សាលាឧទ្ធរណ៍ បដិសេធ សំណើសុំ នៅក្រៅឃុំ របស់ សកម្មជន បក្សប្រឆាំង
VOA / វីអូអេ | ១២ ធ្នូ ២០១៤
ភ្នំពេញ— សាលាឧទ្ធរណ៍ បានបដិសេធ សំណើសុំ នៅក្រៅឃុំ បណ្តោះអាសន្ន ចំពោះ សំណុំរឿង លោក មាជ សុវណ្ណារ៉ា
និងលោក អ៊ុក ពេជ្រ សំណាង
សកម្មជន គណបក្ស សង្គ្រោះជាតិ ដោយតុលាការ បានសំអាង ថា,
តុលាការ ក្រុងភ្នំពេញ បានបញ្ជូន សំណុំរឿងនេះ ទៅជំនុំជម្រះ ហើយ, ដូច្នេះ
ត្រូវ រក្សារឿងក្តី នេះ ទុកឱ្យតុលាការ ក្រុងភ្នំពេញ បើកសវនាការ ពេញ
អង្គសេចក្តី។
លោក មាជ សុវណ្ណារ៉ា អាយុ៤៧ឆ្នាំ ប្រធាន នាយកដ្ឋាន ព័ត៌មាន នៃគណបក្ស សង្គ្រោះជាតិ ត្រូវ បានតុលាការ ក្រុងភ្នំពេញ សម្រេចឃុំខ្លួន ជាបណ្តោះអាសន្ន ដើម្បី រង់ចាំ ជំនុំជម្រះ ទោស បន្ទាប់ ពីលោក បានចូលរួម ទាមទារ ឱ្យដោះលែង ទីលាន ប្រជាធិបតេយ្យ កាលពីថ្ងៃ ទី១៥ ខែកក្កដា, គឺ មានរយៈពេល ប៉ុន្មានថ្ងៃ មុនពេល ដែលគណបក្ស ប្រជាជនកម្ពុជា និងគណបក្ស សង្គ្រោះជាតិ ព្រមព្រៀងគ្នា បញ្ចប់ ការជាប់គាំង នយោបាយ។
លោក មាជ សុវណ្ណារ៉ា ត្រូវ បានតុលាការ ចោទប្រកាន់ ពីបទ «ដឹកនាំ កុប្បកម្ម, ញុះញង់ ឲ្យប្រព្រឹត្ត បទឧក្រិដ្ឋ ជាអាទិ៍, និងផ្តើមគំនិត ក្នុងអំពើហិង្សា ដោយចេតនា ដោយមាន ស្ថានទម្ងន់ទោស។»
លោក ត្រូវ បានអនុរក្ស ពន្ធនាគារ បណ្តើរចេញ ពីរថយន្ត ដោយគ្រង សម្លៀកបំពាក់ ជាអ្នកទោស និងដៃ ទាំងពីរ បានជាប់ខ្នោះ។ ក៏ប៉ុន្តែ លោក បានឆ្លៀត លើកដៃ ជាសញ្ញា លេខ៧ ដែលតំណាង លេខរៀង របស់ គណបក្ស សង្គ្រោះជាតិ ក្នុងពេល បោះឆ្នោត កាលពីឆ្នាំមុន។
បន្ទាប់ ពីតុលាការ បានសម្រេច បដិសេធ សំណើសុំ ឱ្យនៅក្រៅឃុំ, លោក មាជ សុវណ្ណារ៉ា បានស្តីបន្ទោស ដល់តុលាការថា, អយុត្តិធម៌។ លោក បានចាត់ទុក ថា, រឿងក្តីនេះ ជារឿង នយោបាយ ដោយសារ លោក នាយករដ្ឋមន្ត្រី ហ៊ុន សែន មានគំនុំ ជាមួយលោក កន្លងមក។
លោក និយាយថា៖ «រឿងនេះ ជារឿងគំនុំ របស់ លោក ហ៊ុន សែន។ កាលពីថ្ងៃ ទី២២ ខែកក្កដាហ្នឹង គឺ ថា, គាត់ បានគំរាម ឱ្យចាប់លោក មាជ សុវណ្ណារ៉ា មួយទៀត ដាក់គុក។ អញ្ចឹង បើ អ្នកផ្សេង មានទោស ដូចគ្នា, ហេតុអ្វី គេ ចេញអស់ហើយ ខ្ញុំ នៅជាប់ទោសទៀត? អញ្ចឹង ជាគំនុំ របស់លោក ហ៊ុន សែន។ តែ យុត្តិធម៌ នឹងកើតមាន។»
នៅខាងក្នុង អគារ បរិវេណ សាលាឧទ្ធរណ៍ មានសមាជិក, ក្រុមគ្រួសារ លោក មាជ សុវណ្ណារ៉ា, និងអ្នកតំណាងរាស្ត្រ គណបក្ស សង្គ្រោះជាតិ មួយចំនួន បានមក គាំទ្រលោក មាជ សុវណ្ណារ៉ា។ ក្នុងខណៈពេល ដែលមេដឹកនាំ គណបក្ស គឺ លោក សម រង្ស៊ី និងលោក កឹម សុខា មានវត្តមាន នៅក្នុងខេត្ត បន្ទាយមានជ័យ។
លោក ជួង ជូងី មេធាវី ការពារក្តី លោក មាជ សុវណ្ណារ៉ា មួយរូប ក្នុងចំណោម មេធាវី ចំនួន ៥រូប មានប្រសាសន៍ ថា, ការសម្រេចនេះ មិនយុត្តិធម៌ សម្រាប់ កូនក្តី របស់ លោកទេ, ហើយ លោក នឹងពិចារណា ប្តឹងទាស់ ទៅកាន់ តុលាការកំពូល បន្តទៀត។
លោក និយាយថា៖ «រឿងនេះ គឺ ជារឿងមួយ ដែលអយុត្តិធម៌ បំផុត សម្រាប់ លោក មាជ សុវណ្ណារ៉ា ដែលតាម ការដេញដោល, ហើយ ក៏ដូច ជាភស្តុតាង ស៊ើបអង្កេត កន្លងមក អត់មាន, ភស្តុតាង អត់មាន សាក្សីណា មកដាក់បន្ទុក ថា, គាត់ បានប្រព្រឹត្ត ដូចមាន ការចោទប្រកាន់ របស់ តុលាការទេ។»
អ្នកស្រី មូរ សុខហួរ អ្នកតំណាងរាស្ត្រ គណបក្ស សង្គ្រោះជាតិ មានប្រសាសន៍ ថា, លោកស្រី មានការ សោកស្តាយ ចំពោះ សេចក្តីសម្រេចនេះ ដោយមិន ពឹងផ្អែក ទៅលើ មូលដ្ឋានច្បាប់។ អ្នកស្រី បានបញ្ជាក់ ថា, គណបក្ស និងបន្ត ការតស៊ូត ទៅទៀត។
លោកស្រី និយាយថា៖ «ការតស៊ូ របស់យើង ដើម្បី រកយុត្តិធម៌ ជូនអ្នក ស្នេហាជាតិ ដូចលោក មាជ សុវណ្ណារ៉ា, យើង នឹងបន្ត ទៅទៀត, ហើយ ការ ដែលធ្វើ ពង្រឹង ឱ្យមាន លទ្ធិប្រជាធិបតេយ្យ លុះត្រាតែ មានសិទ្ធិ សេរីភាពហើយ នឹងមាន តុលាការ ដែលអព្យាក្រិត្យ ពិតប្រាកដ។»
លោក អ៊ុក ពេជ្រ សំណាង សកម្មជន គណបក្ស សង្គ្រោះជាតិ ម្នាក់ផ្សេងទៀត បានស្រែក យ៉ាងខ្លាំងៗ នៅសាលាឧទ្ធរណ៍ ថា៖ «អ្នកឯង ទាំងអស់គ្នា ជាសមត្ថកិច្ច។ មិនថ្វីទេ ប្រពន្ធ មិនបាច់ភ័យទេ។ បង ជាប់គុក, បង អត់មាន បញ្ហាអ្វី កើតឡើងទេ។ ពួកអ្នកឯង យកយើង មកដាក់ទោស ទារុណកម្ម ធ្វើ ជារបៀប ថោកទាប។»
ក្នុងពេល សាលាឧទ្ធរណ៍ សម្រេចបដិសេធ រឿងក្តី លោក មាជ សុវណ្ណារ៉ា និងលោក អ៊ុក ពេជ្រ សំណាង, អ្នកស្រី សាម សុគន្ធា មេធាវី ការពារក្តី សកម្មជន ដីធ្លី នៅតំបន់ បឹងកក់ បានមកជំរុញ សាលាឧទ្ធរណ៍ ឱ្យពន្លឿន រឿងក្តីនេះ ដោយសារតែ អ្នកស្រី ព្រួយបារម្ភ ពីសុវត្ថិភាព របស់ ពួកគេ បន្ទាប់ ពីបាន ធ្វើកូដកម្ម អត់អាហារ អស់រយៈពេល បីថ្ងៃ មកហើយ៕
លោក មាជ សុវណ្ណារ៉ា អាយុ៤៧ឆ្នាំ ប្រធាន នាយកដ្ឋាន ព័ត៌មាន នៃគណបក្ស សង្គ្រោះជាតិ ត្រូវ បានតុលាការ ក្រុងភ្នំពេញ សម្រេចឃុំខ្លួន ជាបណ្តោះអាសន្ន ដើម្បី រង់ចាំ ជំនុំជម្រះ ទោស បន្ទាប់ ពីលោក បានចូលរួម ទាមទារ ឱ្យដោះលែង ទីលាន ប្រជាធិបតេយ្យ កាលពីថ្ងៃ ទី១៥ ខែកក្កដា, គឺ មានរយៈពេល ប៉ុន្មានថ្ងៃ មុនពេល ដែលគណបក្ស ប្រជាជនកម្ពុជា និងគណបក្ស សង្គ្រោះជាតិ ព្រមព្រៀងគ្នា បញ្ចប់ ការជាប់គាំង នយោបាយ។
លោក មាជ សុវណ្ណារ៉ា ត្រូវ បានតុលាការ ចោទប្រកាន់ ពីបទ «ដឹកនាំ កុប្បកម្ម, ញុះញង់ ឲ្យប្រព្រឹត្ត បទឧក្រិដ្ឋ ជាអាទិ៍, និងផ្តើមគំនិត ក្នុងអំពើហិង្សា ដោយចេតនា ដោយមាន ស្ថានទម្ងន់ទោស។»
លោក ត្រូវ បានអនុរក្ស ពន្ធនាគារ បណ្តើរចេញ ពីរថយន្ត ដោយគ្រង សម្លៀកបំពាក់ ជាអ្នកទោស និងដៃ ទាំងពីរ បានជាប់ខ្នោះ។ ក៏ប៉ុន្តែ លោក បានឆ្លៀត លើកដៃ ជាសញ្ញា លេខ៧ ដែលតំណាង លេខរៀង របស់ គណបក្ស សង្គ្រោះជាតិ ក្នុងពេល បោះឆ្នោត កាលពីឆ្នាំមុន។
បន្ទាប់ ពីតុលាការ បានសម្រេច បដិសេធ សំណើសុំ ឱ្យនៅក្រៅឃុំ, លោក មាជ សុវណ្ណារ៉ា បានស្តីបន្ទោស ដល់តុលាការថា, អយុត្តិធម៌។ លោក បានចាត់ទុក ថា, រឿងក្តីនេះ ជារឿង នយោបាយ ដោយសារ លោក នាយករដ្ឋមន្ត្រី ហ៊ុន សែន មានគំនុំ ជាមួយលោក កន្លងមក។
លោក និយាយថា៖ «រឿងនេះ ជារឿងគំនុំ របស់ លោក ហ៊ុន សែន។ កាលពីថ្ងៃ ទី២២ ខែកក្កដាហ្នឹង គឺ ថា, គាត់ បានគំរាម ឱ្យចាប់លោក មាជ សុវណ្ណារ៉ា មួយទៀត ដាក់គុក។ អញ្ចឹង បើ អ្នកផ្សេង មានទោស ដូចគ្នា, ហេតុអ្វី គេ ចេញអស់ហើយ ខ្ញុំ នៅជាប់ទោសទៀត? អញ្ចឹង ជាគំនុំ របស់លោក ហ៊ុន សែន។ តែ យុត្តិធម៌ នឹងកើតមាន។»
នៅខាងក្នុង អគារ បរិវេណ សាលាឧទ្ធរណ៍ មានសមាជិក, ក្រុមគ្រួសារ លោក មាជ សុវណ្ណារ៉ា, និងអ្នកតំណាងរាស្ត្រ គណបក្ស សង្គ្រោះជាតិ មួយចំនួន បានមក គាំទ្រលោក មាជ សុវណ្ណារ៉ា។ ក្នុងខណៈពេល ដែលមេដឹកនាំ គណបក្ស គឺ លោក សម រង្ស៊ី និងលោក កឹម សុខា មានវត្តមាន នៅក្នុងខេត្ត បន្ទាយមានជ័យ។
លោក ជួង ជូងី មេធាវី ការពារក្តី លោក មាជ សុវណ្ណារ៉ា មួយរូប ក្នុងចំណោម មេធាវី ចំនួន ៥រូប មានប្រសាសន៍ ថា, ការសម្រេចនេះ មិនយុត្តិធម៌ សម្រាប់ កូនក្តី របស់ លោកទេ, ហើយ លោក នឹងពិចារណា ប្តឹងទាស់ ទៅកាន់ តុលាការកំពូល បន្តទៀត។
លោក និយាយថា៖ «រឿងនេះ គឺ ជារឿងមួយ ដែលអយុត្តិធម៌ បំផុត សម្រាប់ លោក មាជ សុវណ្ណារ៉ា ដែលតាម ការដេញដោល, ហើយ ក៏ដូច ជាភស្តុតាង ស៊ើបអង្កេត កន្លងមក អត់មាន, ភស្តុតាង អត់មាន សាក្សីណា មកដាក់បន្ទុក ថា, គាត់ បានប្រព្រឹត្ត ដូចមាន ការចោទប្រកាន់ របស់ តុលាការទេ។»
អ្នកស្រី មូរ សុខហួរ អ្នកតំណាងរាស្ត្រ គណបក្ស សង្គ្រោះជាតិ មានប្រសាសន៍ ថា, លោកស្រី មានការ សោកស្តាយ ចំពោះ សេចក្តីសម្រេចនេះ ដោយមិន ពឹងផ្អែក ទៅលើ មូលដ្ឋានច្បាប់។ អ្នកស្រី បានបញ្ជាក់ ថា, គណបក្ស និងបន្ត ការតស៊ូត ទៅទៀត។
លោកស្រី និយាយថា៖ «ការតស៊ូ របស់យើង ដើម្បី រកយុត្តិធម៌ ជូនអ្នក ស្នេហាជាតិ ដូចលោក មាជ សុវណ្ណារ៉ា, យើង នឹងបន្ត ទៅទៀត, ហើយ ការ ដែលធ្វើ ពង្រឹង ឱ្យមាន លទ្ធិប្រជាធិបតេយ្យ លុះត្រាតែ មានសិទ្ធិ សេរីភាពហើយ នឹងមាន តុលាការ ដែលអព្យាក្រិត្យ ពិតប្រាកដ។»
លោក អ៊ុក ពេជ្រ សំណាង សកម្មជន គណបក្ស សង្គ្រោះជាតិ ម្នាក់ផ្សេងទៀត បានស្រែក យ៉ាងខ្លាំងៗ នៅសាលាឧទ្ធរណ៍ ថា៖ «អ្នកឯង ទាំងអស់គ្នា ជាសមត្ថកិច្ច។ មិនថ្វីទេ ប្រពន្ធ មិនបាច់ភ័យទេ។ បង ជាប់គុក, បង អត់មាន បញ្ហាអ្វី កើតឡើងទេ។ ពួកអ្នកឯង យកយើង មកដាក់ទោស ទារុណកម្ម ធ្វើ ជារបៀប ថោកទាប។»
ក្នុងពេល សាលាឧទ្ធរណ៍ សម្រេចបដិសេធ រឿងក្តី លោក មាជ សុវណ្ណារ៉ា និងលោក អ៊ុក ពេជ្រ សំណាង, អ្នកស្រី សាម សុគន្ធា មេធាវី ការពារក្តី សកម្មជន ដីធ្លី នៅតំបន់ បឹងកក់ បានមកជំរុញ សាលាឧទ្ធរណ៍ ឱ្យពន្លឿន រឿងក្តីនេះ ដោយសារតែ អ្នកស្រី ព្រួយបារម្ភ ពីសុវត្ថិភាព របស់ ពួកគេ បន្ទាប់ ពីបាន ធ្វើកូដកម្ម អត់អាហារ អស់រយៈពេល បីថ្ងៃ មកហើយ៕
No comments:
Post a Comment