គណបក្ស ទាំងពីរ ឯកភាពគ្នា ទាំងស្រុង លើសេចក្ដី ព្រាងច្បាប់ គ.ជ.ប. ថ្មី
មន្ត្រីជាន់ខ្ពស់ គណបក្ស សង្គ្រោះជាតិ លោក គួយ ប៊ុនរឿន ឲ្យដឹង នៅថ្ងៃ ទី៨ ធ្នូ ថា, នៅរសៀល ថ្ងៃនេះ តំណាង គណបក្ស ទាំងពីរ បានឯកភាព លើការរៀបចំ ក្របខ័ណ្ឌ នៃ អគ្គលេខាធិការដ្ឋាន និងលេខាធិការដ្ឋាន តាមខែត្រ កំណត់ ដោយព្រះរាជក្រឹត្យ និងអនុក្រឹត្យ ចេញ ដោយរដ្ឋាភិបាល កំណត់ អំពី រចនាសម្ព័ន្ធ នៃការរៀបចំ និងការប្រព្រឹត្តទៅ គ.ជ.ប. គ្រាន់តែ ជាទម្រង់ទេ, តែ រាល់ខ្លឹមសារ ដែលចែង ក្នុងអនុក្រឹត្យនោះ ទាល់តែ មានសំណើ ពីប្រធាន គ.ជ.ប. ដែលមាន ការអនុម័ត ពីសមាជិក គ.ជ.ប. សំឡេងភាគច្រើន ដាច់ខាត។
លោក គួយ ប៊ុនរឿន បន្ថែមថា, ក្រោយ ពីបញ្ចប់ លើការពិភាក្សា សេចក្ដីព្រាងច្បាប់ បង្កើត គ.ជ.ប. ថ្មីនេះ គឺ គណបក្ស ទាំងពីរ បានពិភាក្សាគ្នា លើការធ្វើ វិសោធនកម្ម ច្បាប់បោះឆ្នោត ដែលមានចំនួន ១២ជំពូក។ លោក បញ្ជាក់ថា, ការពិភាក្សា លើការធ្វើ វិសោធនកម្ម ច្បាប់បោះឆ្នោតនេះ, ក្រុមការងារ គណបក្ស ទាំងពីរ នឹងជួបគ្នា ក្នុងមួយសប្ដាហ៍ ពីរថ្ងៃ, គឺ នៅរៀងរាល់ នៅថ្ងៃស្រុក និងថ្ងៃច័ន្ទ។
លោក គួយ ប៊ុនរឿន បញ្ជាក់ថា, ការធ្វើ វិសោធនកម្ម ច្បាប់បោះឆ្នោតនេះ យោងលើស្មារតី ថ្នាក់ដឹកនាំ ជាន់ខ្ពស់ គណបក្ស ទាំងពីរ, គឺ លោក សម រង្ស៊ី និងលោក ហ៊ុន សែន, ដែលបានជួបគ្នា កាលពីថ្ងៃ ទី២៨ វិច្ឆិកា, ហើយ ចង់ធ្វើ សេចក្ដី ព្រាងច្បាប់នេះ ឲ្យរួចរាល់ ចប់សព្វគ្រប់ ជាមួយគ្នា យ៉ាងយូរ នៅដំណាច់ ខែកុម្ភៈ ឆ្នាំ២០១៥ ខាងមុខ៕
No comments:
Post a Comment