ចៅក្រម សាលាដំបូង ទម្លាក់បទចោទ លើព្រះសង្ឃ លួន សុវ៉ាត ជាបណ្ដោះអាសន្ន
RFA / វិទ្យុ អាស៊ី សេរី | ២៥ វិច្ឆិកា ២០១៤
ព្រះតេជព្រះគុណ លួន សុវ៉ាត ថ្លែងទៅកាន់ អ្នកកាសែត នៅមុខ សាលាដំបូង រាជធានីភ្នំពេញ នៅថ្ងៃ ទី២៥ វិច្ឆិកា ២០១៤។ RFA/Morm Moniroth
ចៅក្រម សាលាដំបូង រាជធានីភ្នំពេញ សម្រេចទម្លាក់ បទចោទ លើព្រះសង្ឃ លួន សុវ៉ាត ដោយសំអាង ថា, មិនទាន់ រកឃើញ បទល្មើស។
ការសម្រេចនេះ គឺ បន្ទាប់ ពីព្រះតេជព្រះគុណ លួន សុវ៉ាត បានចូល ទៅបំភ្លឺ នៅតុលាការ នៅព្រឹកថ្ងៃ ទី២៥ ខែ វិច្ឆិកា ដែលចូលបំភ្លឺ តាមការកោះហៅ ពីបទញុះញង់ ឲ្យប្រព្រឹត្ត បទឧក្រិដ្ឋ, បទក្បត់ជាតិ, និងប្រឆាំង ការបោះឆ្នោត។
មន្ត្រី អង្គការ សិទ្ធិមនុស្ស លីកាដូ លោក អំ សំអាត បានឲ្យដឹងថា ចៅក្រមសាលាដំបូង ទម្លាក់បទចោទជាបណ្ដោះអាសន្ន ដោយចៅក្រមមិនទាន់រកឃើញបទល្មើស។ យ៉ាងណាក៏ដោយ ចៅក្រមនឹងបន្តរកបទចោទដទៃទៀត ដែលពាក់ព័ន្ធ ដើម្បីនិមន្តព្រះតេជព្រះគុណ លួន សុវ៉ាត ទៅសាកសួរជាថ្មីទៀតនៅថ្ងៃខាងមុខ ប៉ុន្តែនៅមិនទាន់កំណត់ពេលជាក់លាក់នៅឡើយ។
ក្រៅពីសវនាការសាកសួរព្រះតេជព្រះគុណ លួន សុវ៉ាត នៅមានសវនាការសាកសួរ លោក សួន សេរីរដ្ឋា ប្រធានចលនាអំណាចពលរដ្ឋខ្មែរ ក្រោមបទចោទថា ញុះញង់ឲ្យប្រព្រឹត្តបទឧក្រិដ្ឋ បទក្បត់ជាតិ និងប្រឆាំងការបោះឆ្នោតនោះ កំពុងបន្តនីតិវិធីនៅឡើយ។
No comments:
Post a Comment