មន្ត្រី រដ្ឋាភិបាល និងបក្សប្រឆាំង ជំរុញ ឲ្យស៊ើបអង្កេត ការគំរាម សម្លាប់លោក សុខ ទូច
RFA / វិទ្យុ អាស៊ី សេរី | ៣០ សីហា ២០១៥
លោក បណ្ឌិត សុខ ទូច (រូបស្ដាំ)
ប្រធានក្រុមអ្នកស្រាវជ្រាវបញ្ហាព្រំដែន
និងជាប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា
និងក្រុមការងារ ផ្ទៀងផ្ទាត់ផែនទីដែលបានពីភាគីពាក់ព័ន្ធ
នៅរាជបណ្ឌិត្យសភាកម្ពុជា កាលពីថ្ងៃទី១១ ខែសីហា ឆ្នាំ២០១៥។ RFA/Tin Zakariya
មន្ត្រីរដ្ឋាភិបាល និងបក្សប្រឆាំង ចាត់ទុកការគំរាមសម្លាប់លោកបណ្ឌិត សុខ ទូច នៅលើបណ្ដាញសង្គមហ្វេសប៊ុក (Facebook) គឺជារឿងខុសច្បាប់។ កាលពីថ្ងៃទី២៩ ខែសីហា លោកបណ្ឌិត សុខ ទូច ត្រូវបានអ្នកលេងហ្វេសប៊ុកម្នាក់សរសេរគំរាមសម្លាប់ ដោយចោទប្រកាន់ថា លោកលក់ក្បាលឲ្យវៀតណាម ក្នុងរឿងព្រំដែន។ ករណីនេះ មន្ត្រីរដ្ឋាភិបាលចាត់ទុកថា ជាករណីព្រហ្មទណ្ឌ និងស្នើឲ្យមន្ត្រីនគរបាលស៊ើបអង្កេត និងស្វែងរកម្ចាស់បណ្ដាញសង្គមហ្វេសប៊ុកនោះមកផ្ដន្ទាទោសតាមច្បាប់។
ទាំងមន្ត្រីរដ្ឋាភិបាល និងមន្ត្រីបក្សប្រឆាំង សុទ្ធតែជំរុញឲ្យសមត្ថកិច្ចចាត់វិធានការស៊ើបអង្កេតជាបន្ទាន់ ដើម្បីស្វែងរកជនដែលគំរាមសម្លាប់លោកបណ្ឌិត សុខ ទូច មកទទួលខុសត្រូវនៅចំពោះមុខច្បាប់។
រដ្ឋលេខាធិការ និងជាអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន ដែលចាត់ទុកការគំរាមសម្លាប់លោកបណ្ឌិត សុខ ទូច ថាជាករណីព្រហ្មទណ្ឌ។ លោកមានប្រសាសន៍នៅថ្ងៃទី៣០ សីហា ថា គេមិនគួរប្រើប្រាស់រូបភាពហិង្សាគំរាមបាញ់សម្លាប់ជនណាមួយបាននោះ ទេ។
លោក ផៃ ស៊ីផាន មានប្រសាសន៍បន្តថា លោកបណ្ឌិត សុខ ទូច កំពុងទទួលបន្ទុក និងធ្វើការងារដើម្បីជាតិ។ លោកថា អ្នកដែលគំរាមសម្លាប់លោកបណ្ឌិត សុខ ទូច គឺមានចេតនាបំផ្លាញដំណើរការក្នុងការងារពិនិត្យមើលផែនទីរបស់ក្រុម លោកបណ្ឌិត សុខ ទូច ហើយដែល លោក ផៃ ស៊ីផាន ចាត់ទុកថា អាចជាភេរវកម្មនៅក្នុងការងាររដ្ឋ៖ «ការគំរាមនេះ វាប៉ះពាល់ដល់សតិសម្បជញ្ញៈ និងការបំផ្លិចបំផ្លាញដល់ដំណើរការរបស់គាត់ អាហ្នឹងវាមាននៅក្នុងទម្ងន់ទោស។»
នេះជាលើកទីមួយហើយដែលលោកបណ្ឌិត សុខ ទូច ទទួលនូវការគំរាមជាសាធារណៈពីអ្នកលេងបណ្ដាញសង្គមហ្វេសប៊ុក ចាប់តាំងពីលោកបានផ្ដួចផ្ដើមគំនិតដឹកនាំក្រុមស្រាវជ្រាវផែនទី កម្ពុជា នៅពេលផ្ទៃក្នុងកម្ពុជា ខ្វែងគំនិតគ្នារឿងផែនទីបោះបង្គោលព្រំដែនជាមួយប្រទេសវៀតណាម។
អ្នកគំរាមនៅក្នុងបណ្ដាញសង្គមហ្វេសប៊ុកនោះ បានចោទប្រកាន់លោកបណ្ឌិត សុខ ទូច ថាជាអ្នកកែប្រែប្រវត្តិសាស្ត្រ និងជាអ្នកលក់ខួរក្បាលឲ្យវៀតណាម ក្នុងរឿងព្រំដែន។
យ៉ាងណាក៏ដោយ លោកបណ្ឌិត សុខ ទូច បញ្ជាក់ថា ការគំរាមយកជីវិតលោកនេះ នឹងមិនធ្វើឲ្យលោករួញរា ឬបញ្ឈប់ការស្រាវជ្រាវរបស់លោកឡើយ៖ «ខ្ញុំអត់បានដកជើងថយទេ ពីព្រោះខ្ញុំបានតាំងចិត្តហើយស្រេច ថាខ្ញុំដាក់ជីវិតរបស់ខ្ញុំ តែខ្ញុំធ្វើអ្វីតែការពិតទេ ខ្ញុំត្រូវតែធ្វើ ហើយធ្វើក្នុងនាមវិជ្ជាជីវៈ។ ខ្ញុំអត់មានបានទទួលលុយពីរដ្ឋាភិបាល ឬប្រទេសដទៃទេ។»
ចំណែកអ្នកនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា ការគំរាមកំហែងជាទង្វើខុសច្បាប់។ ដូច្នេះលោកថា សមត្ថកិច្ចត្រូវតែស៊ើបអង្កេតមើលរឿងនេះឲ្យបានត្រឹមត្រូវ។
វិទ្យុអាស៊ីសេរី មិនអាចទាក់ទងអ្នកនាំពាក្យក្រសួងមហាផ្ទៃ និងអគ្គស្នងការដ្ឋាននគរបាលជាតិ បានទេនៅថ្ងៃទី៣០ សីហា។
ចំពោះគម្រោងចុះពិនិត្យមើលការងារបោះបង្គោលព្រំដែនលើដី ជាក់ស្តែងរបស់ក្រុមលោកបណ្ឌិត សុខ ទូច នៅពេលខាងមុខវិញ លោក យឹម សុវណ្ណ យល់ឃើញថា វាជាសិទ្ធិរបស់ក្រុមលោកបណ្ឌិត សុខ ទូច។ យ៉ាងណាក៏ដោយ លោកថា រហូតមកទល់ពេលនេះ គណបក្សសង្គ្រោះជាតិ មិនទាន់ប្រកាសជំហររបស់ខ្លួនជុំវិញរឿងផែនទីនេះនៅឡើយ៖ «ទុកឲ្យ តំណាងរាស្ត្រគណបក្សសង្គ្រោះជាតិ ធ្វើការពិនិត្យឲ្យបានគ្រប់ជ្រុងជ្រោយ ប្រមែប្រមូលព័ត៌មានមុននឹងធ្វើសេចក្តីសម្រេច ពីព្រោះបញ្ហាព្រំដែននេះមិនអាចនិយាយតែមួយម៉ាត់ ដោយអត់មានមូលដ្ឋានអ្វីបានទេ ពីព្រោះមិនមែននិយាយតែរឿងផែនទី ការបោះបង្គោលខុសផែនទីក៏យើងត្រូវពិនិត្យមើល ការបោះបង្គោលរួចហើយភាគីពាក់ព័ន្ធគោរព មិនគោរព ក៏យើងត្រូវពិនិត្យមើល វាជាកិច្ចការមួយត្រូវធ្វើជាប់លាប់យូរអង្វែង។»
លោកបណ្ឌិត សុខ ទូច មានប្រសាសន៍ថា បើទោះជាក្រុមលោកចុះទៅពិនិត្យព្រំដែនតែឯងក្តី ប៉ុន្តែនៅក្រោយការសិក្សាចប់សព្វគ្រប់ ក្រុមលោកនឹងចងក្រងជានិក្ខេបបទ រួចធ្វើបទបង្ហាញលទ្ធផលស្រាវជ្រាវជាសាធារណៈ។ លោកថា បើមានភាគីណាមួយមិនអស់ចិត្ត ក្រុមលោកអាចជូនចុះពិនិត្យមើលជាក់ស្តែងបាន។
ចំពោះការគំរាមសម្លាប់លោកបណ្ឌិត សុខ ទូច វិញ មកទល់ពេលនេះ ខាងអាជ្ញាធរមិនទាន់បង្ហាញជំហរធ្វើការស៊ើបអង្កេត ឬយ៉ាងណានៅឡើយទេ?៕
នយោបាយគេចាយមនុស្ស បើ ហុន សែន សម្លាប់ សុខ ទូច ហើយ ហុន សែន ចោទថាសង្រោះជាតិនៅពីក្រោយនោះ តើសង្គ្រោះជាតិអាចសង្គ្រោះខ្លួនបានទេ? គ្រាន់តែមានការតវ៉ាថាយួនយកដី ជាប់គុកប៉ុន្មានហើយ? មិនស្រួលគេយកទៅដាក់គុកនៅស្រុកយួន ដូច ប៉ែន សុវណ្ណ ផងក័មិនដឹង។ អាជោវាចង់ធ្វើអីក័បានដែរ ឃើញទេជាង១០នាក់សង្រោះជាតិវាយ៉ាងណា? អាជោវាផ្គាប់ចៅវ៉ាយបានល្អឥតខ្ចោះមែន ធ្វើឲ្យប្រធានសង្រោះជាតិឈជើងលែងនឹងតែម្តង ហើយនាក់គាំទ្រក័បន្ទោសទៀត តែត្រូវដឹងថាយួនគេប្រើតេស្រមោល អង្ការ ខ្មែរស្លាបរាប់លាន ហើយឥឡូវយួនប្រើស្រមោល ស៊ី ភី ភី តើអស់ប៉ិន្មានហើយ?
ReplyDeleteThis comment has been removed by the author.
ReplyDeleteThis [slick Willy] SOK TOUCH can make up, fabricate, doctor things up all he wants - nobody in the right mind is going to believe him except his own clique!!!
ReplyDeleteអាជើង ល្អ សុខទូច មួយនេះ អាច ប្រឌឹត ស្រមើលស្រម៉ៃ រឿងរ៉ាវ ដីធ្លី កាំភ្លើង គ្រាប់បែក គ្រប់យ៉ាង។ ក៏ប៉ុន្តែនៅទីបញ្ចប់ គ្មានមនុស្សណាម្នាក់ដែលមានខួរក្បាល ជឿវាទេ។ មានតែបក្សពួករបស់វា ប៉ុណ្ណោះ ដែលជឿវា៕
Ce trou du'c SOK TOUCH peut inventer des histoires ou frabriquer n'importe qu'il veut, mais personne ne le croit sauf son clique...Merci!