រដ្ឋាភិបាល កម្ពុជា បណ្តេញសកម្មជន ការពារបរិស្ថាន ចេញពីប្រទេស
VOA / វីអូអេ | ២៣
កុម្ភៈ ២០១៥
ភ្នំពេញ— សកម្មជន ការពារបរិស្ថាន
តំបន់អារ៉ែង ជនជាតិ អេស្ប៉ាញ
ត្រូវ បានបណ្តេញចេញ ពីប្រទេស កម្ពុជា នៅយប់ ថ្ងៃច័ន្ទនេះ
ក្រោយពីត្រូវ ចាប់ខ្លួន នៅក្នុងថ្ងៃច័ន្ទ នេះដែរ។
ការចាប់ខ្លួននេះ ធ្វើឡើង ប៉ុន្មានម៉ោង ក្រោយពីមាន បញ្ជា ពីលោក នាយក
រដ្ឋមន្ត្រី ហ៊ុន សែន។
ប៉ូលីស ក្រសួង មហាផ្ទៃ បានឃាត់ខ្លួន សកម្មជន ការពារបរិស្ថាន តំបន់ អារ៉ែង លោកAlex Gonzalez Davidson នៅរសៀល ថ្ងៃច័ន្ទនេះ ក្រោយពីទិដ្ឋាការ របស់លោក ផុតសុពលភាព បានចំនួន បីថ្ងៃ។
លោក នាយឧត្តមសេនីយ៍ ខៀវ សុភ័គ អ្នកនាំពាក្យ ក្រសួង មហាផ្ទៃ មានប្រសាសន៍ ថា, សកម្មជន បរិស្ថាន រូបនេះ អាច នឹងត្រូវ បញ្ជូនចេញ ពីប្រទេសកម្ពុជា នៅថ្ងៃ ដដែលនេះ។
«យើង បានប្រើប្រាស់ វិធានការ រដ្ឋបាល, វិធានការ ពីនោះ ច្រើនហើយ។ នេះ គឺ ជាការអនុវត្តច្បាប់ របស់ ប្រទេសមួយ ដែលមាន អធិបតេយ្យភាព ដែលមាន មោទនភាព ទឹកដី, ហើយ ដូចបណ្តាប្រទេស ផ្សេងៗ។ ចឹង មិនចំពោះ អ្នកណា មានឋានៈ អ្វីទេ កាលណា ផុតទិដ្ឋាការហើយ, ត្រូវតែ ចេញ (ពីប្រទេស ស្នាក់នៅ)។»
លោក Alex Gonzalez Davidson ប្រធានអង្គការមាតាធម្មជាតិត្រូវចាប់ខ្លួននៅក្នុងភោជនីយដ្ឋានមួយ ក្បែរមាត់ទន្លេ ម្តុំផ្សារចាស់ ខ័ណ្ឌដូនពេញ។ លោកត្រូវបញ្ជូនខ្លួនភ្លាមៗទៅកាន់នាយកដ្ឋានអន្តោប្រវេសន៍នៃក្រសួង មហាផ្ទៃដែលមានទីតាំងនៅមុខអាកាសយានដ្ឋានអន្តរជាតិក្រុងភ្នំពេញ។
ការចាប់ខ្លួនសកម្មជនបរិស្ថានរូបនេះធ្វើឡើងប៉ុន្មានម៉ោង ប៉ុណ្ណោះក្រោយពីលោកនាយករដ្ឋមន្ត្រីហ៊ុន សែន ប្រតិកម្មដោយមិនបញ្ចេញឈ្មោះចំៗលើលោកអាឡិកនិងប្រតិកម្មចំពោះការ ស្វែងរកអន្តរាគមរបស់គណបក្សជំទាស់រួមទាំងប្រតិកម្មរបស់សង្គមស៊ីវិល ដើម្បីគាំពារឲ្យលោកអាឡិកអាចបន្តស្នាក់នៅកម្ពុជាបន្តទៀត។ការ បញ្ចេញប្រតិកម្មរបស់ប្រមុខរដ្ឋាភិបាលដែលទំនងជាបង្កប់ដោយការដាក់ បញ្ជាផងដែរ។
«ក្រសួងមហាផ្ទៃ គេ ទន់ភ្លន់ អស់ប៉ុណ្ណឹងហើយ។ ដូច្នេះ យើង ចេញ( ពីប្រទសកម្ពុជា) សិនទៅ, រួចហើយ ចំត្រឡប់ មកវិញ។ មានទៅ ទាស់ខុសអី។ ចាំបាច់បង្កើត ឲ្យមាន ស្ថានភាព បែបនេះ ធ្វើអ្វី? ស្ថានភាព បែបនេះ គឺ បានសេចក្តី ថា, កាលណា គេ បណ្តេញចេញហើយ ត្រូវ ចូល ក្នុងបញ្ជីខ្មៅ, គឺ ចប់ហើយ។ ឯកឧត្តម ស ខេង មុខជាធ្វើ ភារកិច្ច របស់ គាត់ហើយ។ តាមដឹង។»
លោកAlex Gonzalez Davidson ជាជនជាតិអេស្ប៉ាញ ដែលនិយាយភាសាខ្មែរយ៉ាងស្ទាត់ជំនាញ។ក្រសួងមហាផ្ទៃរបស់ប្រទេស កម្ពុជាបានបដិសេធផ្តល់ទិដ្ឋាការថ្មីដល់រូបលោកនៅពេលដែលទិដ្ឋាការ ចាស់របស់លោកផុតកំណត់នៅថ្ងៃទី២០ខែកុម្ភៈ។ ហើយការបដិសេធនេះក្រោយពីលោកដឹកនាំឲ្យមានការប្រឆាំងតវ៉ាទល់ នឹងការសាងសង់ទំនប់វារីអគ្គិសនីនៅស្ទឹងអារ៉ែងដែលវិនិយោគដោយ ក្រុមហ៊ុន Sinohydro របស់ប្រទេសចិន។
លោក អាឡិក បានមករស់នៅប្រទេសកម្ពុជាអស់រយៈពេល១២ឆ្នាំហើយ។ លោកបានធ្វើសកម្មភាពជាច្រើនដើម្បីការពារតំបន់អារ៉ែងដែលលោកអះអាង ថា គឺជាជង្រុកធនធានធម្មជាតិនិងជីវចម្រុះធំបំផុតចុងក្រោយគេនៅ តំបន់អាស៊ី។
អ្នកបរិស្ថានរូបនេះមិនព្រមចាកចេញពីប្រទេសកម្ពុជាដោយបានដាក់ ការខ្លួនជាជនជាតិខ្មែរនិងដើម្បីការគាំទ្រដល់ការការពារធនធាន ធម្មជាតិនៅតំបន់អារ៉ែង។
លោក អំ សំអាត ប្រធានគ្រប់គ្រងបច្ចេកទេសស៊ើបអង្កេតរបស់អង្គការការពារសិទ្ធិ មនុស្សលីកាដូ បានសម្តែងការសោកស្តាយចំពោះការចាប់ខ្លួនសកម្មជនតំបន់អារ៉េងរូប នេះ។
«យើង មានការសោកស្តាយ ខ្លាំងណាស់ ចំពោះ ការចាប់ខ្លួន អាឡិកនេះ។»
យោងតាមលោកនាយឧត្តមសេនីយ៍ ខៀវ សុភគ័ អ្នកនាំពាក្យក្រសួងមហាផ្ទៃ លោក Alex Gonzalez Davidson ប្រហែលជាមិនអាចវិលត្រឡប់មកកាន់ប្រទេសកម្ពុជាវិញបានទេដោយសារតែ កម្ពុជានឹងដាក់រូបលោកក្នុងបញ្ជីខ្មៅ។
សូមបញ្ជាក់ថា ក្នុងការចាប់ខ្លួននេះសហការីម្នាក់របស់លោកអាឡិកក៏ត្រូវនាំ ខ្លួនទៅកាន់នាយកដ្ឋានជនអន្តោប្រវេសន៍ផងដែរ៕
ប៉ូលីស ក្រសួង មហាផ្ទៃ បានឃាត់ខ្លួន សកម្មជន ការពារបរិស្ថាន តំបន់ អារ៉ែង លោកAlex Gonzalez Davidson នៅរសៀល ថ្ងៃច័ន្ទនេះ ក្រោយពីទិដ្ឋាការ របស់លោក ផុតសុពលភាព បានចំនួន បីថ្ងៃ។
លោក នាយឧត្តមសេនីយ៍ ខៀវ សុភ័គ អ្នកនាំពាក្យ ក្រសួង មហាផ្ទៃ មានប្រសាសន៍ ថា, សកម្មជន បរិស្ថាន រូបនេះ អាច នឹងត្រូវ បញ្ជូនចេញ ពីប្រទេសកម្ពុជា នៅថ្ងៃ ដដែលនេះ។
«យើង បានប្រើប្រាស់ វិធានការ រដ្ឋបាល, វិធានការ ពីនោះ ច្រើនហើយ។ នេះ គឺ ជាការអនុវត្តច្បាប់ របស់ ប្រទេសមួយ ដែលមាន អធិបតេយ្យភាព ដែលមាន មោទនភាព ទឹកដី, ហើយ ដូចបណ្តាប្រទេស ផ្សេងៗ។ ចឹង មិនចំពោះ អ្នកណា មានឋានៈ អ្វីទេ កាលណា ផុតទិដ្ឋាការហើយ, ត្រូវតែ ចេញ (ពីប្រទេស ស្នាក់នៅ)។»
លោក Alex Gonzalez Davidson ប្រធានអង្គការមាតាធម្មជាតិត្រូវចាប់ខ្លួននៅក្នុងភោជនីយដ្ឋានមួយ ក្បែរមាត់ទន្លេ ម្តុំផ្សារចាស់ ខ័ណ្ឌដូនពេញ។ លោកត្រូវបញ្ជូនខ្លួនភ្លាមៗទៅកាន់នាយកដ្ឋានអន្តោប្រវេសន៍នៃក្រសួង មហាផ្ទៃដែលមានទីតាំងនៅមុខអាកាសយានដ្ឋានអន្តរជាតិក្រុងភ្នំពេញ។
ការចាប់ខ្លួនសកម្មជនបរិស្ថានរូបនេះធ្វើឡើងប៉ុន្មានម៉ោង ប៉ុណ្ណោះក្រោយពីលោកនាយករដ្ឋមន្ត្រីហ៊ុន សែន ប្រតិកម្មដោយមិនបញ្ចេញឈ្មោះចំៗលើលោកអាឡិកនិងប្រតិកម្មចំពោះការ ស្វែងរកអន្តរាគមរបស់គណបក្សជំទាស់រួមទាំងប្រតិកម្មរបស់សង្គមស៊ីវិល ដើម្បីគាំពារឲ្យលោកអាឡិកអាចបន្តស្នាក់នៅកម្ពុជាបន្តទៀត។ការ បញ្ចេញប្រតិកម្មរបស់ប្រមុខរដ្ឋាភិបាលដែលទំនងជាបង្កប់ដោយការដាក់ បញ្ជាផងដែរ។
«ក្រសួងមហាផ្ទៃ គេ ទន់ភ្លន់ អស់ប៉ុណ្ណឹងហើយ។ ដូច្នេះ យើង ចេញ( ពីប្រទសកម្ពុជា) សិនទៅ, រួចហើយ ចំត្រឡប់ មកវិញ។ មានទៅ ទាស់ខុសអី។ ចាំបាច់បង្កើត ឲ្យមាន ស្ថានភាព បែបនេះ ធ្វើអ្វី? ស្ថានភាព បែបនេះ គឺ បានសេចក្តី ថា, កាលណា គេ បណ្តេញចេញហើយ ត្រូវ ចូល ក្នុងបញ្ជីខ្មៅ, គឺ ចប់ហើយ។ ឯកឧត្តម ស ខេង មុខជាធ្វើ ភារកិច្ច របស់ គាត់ហើយ។ តាមដឹង។»
លោកAlex Gonzalez Davidson ជាជនជាតិអេស្ប៉ាញ ដែលនិយាយភាសាខ្មែរយ៉ាងស្ទាត់ជំនាញ។ក្រសួងមហាផ្ទៃរបស់ប្រទេស កម្ពុជាបានបដិសេធផ្តល់ទិដ្ឋាការថ្មីដល់រូបលោកនៅពេលដែលទិដ្ឋាការ ចាស់របស់លោកផុតកំណត់នៅថ្ងៃទី២០ខែកុម្ភៈ។ ហើយការបដិសេធនេះក្រោយពីលោកដឹកនាំឲ្យមានការប្រឆាំងតវ៉ាទល់ នឹងការសាងសង់ទំនប់វារីអគ្គិសនីនៅស្ទឹងអារ៉ែងដែលវិនិយោគដោយ ក្រុមហ៊ុន Sinohydro របស់ប្រទេសចិន។
លោក អាឡិក បានមករស់នៅប្រទេសកម្ពុជាអស់រយៈពេល១២ឆ្នាំហើយ។ លោកបានធ្វើសកម្មភាពជាច្រើនដើម្បីការពារតំបន់អារ៉ែងដែលលោកអះអាង ថា គឺជាជង្រុកធនធានធម្មជាតិនិងជីវចម្រុះធំបំផុតចុងក្រោយគេនៅ តំបន់អាស៊ី។
អ្នកបរិស្ថានរូបនេះមិនព្រមចាកចេញពីប្រទេសកម្ពុជាដោយបានដាក់ ការខ្លួនជាជនជាតិខ្មែរនិងដើម្បីការគាំទ្រដល់ការការពារធនធាន ធម្មជាតិនៅតំបន់អារ៉ែង។
លោក អំ សំអាត ប្រធានគ្រប់គ្រងបច្ចេកទេសស៊ើបអង្កេតរបស់អង្គការការពារសិទ្ធិ មនុស្សលីកាដូ បានសម្តែងការសោកស្តាយចំពោះការចាប់ខ្លួនសកម្មជនតំបន់អារ៉េងរូប នេះ។
«យើង មានការសោកស្តាយ ខ្លាំងណាស់ ចំពោះ ការចាប់ខ្លួន អាឡិកនេះ។»
យោងតាមលោកនាយឧត្តមសេនីយ៍ ខៀវ សុភគ័ អ្នកនាំពាក្យក្រសួងមហាផ្ទៃ លោក Alex Gonzalez Davidson ប្រហែលជាមិនអាចវិលត្រឡប់មកកាន់ប្រទេសកម្ពុជាវិញបានទេដោយសារតែ កម្ពុជានឹងដាក់រូបលោកក្នុងបញ្ជីខ្មៅ។
សូមបញ្ជាក់ថា ក្នុងការចាប់ខ្លួននេះសហការីម្នាក់របស់លោកអាឡិកក៏ត្រូវនាំ ខ្លួនទៅកាន់នាយកដ្ឋានជនអន្តោប្រវេសន៍ផងដែរ៕
No comments:
Post a Comment