លោក សម រង្ស៊ី ថា, កម្ពុជា បានដើរដល់ របត់ នយោបាយ ថ្មីមួយ
VOD / វីអូឌី | ១៩ ធ្នូ ២០១៤
ប្រធាន គណបក្ស សង្រ្គោះជាតិ លោក សម រង្ស៊ី កាលពីកន្លងទៅ
ប្រធាន គណបក្ស សង្គ្រោះជាតិ ចាត់ទុក ថា, ការទទួលស្គាល់ ប្រធាន ក្រុមតំណាងរាស្ត្រ សំឡេងភាគតិច របស់ រដ្ឋសភា នៅថ្ងៃនេះ ជារបត់ នយោបាយ ថ្មីមួយ ដោយប្តូរ ពីការកំចាត់គ្នា មកជាការ ការរទទួលស្គាល់ និងជជែកគ្នា ដើម្បី ដោះស្រាយ បញ្ហាជាតិ។
ប្រធាន គណបក្សសង្គ្រោះជាតិ លោក សម រង្ស៊ី មានប្រសាសន៍ ទៅកាន់ អ្នកសារព័ត៌មាន នៅក្នុងវិមាន រដ្ឋសភា ក្រោយកិច្ចប្រជុំ នៅព្រឹកថ្ងៃ ទី១៩ ខែធ្នូ នេះ ថា, ការធ្វើ វិសោធនកម្ម ប្រការ៤៨ ថ្មី នៃបទបញ្ជា ផ្ទៃក្នុង រដ្ឋសភានេះ គឺ មិនមែន ធ្វើឡើង ដើម្បី បម្រើផលប្រយោជន៍ គណបក្ស ឬបុគ្គល ណាមួយ និងមិនមែន សម្រាប់ តែ ស្ថានភាព ប្រទេសបច្ចុប្បន្ន នោះទេ។ លោក ថា, ការធ្វើ វិសោធនកម្មនេះ គឺ ដើម្បី ធានា ឲ្យលទ្ធិប្រជាធិបតេយ្យ ក្នុងប្រទេស កម្ពុជា មានដំណើរការ ទៅមុខ ដោយរលូន ប្រកប ដោយភាព រឹងមាំ និងចាស់ទុំ ដោយឈរ លើការ គោរព និងសន្ទនាគ្នា ។
លោក សម រង្ស៊ី បញ្ជាក់ថា, ការទទួលស្គាល់នេះ នឹងផ្តល់ នូវសិទ្ធិ, តួនាទី, មធ្យោបាយ, និងសុវត្ថិភាព សម្រាប់ គណបក្ស ក្រៅរដ្ឋាភិបាល អាចធ្វើការងារ និងបំពេញ តួនាទី បានពេញលេញ និងជាប្រយោជន៍ ដល់គណបក្ស នយោបាយ ដែលនឹងកើត ក្រោយៗ ប្រើប្រាស់ ក្នុងការពង្រឹង លទ្ធិប្រជាធិបតេយ្យ។
លោក សម រង្ស៊ី បន្តថា៖ «អ្វី ដែលយើង រៀបចំ ជាស្ថាប័ន ចែងជា ច្បាប់នេះ គឺ ជាជំហានមួយ ដ៏សំខាន់ ឆ្ពោះទៅរក លទ្ធិប្រជាធិបតេយ្យ, ព្រោះ លទ្ធិប្រជាធិបតេយ្យ ត្រូវតែ មានគណបក្ស ក្រៅរដ្ឋាភិបាល។ បើ មានតែ គណបក្ស ក្នុងរដ្ឋាភិបាល ចាំតែ គាំទ្រ ហៃអើ រដ្ឋាភិបាល, មានរដ្ឋភា មួយ ចាំតែ ហៃអើ រដ្ឋាភិបាល, ហ្នឹងធ្លាក់ទឹកហើយ។ អ្វី ដែលធ្វើ តាមតែ អំពើចិត្ត ជិះសេះ លែងដៃ, ធ្វើភ្លៀង, ធ្វើផ្គរ តែ ម្នាក់ឯង អន្តរាយៗ សម្រាប់ ប្រទេសជាតិ។»
យ៉ាងណា លោក សម រង្សី មិនបានបញ្ជាក់ថា លោកនឹងក្លាយជាប្រធានតំណារាស្ត្រសំឡេងភាគតិចឬយ៉ាងណានោះទេ ដោយលោកបញ្ជាក់ថាត្រូវរងចាំការធ្វើច្បាប់នេះឲ្យបានរួចរាល់ជាមុន សិន ។
នៅព្រឹកថ្ងៃសុក្រនេះ ជាមួយសំឡេងគាំទ្រ១០២លើ១០២នៃកូរ៉ុមដែលចូលរួមប្រជុំ រដ្ឋសភាបានអនុម័តសេចកី្តស្នើវិសោធនកម្មជំពូកទី ១២ ប្រការ៤៨ថ្មី(ពីរ) និងប្រការ៤៨ថ្មី(បី) នៃបទបញ្ជាផ្ទៃក្នុងរដ្ឋសភា ដែលបើកផ្លូវឲ្យមានការបង្កើតប្រធានក្រុមភាគតិចនៅក្នុងរដ្ឋសភា ។
ការបង្កើតឲ្យមានប្រធានក្រុមភាគតិចនៅរដ្ឋសភា ធ្វើឡើងតាមកិច្ចព្រមព្រៀងរវាងលោកនាយករដ្ឋមន្ត្រី ហ៊ុន សែន និងប្រធានគណបក្សសង្គ្រោះជាតិលោក សម រង្ស៊ី កាលពីថ្ងៃទី២៨ ខែវិច្ឆិកា ឆ្នាំ២០១៤ ។ ប្រធានក្រុមភាគតិចនេះមានឋានៈស្មើនាយករដ្ឋមន្ត្រី ហើយជាដៃគូសន្ទនាជាមួយនឹងប្រមុខរាជរដ្ឋាភិបាលទាក់ទងទៅនឹងបញ្ហាធំៗ របស់ប្រទេសជាតិ ៕
Ah stupid Rainsy. Hun Sen just gave you a bait to swallow. Then you will get hooked in your throat. Ah PHLEU Rainsy.
ReplyDeleteAh choy mray Rainsy. Why you are so stupid. Now yoo keep swallowing Huin Sen baits deeper and deeper.. Go back to France Ah Phleu.
ReplyDelete