ប្រធាន ក្រុម តំណាងរាស្រ្ត ជួបគ្នា បណ្តុះវប្បធម៌ ថ្មី ក្នុងនយោបាយ កម្ពុជា
VOA / វីអូអេ | 30 មករា 2015
ភ្នំពេញ—ជំនួប លើកដំបូង រវាង ថ្នាក់ដឹកនាំ តំណាងរាស្ត្រ ខាងគណបក្ស ប្រជាជនកម្ពុជា និងគណបក្ស សង្គ្រោះជាតិ នៅថ្ងៃ ព្រហស្បតិ៍នេះ មិនទទួលបាន លទ្ធផលទេ, ហើយ ក៏គ្មាន របៀបវារៈ
ណាមួយ ត្រូវ បានកំណត់ទេ ក្នុងរយៈពេល នៃការជួបគ្នា ប្រមាណ ជិតមួយម៉ោង តែប៉ុណ្ណោះ។
ភាគី ម្ខាងៗ មានគ្នា ចំនួន ៣នាក់, គឺ
ខាងគណបក្ស ប្រជាជនកម្ពុជា ដឹកនាំដោយ លោក ស ខេង
ប្រធាន ថ្នាក់ដឹកនាំ តំណាងរាស្ត្រ, លោក គាត ឈុន, និងលោកស្រី ម៉ែន
សំអន អនុប្រធាន។
ចំណែក ខាងគណបក្ស សង្គ្រោះជាតិ ដឹកនាំដោយ លោក សម រង្ស៊ី ប្រធាន ថ្នាក់ដឹកនាំ តំណាងរាស្ត្រ, លោក កឹម សុខា អនុប្រធាន, និងលោក យឹម សុវណ្ណ។
ក្រោយពីជំនួបរយៈពេលខ្លី លោក ស ខេង ប្រធានថ្នាក់ដឹកនាំអ្នកតំណាងរាស្ត្រខាងគណបក្សប្រជាជនកម្ពុជាមាន ប្រសាសន៍ក្នុងសន្និសីទកាសែតថាជំនួបគ្នាលើកនេះមិនទាន់កំណត់របៀប វារៈទេគឺយើងខិតខំអនុវត្តនូវកិច្ចព្រមព្រៀងកាលពីថ្ងៃទី២២ ខែកក្កដាឆ្នាំ២០១៤ និង កិច្ចព្រមព្រៀងដទៃទៀតដែលមានជាបន្តបន្ទាប់។
លោក និយាយថា៖ «ការជួបគ្នា លើកទីមួយនេះ គឺ យើង មិនទាន់បាន ដាក់ជារបៀបវារៈ ជាក់លក្ខណ៍ទេ, ហើយ សំខាន់នោះ គឺ ថា, ការជួបគ្នា ដើម្បី យើង ពិភាក្សាគ្នា ទៅលើរបៀប ដែលយើង នឹងត្រូវ ធ្វើការ នៅពេល ខាងមុខនេះ។»
លោក សម រង្ស៊ី ប្រធានថ្នាក់ដឹកនាំតំណាងរាស្ត្រខាងគណបក្សសង្គ្រោះជាតិមានប្រសាសន៍ ថាជំនួបនេះបង្ហាញឱ្យឃើញថានេះជាទម្លាប់មួយដែលយើងកំពុងតែកសាង ក្នុងការលើកកម្ពស់វប្បធម៌សន្ទនាដែលជាមូលដ្ឋាននៃលទ្ធិ ប្រជាធិបតេយ្យ។
លោក និយាយថា៖ «ខ្ញុំ ជឿថា, នេះ ជាទម្លាប់ថ្មី ដែលយើង កំពុងបង្កើត, កំពុងតែ កសាង ដែលឆ្លុះបញ្ចាំងផង លើកកម្ពស់ វប្បធម៌សន្ទនា, ពីព្រោះ វប្បធម៌សន្ទនា គឺ ជាមូលដ្ឋាន នៃលទ្ធិ ប្រជាធិបតេយ្យ។ ទាល់តែ មានវប្បធម៌ សន្ទនា បានលទ្ធិ ប្រជាធិបតេយ្យ អាចលូតលាស់, អាចរឹងមាំ, អាចរស់រវើក។»
ជំនួបរវាងថ្នាក់ដឹកនាំតំណាងរាស្ត្រនៃគណបក្សគូជម្លោះទាំងពីរ បានកើតមានឡើងក្រោយពីលោកហេង សំរិន ប្រធានរដ្ឋសភា បានតែងតាំងកាលពីសប្តាហ៍មុននូវថ្នាក់ដឹកនាំកំពូលដែលមានសមាសភាព ម្ខាងៗចំនួន៣នាក់សម្រាប់ជួបពិភាក្សាគ្នាដើម្បីដោះស្រាយបញ្ហា ភាពជាប់គាំងនយោបាយក្នុងប្រទេសកម្ពុជា។
ក្រោយពីកិច្ចប្រជុំរយៈពេលជិតមួយម៉ោងមេដឹកនាំគណបក្សទាំងពីរ មិនទាន់បានកំណត់របៀបវារៈនិងការកំណត់ជួបគ្នាលើកក្រោយនៅពេល ណាទេ។
លោក គល់ បញ្ញា នាយកប្រតិបត្តិអង្គការឃ្លាំមើលដំណើរការបោះឆ្នោតមួយឈ្មោះ ខុមហ្រ្វែលមានប្រសាសន៍ថាបើទោះបីជាជំនួបមិនបានលទ្ធផលក៏ដោយក៏នេះ បង្ហាញថាគណបក្សទាំងពីរបានបង្កើតនូវវប្បធម៌ការអត់អោនឱ្យគ្នា ដែលមានសារៈសំខាន់សម្រាប់ប្រយោជន៍ដល់ប្រទេសជាតិ។
លោកមានប្រសាសន៍ថាគណបក្សទាំងពីរគួរតែកំណត់ពេលឱ្យបានច្បាស់ថាតើគួរជួបគ្នាមួយសប្តាហ៍ ឬ ក៏មួយខែម្តង។
លោកនិយាយថា៖ «ការសន្ទនាគួរតែមានពេលវេលាឱ្យច្បាស់លាស់ហើយមានកំណត់ហេតុ អញ្ចឹងទៅ។ កត់ត្រាតាមមើលការសម្រេច ការជជែកគ្នាការផ្តល់សិទ្ធិដំណោះស្រាយណាមួយសម្រាប់ប្រទេសជាតិ។»
គណបក្សប្រជាជនកម្ពុជានិងគណបក្សសង្គ្រោះជាតិកាលពីថ្ងៃទី២២ ខែកក្កដាឆ្នាំ២០១៤បានព្រមព្រៀងគ្នាថានិងបញ្ចប់វិបត្តិនយោបាយនិង សន្យាថាបង្កើតស្ថាប័នគជបថ្មីដោយឯករាជ្យនិងអាចទទួលយកបានពីគ្រប់ ភាគីទាំងអស់។
ជាថ្នូរនឹងកិច្ចព្រមព្រៀងថ្ងៃទី២២ខែកក្កដានេះគណបក្សសង្គ្រោះ ជាតិបានសុខចិត្តចូលរួមប្រជុំសភាដើម្បីបំពេញភាពស្របច្បាប់ដល់ រដ្ឋាភិបាលអណត្តិទី៥នេះ។ ក៏ប៉ុន្តែក្រោយពីបានស្បថចូលកាន់មុខតំណែងមិនបាន៥ខែផងសង្គ្រាម ពាក្យសម្តីគ្នាបានកើតឡើងសារជាថ្មី។
លោកនាយករដ្ឋមន្ត្រីហ៊ុន សែនបានព្រមានថានឹងបញ្ចប់រាល់ជំនួបថ្នាក់កំពូលទាំងអស់រវាង គណបក្សទាំងពីរដើម្បីជាការឆ្លើយតបនឹងការរិះគន់ពីលោក កឹម សុខា អនុប្រធានគណបក្សសង្គ្រោះជាតិដែលបានរិះគន់ឥតសំចៃទៅលើរបបគ្រប់ គ្រងរយៈពេល៣០ឆ្នាំដោយគណបក្សប្រជាជនកម្ពុជា៕
ចំណែក ខាងគណបក្ស សង្គ្រោះជាតិ ដឹកនាំដោយ លោក សម រង្ស៊ី ប្រធាន ថ្នាក់ដឹកនាំ តំណាងរាស្ត្រ, លោក កឹម សុខា អនុប្រធាន, និងលោក យឹម សុវណ្ណ។
ក្រោយពីជំនួបរយៈពេលខ្លី លោក ស ខេង ប្រធានថ្នាក់ដឹកនាំអ្នកតំណាងរាស្ត្រខាងគណបក្សប្រជាជនកម្ពុជាមាន ប្រសាសន៍ក្នុងសន្និសីទកាសែតថាជំនួបគ្នាលើកនេះមិនទាន់កំណត់របៀប វារៈទេគឺយើងខិតខំអនុវត្តនូវកិច្ចព្រមព្រៀងកាលពីថ្ងៃទី២២ ខែកក្កដាឆ្នាំ២០១៤ និង កិច្ចព្រមព្រៀងដទៃទៀតដែលមានជាបន្តបន្ទាប់។
លោក និយាយថា៖ «ការជួបគ្នា លើកទីមួយនេះ គឺ យើង មិនទាន់បាន ដាក់ជារបៀបវារៈ ជាក់លក្ខណ៍ទេ, ហើយ សំខាន់នោះ គឺ ថា, ការជួបគ្នា ដើម្បី យើង ពិភាក្សាគ្នា ទៅលើរបៀប ដែលយើង នឹងត្រូវ ធ្វើការ នៅពេល ខាងមុខនេះ។»
លោក សម រង្ស៊ី ប្រធានថ្នាក់ដឹកនាំតំណាងរាស្ត្រខាងគណបក្សសង្គ្រោះជាតិមានប្រសាសន៍ ថាជំនួបនេះបង្ហាញឱ្យឃើញថានេះជាទម្លាប់មួយដែលយើងកំពុងតែកសាង ក្នុងការលើកកម្ពស់វប្បធម៌សន្ទនាដែលជាមូលដ្ឋាននៃលទ្ធិ ប្រជាធិបតេយ្យ។
លោក និយាយថា៖ «ខ្ញុំ ជឿថា, នេះ ជាទម្លាប់ថ្មី ដែលយើង កំពុងបង្កើត, កំពុងតែ កសាង ដែលឆ្លុះបញ្ចាំងផង លើកកម្ពស់ វប្បធម៌សន្ទនា, ពីព្រោះ វប្បធម៌សន្ទនា គឺ ជាមូលដ្ឋាន នៃលទ្ធិ ប្រជាធិបតេយ្យ។ ទាល់តែ មានវប្បធម៌ សន្ទនា បានលទ្ធិ ប្រជាធិបតេយ្យ អាចលូតលាស់, អាចរឹងមាំ, អាចរស់រវើក។»
ជំនួបរវាងថ្នាក់ដឹកនាំតំណាងរាស្ត្រនៃគណបក្សគូជម្លោះទាំងពីរ បានកើតមានឡើងក្រោយពីលោកហេង សំរិន ប្រធានរដ្ឋសភា បានតែងតាំងកាលពីសប្តាហ៍មុននូវថ្នាក់ដឹកនាំកំពូលដែលមានសមាសភាព ម្ខាងៗចំនួន៣នាក់សម្រាប់ជួបពិភាក្សាគ្នាដើម្បីដោះស្រាយបញ្ហា ភាពជាប់គាំងនយោបាយក្នុងប្រទេសកម្ពុជា។
ក្រោយពីកិច្ចប្រជុំរយៈពេលជិតមួយម៉ោងមេដឹកនាំគណបក្សទាំងពីរ មិនទាន់បានកំណត់របៀបវារៈនិងការកំណត់ជួបគ្នាលើកក្រោយនៅពេល ណាទេ។
លោក គល់ បញ្ញា នាយកប្រតិបត្តិអង្គការឃ្លាំមើលដំណើរការបោះឆ្នោតមួយឈ្មោះ ខុមហ្រ្វែលមានប្រសាសន៍ថាបើទោះបីជាជំនួបមិនបានលទ្ធផលក៏ដោយក៏នេះ បង្ហាញថាគណបក្សទាំងពីរបានបង្កើតនូវវប្បធម៌ការអត់អោនឱ្យគ្នា ដែលមានសារៈសំខាន់សម្រាប់ប្រយោជន៍ដល់ប្រទេសជាតិ។
លោកមានប្រសាសន៍ថាគណបក្សទាំងពីរគួរតែកំណត់ពេលឱ្យបានច្បាស់ថាតើគួរជួបគ្នាមួយសប្តាហ៍ ឬ ក៏មួយខែម្តង។
លោកនិយាយថា៖ «ការសន្ទនាគួរតែមានពេលវេលាឱ្យច្បាស់លាស់ហើយមានកំណត់ហេតុ អញ្ចឹងទៅ។ កត់ត្រាតាមមើលការសម្រេច ការជជែកគ្នាការផ្តល់សិទ្ធិដំណោះស្រាយណាមួយសម្រាប់ប្រទេសជាតិ។»
គណបក្សប្រជាជនកម្ពុជានិងគណបក្សសង្គ្រោះជាតិកាលពីថ្ងៃទី២២ ខែកក្កដាឆ្នាំ២០១៤បានព្រមព្រៀងគ្នាថានិងបញ្ចប់វិបត្តិនយោបាយនិង សន្យាថាបង្កើតស្ថាប័នគជបថ្មីដោយឯករាជ្យនិងអាចទទួលយកបានពីគ្រប់ ភាគីទាំងអស់។
ជាថ្នូរនឹងកិច្ចព្រមព្រៀងថ្ងៃទី២២ខែកក្កដានេះគណបក្សសង្គ្រោះ ជាតិបានសុខចិត្តចូលរួមប្រជុំសភាដើម្បីបំពេញភាពស្របច្បាប់ដល់ រដ្ឋាភិបាលអណត្តិទី៥នេះ។ ក៏ប៉ុន្តែក្រោយពីបានស្បថចូលកាន់មុខតំណែងមិនបាន៥ខែផងសង្គ្រាម ពាក្យសម្តីគ្នាបានកើតឡើងសារជាថ្មី។
លោកនាយករដ្ឋមន្ត្រីហ៊ុន សែនបានព្រមានថានឹងបញ្ចប់រាល់ជំនួបថ្នាក់កំពូលទាំងអស់រវាង គណបក្សទាំងពីរដើម្បីជាការឆ្លើយតបនឹងការរិះគន់ពីលោក កឹម សុខា អនុប្រធានគណបក្សសង្គ្រោះជាតិដែលបានរិះគន់ឥតសំចៃទៅលើរបបគ្រប់ គ្រងរយៈពេល៣០ឆ្នាំដោយគណបក្សប្រជាជនកម្ពុជា៕
No comments:
Post a Comment