អាជ្ញាធរ ស្វែងរក គ្រូពេទ្យ សង្ស័យថា, ជាអ្នក ចម្លងមេរោគ អេដស៍
RFA / វិទ្យុ អាស៊ី សេរី | ១៦ ធ្នូ ២០១៤
ពលរដ្ឋ នាំគ្នា មកធ្វើ តេស្ត ឈាម រកមេរោគ អេដស៍ នៅមណ្ឌល
សុខភាព រកា ស្ថិតក្នុងស្រុក សង្កែ, ខេត្ត បាត់ដំបង កាលពីថ្ងៃ ទី១៥ ធ្នូ
២០១៤។ RFA/Hum Chamroeun
ព័ត៌មាន ចុងក្រោយ ដែលវិទ្យុ អាស៊ី សេរី ទទួលបាន កាលពីយប់ ថ្ងៃអង្គារ ទី១៦ ធ្នូ ឲ្យដឹង ថា, មន្ត្រី អាជ្ញាធរ ជាតិ ប្រយុទ្ធ នឹងជំងឺ អេដស៍ នៃក្រសួង សុខាភិបាល កំពុង ស្វែងរក គ្រូពេទ្យ ស្ម័គ្រចិត្ត ក្នុងភូមិម្នាក់ ដើម្បី ស៊ើបអង្កេត បន្ថែមទៀត ទាក់ទង នឹងការសង្ស័យ ថា, អាច ជាអ្នក បង្ក ការឆ្លងជំងឺ អេដស៍ ដល់អ្នកភូមិ។
អគ្គលេខាធិការ អាជ្ញាធរ ជាតិ ប្រយុទ្ធ នឹងជំងឺអេដស៍ លោក តែង គន្ធី ដែលកំពុងមាន វត្តមាន នៅខេត្ត បាត់ដំបង បញ្ជាក់ ថា, តាមការ ស៊ើបអង្កេត ជាបឋម និងការសម្ភាសន៍ អ្នកជំងឺ ប្រមាណ ៣០នាក់ ក្នុងចំណោម ៨២នាក់ ដែលរកឃើញ មានជំងឺ អេដស៍នោះ បង្ហាញថា, ពួកគេ បានទទួល សេវាកម្ម ព្យាបាល ជំងឺ ក្រៅផ្លូវការ ពីគ្រូពេទ្យម្នាក់។
ប៉ុន្តែលោកឱ្យដឹងថា គ្រូពេទ្យរូបនោះបានគេចបាត់ពីភូមិអស់រយៈពេលពីរថ្ងៃមកហើយ៖ «យើង មានការសង្ស័យដោយសារមានការចម្លងមេរោគទាំងដុំ មេរោគអេដស៍ ទៅមេរោគអេដស៍។ យើងផ្តោតទៅលើបញ្ហាពីរ ម្ជុលតាមរយៈប្រើប្រាស់គ្រឿងញៀន និងទីពីរប្រើប្រាស់ម្ជុលតាមអ្នកផ្តល់សេវាកម្មសុខភាព និងឧបករណ៍នៃការផ្ដល់សេវា។ តាមក្រុមបច្ចេកទេសដែលបានធ្វើការសម្ភាសន៍យើងឃើញថា សុទ្ធតែបានទទួលសេវាឯកជនពីអ្នកស្ម័គ្រចិត្តភូមិម្នាក់។»
លោក តែង គន្ធី បន្ថែមទៀតថា អាជ្ញាធរបានផ្ដល់ថ្នាំប្រឆាំងនឹងមេរោគអេដស៍ ដែលគេនិយមហៅថា ថ្នាំពន្យារជីវិត និងថ្នាំព្យាបាលផ្សេងទៀតដល់អ្នកជំងឺចំនួន ៨២នាក់។ អាជ្ញាធរក៏នឹងចាប់ផ្ដើមធ្វើយុទ្ធនាការអប់រំដល់អ្នកជំងឺទាំងនោះ ដើម្បីការពារកុំឲ្យចម្លងជំងឺទៅអ្នកដទៃបន្តទៀត។
លោកបញ្ជាក់ថា រហូតដល់ម៉ោងប្រមាណប្រាំកន្លះល្ងាចថ្ងៃអង្គារម្សិលមិញនេះ មានមនុស្សច្រើនជាង ៦០០នាក់ បានមកពិនិត្យឈាម។ លទ្ធផលបង្ហាញថា មានមនុស្ស ៩០នាក់មានជំងឺអេដស៍ ប៉ុន្តែក្នុងនោះមនុស្ស ៨នាក់ ក្រុមគ្រូពេទ្យជំនាញនឹងពិនិត្យផ្ទៀងផ្ទាត់លទ្ធផលម្ដងទៀត៕
The doctors and nurses can be the suspicious Vietnamese born or living in Cambodia under CPP regime. This is my judgement. Khmer people or patients have to be very careful and make sure by asking whether the doctors and nurses are Vietnamese (CPP) or Thai because they [Vietnamese or Thai] can not be trusted when it comes to HIV Aids tests.
ReplyDeleteSo, just stay alert!!! Save your life and family lives!!!
Thank you,
KI Reader/KY