឋ​ ប្រឆាំង ​នឹង​ជន​ ស្វែង​សិទ្ធិ ​ជ្រក​កោន​ ឬ​យ៉ាង​ណា?
លោក Andrew Wilkie តំណាង​រាស្រ្ដ​ ឯករាជ្យ​ មិន​ចូល​ បក្ស​សម្ព័ន្ធ​ បាន​ចាត់​ សកម្មភាព​នេះ ​ជា​មួយ ​នឹង​លោក Greg Barns មេធាវី​ សិទ្ធិ​មនុស្ស។

លោក​ តំណាង​រាស្រ្ដ​ Andrew Wilkie រក្សា​ជំហរ ​របស់​លោក ​ថា, សកម្មភាព ​របស់​លោក ​នាយក​រដ្ឋមន្រ្ដី ​អូស្រ្ដាលី និង​រដ្ឋាភិបាល​ របស់​លោក​ គឺ ជា​សកម្មភាព​ ឧក្រិដ្ឋ, ហើយ​ ថា តុលាការ​ ឧក្រិដ្ឋកម្ម​ អន្ដរ​ជាតិ​ មាន​ដែន ​យុត្ដាធិការ​ ឬ​សិទ្ធិ​អំណាច ​ក្នុង​ការ​ ស៊ើប​អង្កេត។


សំណើ​សុំ​ ឲ្យ​មាន​ការ​ស៊ើប​ អង្កេត​នេះ​លើក​ឡើង​អំពី​បទ​ល្មើស​ជា​ច្រើន​រួម​ទាំង​ការ​បង្ខំ​បញ្ជូន​ជន​ ស្វែង​សិទ្ធិ​ជ្រក​កោន​ចេញ, ការ​ឃុំ​ឃាំង​ដោយ​គ្មាន​ការ​ឡើង​តុលាការ, ការ​ឃុំឃាំង​កុមារ និង​បញ្ហា​ស្ថាន​ភាព​មណ្ឌល​ឃុំ​ឃាំង។

លោក​ Andrew Wilkie ចង់​ឲ្យ​មាន​ការ​ស៊ើប​អង្កេត​លើ​បទ​ឧក្រិដ្ឋ​ប្រឆាំង​មនុស្ស​ជាតិ​ដែល​ស្ថិត ​នៅ​ក្នុង​ផ្នែក​មួយ​នៃ​ច្បាប់​ក្រុង​រ៉ូម និង​សន្ធិ​សញ្ញា​ជន​ភៀស​ខ្លួន រួម​ទាំង​សន្ធិសញ្ញា​ការ​ពារ​សិទ្ធិកុមារ​ផង​ដែរ​៕


No comments:

Post a Comment