 |
| ដុំថ្ម ជាច្រើនដុំ ត្រូវ គេ ដាក់តម្រៀប មានរាង ដូចទីកប់សព ដែលវៀតណាម ចាត់ទុក ថា, ជាផ្នូរបុរាណ នៅប្រវាំងកូន។ |
 | |||
| នូរ ដែលវៀតណាម ចាត់ទុកថា, ជាផ្នូរ សាកសព របស់ បុព្វបុរស របស់ពួកគេ តាំងពីយូរណាស់ មកហើយ នៅចំណុច វាលស្រែ ៥០០។ |
 |
| ជនជាតិ វៀតណាម ដែលទៅធ្វើ សមាធិ នៅចំណុច ប្រវាំងកូន រៀបចំ ធ្វើម្ហូបអាហារ។ |
ក្រសួង វប្បធម៌៖ ជនជាតិ វៀតណាម ធ្វើពិធី សាសនា នៅភ្នំ បូកគោ មិនប៉ះពាល់ វប្បធម៌ខ្មែរ
RFA / វិទ្យុ អាស៊ី សេរី | ២ មករា ២០១៥
របាយការណ៍ មានកម្រាស់ ជាង ៧ទំព័រ អមដោយរូបថត ដែលក្រុមការងារ ក្រសួងវប្បធម៌ ចុះអង្កេត អស់រយៈពេល ៣ថ្ងៃ មិនបាន រកឃើញ ថា, ការធ្វើ ពិធីសាសនា របស់ ជនជាតិវៀតណាម នៅភ្នំបូកគោ ត្រង់ចំណុច ល្អាងភ្នំស្រែ ៥០០ និងប្រវាំងកូន ប៉ះពាល់ដល់ វប្បធម៌ខ្មែរ ទេ។ បន្ទាប់ ពីរកឃើញនេះ, ក្រុមការងារ ក្រសួង នឹងដាក់ឯកសារ ជូនទៅរដ្ឋមន្ត្រី ដើម្បី ផ្សព្វផ្សាយ ជាសាធារណៈ នៅក្នុងសប្ដាហ៍នេះ។
ថ្លែង ឲ្យវិទ្យុ អាស៊ី សេរី ដឹងនៅថ្ងៃ ទី២ ខែមករា អគ្គនាយករង បេតិកភណ្ឌ នៃក្រសួងវប្បធម៌ និងវិចិត្រសិល្បៈ លោក ហេង សុផាឌី ឲ្យដឹងថា, ភ្ញៀវទេសចរ វៀតណាម ដែលនាំគ្នា មកធ្វើពិធី សាសនា ពុំមាន លក្ខណៈធំដុំ នោះទេ, ហើយ ពួកគេ ក៏មិនស្នាក់នៅ ទីនោះ ជាអចិន្ត្រៃយ៍ ដែរ។ លោក ថា, ក្រុមការងារ បានឃើញ នៅទីនោះ មានផ្នូរខ្មោច ចំនួន៥ មែន ដែលជនជាតិ វៀតណាម អះអាង ថា, ជាផ្នូរ របស់ ដូនតាពួកគេ។ ប៉ុន្តែ លោក មិនដឹងថា, ផ្នូរនោះ ជាផ្នូរ របស់ ដូនតា ជនជាតិ វៀតណាម ឬផ្នូរ ដូនតា អ្នកណាឡើយ៖ «យើង ឃើញគេ ដុតធូប, ហើយ ចេញមកវិញ, អត់មានសកម្មភាព គគ្រឹកគគ្រេង អីទេ។»
ការចុះអង្កេតដល់កន្លែងរបស់ក្រុមការងារក្រសួងវប្បធម៌ នេះ បន្ទាប់ពីការគណៈកម្មការទី៧នៃរដ្ឋសភា ស្នើឲ្យអ្នកស្រីរដ្ឋមន្ត្រីក្រសួងវប្បធម៌ ចុះអង្កេតនៅភ្នំបូកគោ ទាក់ទងការធ្វើពិធីសាសនារបស់ភ្ញៀវទេសចរជនជាតិវៀតណាម។
ប្រធានគណៈកម្មការទី៧នៃរដ្ឋសភា លោក យ៉ែម បុញ្ញឫទ្ធិ ឲ្យដឹងថា លោកមិនទាន់ទទួលរបាយការណ៍ទាក់ទងការចុះស្រាវជ្រាវនេះពីក្រសួង វប្បធម៌ នៅឡើយទេ។ ប៉ុន្តែលោកថា នៅថ្ងៃទី១១ ដល់ថ្ងៃទី១៤ ខែកុម្ភៈ ក្រុមការងារនឹងចុះស្រាវជ្រាវលើរឿងនេះដល់ភ្នំបូកគោ តែម្តង៖ «យើងនឹងទៅពិនិត្យជាក់ស្តែង។»
ចំណែក លោក ហេង សុផាឌី មន្ត្រីក្រសួងវប្បធម៌ យល់ថា គេមិនគួរព្រួយបារម្ភនៃការពិធីនេះឡើយ។ ប៉ុន្តែលោកបញ្ជាក់ថា ស្ថាប័ននានា អាជ្ញាធរខេត្ត និងក្រុមហ៊ុនវិនិយោគនៅទីនោះ គួរពង្រឹងសន្តិសុខសុវត្ថិភាពសណ្ដាប់ធ្នាប់ និងការគ្រប់គ្រង ព្រោះភូមិសាស្ត្រវាលស្រែ៥០០ និងតំបន់ប្រវាំងកូន ឋិតនៅឆ្ងាយក្នុងព្រៃចូលជ្រៅនៃជួរភ្នំបូកគោ។
វិទ្យុអាស៊ីសេរី មិនអាចសុំការបំភ្លឺពីការគ្រប់គ្រងនៃតំបន់នេះពីក្រុមហ៊ុនលោក ឧកញ៉ា សុខ គង់ ដែលទទួលបានសិទ្ធិអភិវឌ្ឍតំបន់បូកគោបានទេនៅថ្ងៃទី២ ខែធ្នូ។
ប៉ុន្តែអភិបាលខេត្តកំពត លោក ខូយ ឃុនហួរ មានប្រសាសន៍ថា ចាប់តាំងពីតំបន់បូកគោមានភ្ញៀវទេសចរទៅលេងកម្សាន្តច្រើន មិនដែលកើតឡើងបញ្ហាអសន្តិសុខទេ។ ដូចនេះ អាជ្ញាធរខេត្តមិនចាំបាច់ពង្រឹងកម្លាំងបន្ថែមឡើយ។ លោកអភិបាលខេត្តអះអាងថា ក្រុមហ៊ុននៅទីនោះធ្វើការងារនេះបានល្អហើយ និងថែមទាំងមានទំនាក់ទំនងល្អជាមួយអាជ្ញាធរខេត្ត៖ «ខ្ញុំគិតថា មិនចាំបាច់អីត្រូវមានប៉ូលិសទាហានដើរយាមអីទេ បញ្ហាសំខាន់ គឺការពារទាំងអស់នៅតំបន់ភ្នំបូកគោទាំងមូល។»
លោកអភិបាលខេត្តបន្ថែមទៀតថា នៅលើភ្នំបូកគោ ក្រៅពីមានការធ្វើពិធីសាសនារបស់ភ្ញៀវទេសចរជនជាតិវៀតណាម ក្រុមហ៊ុនក៏មានវិហារព្រះពុទ្ធសាសនា វិហារគ្រិស្ត និងវិហារចិន ដើម្បីទាក់ទាញភ្ញៀវទេសចរ។ លោកថា ជាក់ស្តែងសម្រាប់ភ្ញៀវទេសចរជនជាតិវៀតណាម ដែលទៅធ្វើពិធីនៅទីនោះ គឺត្រូវទិញសំបុត្រក្នុងម្នាក់តម្លៃ ៥ដុល្លារ សម្រាប់រយៈពេលមួយថ្ងៃ និងត្រូវមានលិខិតឆ្លងដែនត្រឹមត្រូវ៕
Quelle sorte de réactions peut-on attendre de la part du gouvernement fantoche/satellite des Viets/Yuons???
ReplyDeleteThe real issue here is not about interfering with Cambodian culture. It is about the Vietnamese people misused of Cambodian public natural resource for betterment of the whole Cambodian. Land is a limited natural resource so the stupid and lazy Ah Jun Xenical Vietnam slave government must make use of the land wisely.
ReplyDelete