លោក កឹម សុខា អះអាង ថា, សកម្មជន របស់លោក ទាំង១១នាក់ នឹងអាច រួចខ្លួន ពីពន្ធនាគារ
RFA / វិទ្យុ អាស៊ី សេរី | ២៧ កក្កដា ២០១៥
លោក កឹម សុខា ប្រធានស្ដីទីគណបក្សសង្គ្រោះជាតិ
និងក្រុមការងារ ទៅសួរសុខទុក្ខសកម្មជន១១នាក់ នៅពន្ធនាគារព្រៃស
នៅថ្ងៃទី២៧ ខែកក្កដា ឆ្នាំ២០១៥។ RFA/Brach Chev
ប្រធាន ស្ដីទី គណបក្ស សង្គ្រោះជាតិ លោក កឹម សុខា អះអាង ថា, សកម្មជន របស់លោក ទាំង១១នាក់ នឹងអាចរួចខ្លួន ពីការឃុំខ្លួន ក្នុងពន្ធនាគារ ដោយវិធី បីយ៉ាង។
ការអះអាង របស់លោក កឹម សុខា ធ្វើឡើង បន្ទាប់ ពីលោក និងក្រុមការងារ ទៅសួរសុខទុក្ខ សកម្មជន ទាំង១១នាក់ នៅពន្ធនាគារ ព្រៃ ស នៅព្រឹក ថ្ងៃទី២៧ កក្កដា។
វិធីដោះស្រាយ ទាំងនោះ រួមមាន៖ ទី១, ការតតាំង តាមផ្លូវច្បាប់ ដោយប្ដឹង ទៅសាលាឧទ្ធរណ៍ ដើម្បី ប្រឆាំង នឹងការសម្រេចនេះ; ទី២, អនុវត្តកិច្ច ព្រមព្រៀង នយោបាយ ២២ កក្កដា ២០១៤; និងចុងក្រោយ ប្រើប្រាស់ វប្បធម៌សន្ទនា។
សកម្មជនបក្សសង្គ្រោះជាតិទាំង១១នាក់ មានលោក មាជ សុវណ្ណារ៉ា លោក អ៊ុក ពេជ្រសំណាងជាដើម ត្រូវបានតុលាការក្រុងភ្នំពេញដាក់ពន្ធនាគារចន្លោះពី៧ ទៅ២០ឆ្នាំ ពីបទដឹកនាំកុប្បកម្ម និងចូលរួមកុប្បកម្មដោយហិង្សានៅស្ពាននាគ ក្បែរទីលានប្រជាធិបតេយ្យ កាលពីថ្ងៃទី១៥ កក្កដា ឆ្នាំ២០១៤។
No comments:
Post a Comment