សន្នីសីទព័ត៌មាន អំពី បញ្ហាព្រំដែន កម្ពុជា-វៀតណាម មានការ ចម្រូងចម្រាស់ ចំណោមខ្មែរ
VOA / វីអូអេ | ២ កក្កដា ២០១៥
ភ្នំពេញ—សន្និសីទព័ត៌មាន មួយ ត្រូវ
បានធ្វើឡើង នៅថ្ងៃ ព្រហស្បតិ៍នេះ ដើម្បី បង្ហាញផែនទី
និងការបោះ បង្គោលព្រំដែន កម្ពុជា-វៀតណាម ដ៏ចម្រូងចម្រាស។
មន្ត្រី កម្ពុជា បានអះអាង ថា,
ពួកគេ បានប្រើប្រាស់ ផែនទី ដែលបានតម្កល់ នៅអង្គការ សហប្រជាជាតិ។
លោក វ៉ា គឹមហុង ប្រធាន គណៈកម្មការ ចម្រុះ កិច្ចការ ព្រំដែន កម្ពុជា
បានអះអាង សារជាថ្មី នៅព្រឹក ថ្ងៃព្រហស្បតិ៍នេះ ថា, មិនមាន ការបាត់បង់ ទឹកដី ទៅភាគី វៀតណាម នោះទេ
ដោយគណៈកម្មការ កម្ពុជា បានប្រើប្រាស់ ផែនទី ដែលតម្កល់ នៅអង្គការ
សហប្រជាជាតិ។
ថ្លែងនៅក្នុងសន្និសីទព័ត៌មានពិសេស ដែលមានរយៈពេលជាង២ម៉ោង ដោយមានការចូលរួមពីតំណាងរាស្រ្តគណបក្សជំទាស់ពីររូបគឺលោក រៀល ខេមរិន្ទ និងលោក អ៊ុំ សំអាន ដែលបានចុះទៅពិនិត្យព្រំដែននាខេត្តស្វាយរៀង កាលពីសប្តាហ៍មុនផងដែរ លោក វ៉ា គឹមហុង បានបង្ហាញផែនទីដែលគណៈកម្មការចម្រុះព្រំដែនគោកកម្ពុជាបាន ប្រើប្រាស់បោះបង្គោលព្រំដែនជាមួយប្រទេសវៀតណាមជាលើកដំបូងបង្អស់។
មន្រ្តី
ជំនាញនៃគណៈកម្មការព្រំដែនចម្រុះកិច្ចការព្រំដែនកម្ពុជា
បង្ហាញទីតាំងនៃតំបន់ដែលមានការផ្ទុះ
អំពើហិង្សាក្បែរព្រំដែនកម្ពុជានិងវៀតណាមក្នុងខេត្តស្វាយរៀងកាលពី
ថ្ងៃអាទិត្យសប្តាហ៍មុន
នៅក្នុងសន្និសីទកាសែតដែលបង្ហាញផែនទីដែលប្រើបោះសម្រាប់បង្គោល
ព្រំដែន នៅឯទីស្តីការគណៈរដ្ឋមន្រ្តី កាលពីថ្ងៃទី២ ខែកក្កដា
ឆ្នាំ២០១៥។ (នៅ វណ្ណារិន/VOA)
លោក បានលើកឡើង ថា, ផែនទី ដែលកម្ពុជា កំពុងប្រើប្រាស់
គឺបានបន្សល់ទុកពីសម័យសង្គមរាស្ត្រនិយមរបស់ព្រះបរមរតនកោដ្ឋ
នរោត្តម សីហនុ
ដែលបានតម្កល់ទុកនៅក្នុងអតីតវិទ្យាស្ថានជាតិភូមិសាស្ត្រ
ដែលមាន២៦កំណាត់ដូចគ្នានឹងផែនទីដែលបានតម្កល់ទុកនៅអង្គការសហ
ប្រជាជាតិនោះ។ លោកក៏បានបញ្ជាក់ថា
គណៈកម្មការរបស់លោកក៏បានថតចម្លងផែនទីដែលតម្កល់នៅអង្គការសហ
ប្រជាជាតិផងដែរ
ដើម្បីផ្ទៀងផ្ទាត់ក្នុងដំណើរការបោះបង្គោលព្រំដែនជាមួយប្រទេស
វៀតណាម។
«មិនមែនថា យើងមិនមានទេ។ យើងមាន គ្រាន់តែថា យើងចង់ទុកកិច្ចការហ្នឹងឲ្យយើងធ្វើទៅតាមផែនទី ដែលយើងមាន។ នៅក្នុងហ្នឹង យើងដឹងថា ផែនទី២៦ផ្ទាំរបស់ក្រុមប្រឹក្សាឥណ្ឌូចិនហ្នឹង វាអត់ខុសគ្នាទេ ព្រោះយើងបានមើលទាំងផែនទីភូមិសាស្ត្រកម្ពុជា និងឥណ្ឌូចិន បន្ទាប់ពីយើងបានឯករាជ្យ ឬក៏ជំនាន់បារាំង។ ជំនាន់បារាំងក៏បោះពុម្ពនៅយើងនឹងឯង គ្រាន់តែថា edition Cambodge edition Laos ឬ edition ឥណ្ឌូចិន។ វាមានបី editions តែវាដូចគ្នានោះទេ។»
លោក វ៉ា គឹមហុង ប្រធានគណៈកម្មការចម្រុះកិច្ចការព្រំដែនកម្ពុជា បានលើកឡើងដដែលៗថា កម្ពុជាមិនមានការបាត់បង់ទឹកដីអ្វីនោះទេ បើទោះជាមានក្តីបារម្ភ និងកំណត់ទូតជាច្រើនលើកតវ៉ានឹងការជីកស្រះ ប៉ុសិ៍្តយាម និងសណ្តាញធារាសាស្ត្រពីសំណាក់ភាគីវៀតណាមនោះក៏ដោយ។
«អានឹងគឺវាត្រឹមត្រូវទាំងអស់ អត់មានបាត់នោះទេ។ បាត់ទៅឯណា? តែគឺគ្រាន់តែគេរំលោភកិច្ចព្រមព្រៀងហ្នឹង។ យើងមានឧទាហរណ៍ច្រើនណាស់ ដូចបញ្ហាព្រំដែនជាមួយថៃអញ្ចឹង។»
សន្និសីទពិសេសដើម្បីបង្ហាញផែនទីនេះបានធ្វើឡើងប៉ុន្មានថ្ងៃ ប៉ុណ្ណោះ ក្រោយពេលដែលគណបក្សជំទាស់បានលើកឡើងពីការបាត់បង់ទឹកដីកម្ពុជា និងភាពមិនប្រក្រតីជុំវិញការបោះបង្គោលព្រំដែនកម្ពុជាវៀតណាម។
កាលពីថ្ងៃអាទិត្យកន្លងទៅ យ៉ាងហោចណាស់មានមនុស្ស១០នាក់បានរងរបួស បន្ទាប់ពីមានការប៉ះទង្គិចគ្នារវាងក្រុមអ្នកតំណាងរាស្រ្តមកពី គណបក្សសង្គ្រោះជាតិ ដែលបានព្យាយាមទៅពិនិត្យមើលចំណុចព្រំដែនដែលសង្ស័យថា មានភាពមិនប្រក្រតីនោះ។ ប៉ុន្តែត្រូវបានរារាំងដោយឆ្មាំព្រំដែន និងពលរដ្ឋវៀតណាមប្រដាប់ដោយដំបង និងកាំភ្លើង AK-47។
ការធ្វើសន្និសីទព័ត៌មានបង្ហាញផែនទីជាចំហនៅព្រឹកថ្ងៃសុក្រនេះ បានប្រែទៅជាមានសភាពតានតឹង និងរឹតត្បិត បន្ទាប់ពីតំណាងរាស្ត្រគណបក្សជំទាស់ប្រចាំខេត្តស្វាយរៀង គឺលោក រៀល ខេមរិន្ទ្រ បានលើកការព្រួយបារម្ភបាត់បង់ទឹកដីកម្ពុជា និងបានលើកពីអំពើហិង្សាមកលើរូបខ្លួនកាលពីថ្ងៃអាទិត្យនោះ។
លោក និយាយថា៖ «ខណៈពេលដែលលោក ខៀវ សុភ័គ អ្នកនាំពាក្យក្រសួងមហាផ្ទៃ បានអះអាងថា តំបន់នោះគឺនៅជាតំបន់ប្រទាញប្រទង់នៅឡើយ ចុះហេតុអីបានជាទាហានយួន ប្រជាជនយួនមកវាយខ្មែរនៅតំបន់ខ្មែរកាន់កាប់។»
លោក វ៉ា គឹមហុង ទទួសស្គាល់ថា វៀតណាមបានធ្វើស្រែលើទឹកដីកម្ពុជា ក៏ប៉ុន្តែតំបន់នោះនៅមិនទាន់បានដោះស្រាយនៅឡើយនោះទេ។ លោកបានហៅការលើករឿងព្រំដែនរបស់គណបក្សជំទាស់ថា ជាការកេងចំណេញនយោបាយ និងប្រជាប្រិយភាពរបស់ខ្លួន។
«អត់ មានទេ។ យើង កំពុងចរចា។ ក៏ប៉ុន្តែ កន្លែងនេះ, យើង ដឹងថា, វៀតណាម បានធ្វើស្រែ ចូលដីយើង, ធ្វើ យូរហើយ។ តាមគោលការណ៍ ថ្ងៃទី១៧ មករា ឆ្នាំ១៩៩៥, អ្នកណា ធ្វើនៅ ទីណា គឺ នៅទីហ្នឹង; អត់ មានទៅ ឲ្យគេ នោះទេ លើកលែងតែ យើង បោះបង្គោល ខណ្ឌព្រំសីមារួច, ធ្វើបែបបទ បចេ្ចកទេសហើយ ទើប គេ ប្រគល់ដី នឹងមក ឲ្យយើងវិញ។»
លោក
អ៊ុំ សំអាត តំណាងរាស្រ្តគណបក្សសង្គ្រោះជាតិ
សួរដេញដោលអំពីបញ្ហាព្រំដែន
នៅក្នុងសន្និសីទកាសែតដែលបង្ហាញផែនទីដែលប្រើបោះសម្រាប់បង្គោល
ព្រំដែន នៅឯទីស្តីការគណៈរដ្ឋមន្រ្តី កាលពីថ្ងៃទី២ ខែកក្កដា
ឆ្នាំ២០១៥។ (នៅ វណ្ណារិន/VOA)
បើ ទោះជា មានការ បកស្រាយ យ៉ាងនេះ ក៏ដោយ ក៏លោក អ៊ុំ សំអាន
តំណាងរាស្រ្ត គណបក្ស សង្គ្រោះជាតិ នៅតែ មានក្តីសង្ស័យ ចំពោះ បញ្ហាព្រំដែន ដដែល។ ក្រោយពី សន្និសីទព័ត៌មាននោះ,
លោក បានប្រាប់ អ្នកសារព័ត៌មាន ថា, លោក នៅតែ មានការសង្ស័យ
និងឃើញ ចំណុច មិនប្រក្រតី ជាច្រើន លើផែនទី ដែលបាន បង្ហាញនោះ។
«ខ្ញុំ បានកត់សម្គាល់ ពីរចំណុច គឺ ផែនទី ដែលយួន គូស នាឆ្នាំ១៩៨៤ ដល់ឆ្នាំ១៩៨៥ ទើប យួន ធ្វើសន្ធិសញ្ញា ឆ្នាំ១៩៨៥, ហើយ មកដល់ ឆ្នាំ២០០៥ហ្នឹង ទើប រដ្ឋសភា ធ្វើសេចក្តី អនុម័ត លើសន្ធិសញ្ញា បន្ថែមឆ្នាំ២០០៥។» នេះបើតាមការលើកឡើងរបស់លោក អ៊ុំ សំអាន មុនពេលក្រុមសន្តិសុខនៃទីស្តីការគណៈរដ្នមន្ត្រីធ្វើការបណ្តេញ អ្នកយកព័ត៌មាន និងហាមឃាត់មិនឲ្យអ្នកតំណាងរាស្រ្តគណបក្សជំទាស់ផ្តល់កិច្ច សម្ភាសន៍ដល់អ្នកយកព័ត៌មាននោះ។
នេះគឺជាលើកទីពីរហើយក្នុងរយៈពេលពីរថ្ងៃជាប់គ្នា ដែលមន្ត្រីគណបក្សកាន់ អំណាចធ្វើការបណ្តេញតំណាងរាស្រ្តរបស់គណបក្សជំទាស់ចេញពីស្ថាប័ន សាធារណៈ និងមិនអនុញ្ញាតឲ្យមានការផ្តល់បទបទសម្ភាសន៍៕
ថ្លែងនៅក្នុងសន្និសីទព័ត៌មានពិសេស ដែលមានរយៈពេលជាង២ម៉ោង ដោយមានការចូលរួមពីតំណាងរាស្រ្តគណបក្សជំទាស់ពីររូបគឺលោក រៀល ខេមរិន្ទ និងលោក អ៊ុំ សំអាន ដែលបានចុះទៅពិនិត្យព្រំដែននាខេត្តស្វាយរៀង កាលពីសប្តាហ៍មុនផងដែរ លោក វ៉ា គឹមហុង បានបង្ហាញផែនទីដែលគណៈកម្មការចម្រុះព្រំដែនគោកកម្ពុជាបាន ប្រើប្រាស់បោះបង្គោលព្រំដែនជាមួយប្រទេសវៀតណាមជាលើកដំបូងបង្អស់។
«មិនមែនថា យើងមិនមានទេ។ យើងមាន គ្រាន់តែថា យើងចង់ទុកកិច្ចការហ្នឹងឲ្យយើងធ្វើទៅតាមផែនទី ដែលយើងមាន។ នៅក្នុងហ្នឹង យើងដឹងថា ផែនទី២៦ផ្ទាំរបស់ក្រុមប្រឹក្សាឥណ្ឌូចិនហ្នឹង វាអត់ខុសគ្នាទេ ព្រោះយើងបានមើលទាំងផែនទីភូមិសាស្ត្រកម្ពុជា និងឥណ្ឌូចិន បន្ទាប់ពីយើងបានឯករាជ្យ ឬក៏ជំនាន់បារាំង។ ជំនាន់បារាំងក៏បោះពុម្ពនៅយើងនឹងឯង គ្រាន់តែថា edition Cambodge edition Laos ឬ edition ឥណ្ឌូចិន។ វាមានបី editions តែវាដូចគ្នានោះទេ។»
លោក វ៉ា គឹមហុង ប្រធានគណៈកម្មការចម្រុះកិច្ចការព្រំដែនកម្ពុជា បានលើកឡើងដដែលៗថា កម្ពុជាមិនមានការបាត់បង់ទឹកដីអ្វីនោះទេ បើទោះជាមានក្តីបារម្ភ និងកំណត់ទូតជាច្រើនលើកតវ៉ានឹងការជីកស្រះ ប៉ុសិ៍្តយាម និងសណ្តាញធារាសាស្ត្រពីសំណាក់ភាគីវៀតណាមនោះក៏ដោយ។
«អានឹងគឺវាត្រឹមត្រូវទាំងអស់ អត់មានបាត់នោះទេ។ បាត់ទៅឯណា? តែគឺគ្រាន់តែគេរំលោភកិច្ចព្រមព្រៀងហ្នឹង។ យើងមានឧទាហរណ៍ច្រើនណាស់ ដូចបញ្ហាព្រំដែនជាមួយថៃអញ្ចឹង។»
សន្និសីទពិសេសដើម្បីបង្ហាញផែនទីនេះបានធ្វើឡើងប៉ុន្មានថ្ងៃ ប៉ុណ្ណោះ ក្រោយពេលដែលគណបក្សជំទាស់បានលើកឡើងពីការបាត់បង់ទឹកដីកម្ពុជា និងភាពមិនប្រក្រតីជុំវិញការបោះបង្គោលព្រំដែនកម្ពុជាវៀតណាម។
កាលពីថ្ងៃអាទិត្យកន្លងទៅ យ៉ាងហោចណាស់មានមនុស្ស១០នាក់បានរងរបួស បន្ទាប់ពីមានការប៉ះទង្គិចគ្នារវាងក្រុមអ្នកតំណាងរាស្រ្តមកពី គណបក្សសង្គ្រោះជាតិ ដែលបានព្យាយាមទៅពិនិត្យមើលចំណុចព្រំដែនដែលសង្ស័យថា មានភាពមិនប្រក្រតីនោះ។ ប៉ុន្តែត្រូវបានរារាំងដោយឆ្មាំព្រំដែន និងពលរដ្ឋវៀតណាមប្រដាប់ដោយដំបង និងកាំភ្លើង AK-47។
ការធ្វើសន្និសីទព័ត៌មានបង្ហាញផែនទីជាចំហនៅព្រឹកថ្ងៃសុក្រនេះ បានប្រែទៅជាមានសភាពតានតឹង និងរឹតត្បិត បន្ទាប់ពីតំណាងរាស្ត្រគណបក្សជំទាស់ប្រចាំខេត្តស្វាយរៀង គឺលោក រៀល ខេមរិន្ទ្រ បានលើកការព្រួយបារម្ភបាត់បង់ទឹកដីកម្ពុជា និងបានលើកពីអំពើហិង្សាមកលើរូបខ្លួនកាលពីថ្ងៃអាទិត្យនោះ។
លោក និយាយថា៖ «ខណៈពេលដែលលោក ខៀវ សុភ័គ អ្នកនាំពាក្យក្រសួងមហាផ្ទៃ បានអះអាងថា តំបន់នោះគឺនៅជាតំបន់ប្រទាញប្រទង់នៅឡើយ ចុះហេតុអីបានជាទាហានយួន ប្រជាជនយួនមកវាយខ្មែរនៅតំបន់ខ្មែរកាន់កាប់។»
លោក វ៉ា គឹមហុង ទទួសស្គាល់ថា វៀតណាមបានធ្វើស្រែលើទឹកដីកម្ពុជា ក៏ប៉ុន្តែតំបន់នោះនៅមិនទាន់បានដោះស្រាយនៅឡើយនោះទេ។ លោកបានហៅការលើករឿងព្រំដែនរបស់គណបក្សជំទាស់ថា ជាការកេងចំណេញនយោបាយ និងប្រជាប្រិយភាពរបស់ខ្លួន។
«អត់ មានទេ។ យើង កំពុងចរចា។ ក៏ប៉ុន្តែ កន្លែងនេះ, យើង ដឹងថា, វៀតណាម បានធ្វើស្រែ ចូលដីយើង, ធ្វើ យូរហើយ។ តាមគោលការណ៍ ថ្ងៃទី១៧ មករា ឆ្នាំ១៩៩៥, អ្នកណា ធ្វើនៅ ទីណា គឺ នៅទីហ្នឹង; អត់ មានទៅ ឲ្យគេ នោះទេ លើកលែងតែ យើង បោះបង្គោល ខណ្ឌព្រំសីមារួច, ធ្វើបែបបទ បចេ្ចកទេសហើយ ទើប គេ ប្រគល់ដី នឹងមក ឲ្យយើងវិញ។»
«ខ្ញុំ បានកត់សម្គាល់ ពីរចំណុច គឺ ផែនទី ដែលយួន គូស នាឆ្នាំ១៩៨៤ ដល់ឆ្នាំ១៩៨៥ ទើប យួន ធ្វើសន្ធិសញ្ញា ឆ្នាំ១៩៨៥, ហើយ មកដល់ ឆ្នាំ២០០៥ហ្នឹង ទើប រដ្ឋសភា ធ្វើសេចក្តី អនុម័ត លើសន្ធិសញ្ញា បន្ថែមឆ្នាំ២០០៥។» នេះបើតាមការលើកឡើងរបស់លោក អ៊ុំ សំអាន មុនពេលក្រុមសន្តិសុខនៃទីស្តីការគណៈរដ្នមន្ត្រីធ្វើការបណ្តេញ អ្នកយកព័ត៌មាន និងហាមឃាត់មិនឲ្យអ្នកតំណាងរាស្រ្តគណបក្សជំទាស់ផ្តល់កិច្ច សម្ភាសន៍ដល់អ្នកយកព័ត៌មាននោះ។
នេះគឺជាលើកទីពីរហើយក្នុងរយៈពេលពីរថ្ងៃជាប់គ្នា ដែលមន្ត្រីគណបក្សកាន់ អំណាចធ្វើការបណ្តេញតំណាងរាស្រ្តរបស់គណបក្សជំទាស់ចេញពីស្ថាប័ន សាធារណៈ និងមិនអនុញ្ញាតឲ្យមានការផ្តល់បទបទសម្ភាសន៍៕
No comments:
Post a Comment