សមត្ថកិច្ច ស្រុកកោះធំ រារាំង ក្រុមតំណាងរាស្ត្រ បក្សប្រឆាំង មិន ឲ្យទៅមើល ព្រំដែន
សមត្ថកិច្ចការពារព្រំដែននៅស្រុកកោះធំ ខេត្តកណ្ដាល រារាំងតំណាងរាស្ត្រ និងពលរដ្ឋមិនឲ្យចូលទៅមើលព្រំដែន នៅព្រឹកថ្ងៃទី២០ ខែមិថុនា ឆ្នាំ២០១៥។
RFA/Rann Samnang
ទីតាំង តំបន់ហាមឃាត់ ដែលរដ្ឋាភិបាល និងពលរដ្ឋ អះអាងថា, វៀតណាម ត្រៀមធ្វើប៉ុស្តិ៍។
អ្នកតំណាងរាស្ត្រ គណបក្សសង្គ្រោះជាតិ យុវជន និងប្រជាពលរដ្ឋប្រមាណ ២០០នាក់ នាំគ្នាទៅពិនិត្យមើលស្ថានភាពព្រំដែននៅតំបន់ព្រែកស្បូវ ឃុំសំពៅពូន ស្រុកកោះធំ ខេត្តកណ្ដាល នៅថ្ងៃទី២០ មិថុនា។ ប៉ុន្តែមុននឹងបានទៅដល់តំបន់ព្រំដែនដែលកំពុងមានបញ្ហារវាង អាជ្ញាធរវៀតណាម-កម្ពុជា នៅតំបន់នោះ ត្រូវសមត្ថកិច្ចការពារព្រំដែនរារាំងជាច្រើនកន្លែង។
ក្រុមតំណាងរាស្ត្រ យុវជន និងពលរដ្ឋ នាំគ្នាចុះពិនិត្យតំបន់ព្រំដែន និងការសាងសង់ប៉ុស្តិ៍យាមរបស់វៀតណាម ដែលរដ្ឋាភិបាល និងពលរដ្ឋអះអាងថា សាងសង់នៅតំបន់ស ឬតំបន់ហាមឃាត់។
មូលហេតុដែលក្រុមសមត្ថកិច្ចរារាំងមិនឲ្យក្រុមតំណាងរាស្ត្រ យុវជន និងពលរដ្ឋចូលទៅតំបន់ព្រំដែននេះ ដោយសារថា រដ្ឋាភិបាលកំពុងដោះស្រាយបញ្ហានេះហើយ ហើយមិនចង់ឲ្យមានអ្នករំខានការងាររដ្ឋាភិបាល។ ខាងសមត្ថកិច្ចក៏បានទាមទារមើលលិខិតបញ្ជាក់បេសកកម្មរបស់រដ្ឋាភិបាល ឬសភាជាតិ ពីតំណាងរាស្ត្របក្សប្រឆាំងផងដែរ។
No comments:
Post a Comment