លោក សុខ ទូច អះអាង ថា, ផែនទី របស់ បក្សសង្គ្រោះជាតិ មិនអាច យក ជាការបាន
RFA / វិទ្យុ អាស៊ី សេរី | ១៤ សីហា ២០១៥
សន្និសីទផ្ទៀងផ្ទាត់ផែនទីពីភាគីពាក់ព័ន្ធ
រៀបចំដោយក្រុមស្រាវជ្រាវនៃរាជបណ្ឌិត្យសភាកម្ពុជា
និងមានការចូលរួមពីមន្ត្រីជាន់ខ្ពស់រដ្ឋាភិបាល ព្រឹទ្ធសភា រដ្ឋសភា
បក្សសង្គ្រោះជាតិ និងសាធារណជនទូទៅ នៅថ្ងៃទី១៤ ខែសីហា ឆ្នាំ២០១៥។
RFA/Yeang Socheametta
RFA/Yeang Socheametta
ប្រធាន ក្រុមស្រាវជ្រាវ នៃរាជបណ្ឌិត្យ សភា កម្ពុជា លោកបណ្ឌិត សុខ ទូច អះអាងថា, ផែនទី របស់ គណបក្ស សង្គ្រោះជាតិ ដែលយកមក ផ្ទៀងផ្ទាត់នេះ មិនអាច យក ជាការបានទេ ព្រោះ ផែនទីនេះ មានតែ ២៤ផ្ទាំង។
ការអះអាងរបស់លោកបណ្ឌិត សុខ ទូច ធ្វើឡើងក្នុងសន្និសីទផ្ទៀងផ្ទាត់ផែនទីពីភាគីពាក់ព័ន្ធ នៅថ្ងៃទី១៤ សីហា ដោយលោកបន្តថា ផែនទីរដ្ឋាភិបាលប្រើប្រាស់បច្ចុប្បន្នមាន២៦ផ្ទាំង។
យ៉ាងណាក៏ដោយ បណ្ឌិត សុខ ទូច ស្នើឲ្យបក្សសង្គ្រោះជាតិ រកផែនទីពីរផ្ទាំងទៀត ដើម្បីផ្ទៀងផ្ទាត់ជាមួយរដ្ឋាភិបាល។ ប៉ុន្តែលោកបញ្ជាក់ថា ផែនទី២៤ផ្ទាំងរបស់បក្សសង្គ្រោះជាតិ និងរដ្ឋាភិបាល គឺដូចគ្នា ហើយពេលបក្សសង្រ្គោះជាតិមានផែនទីគ្រប់ដូចរដ្ឋាភិបាល លោកនិងក្រុមស្រាវជ្រាវ នឹងចុះពិនិត្យស្ថានភាពបោះបង្គោលជាក់ស្ដែងជាមួយប្រទេសជិតខាងតែ ម្ដង។
ចំណែកមន្ត្រីជាន់ខ្ពស់គណបក្សសង្រ្គោះជាតិ លោក អ៊ូ ច័ន្ទឫទ្ធិ ឆ្លើយតបថា លោកនឹងរកផែនទីពីរផ្ទាំងទៀតប្រគល់ជូនរាជបណ្ឌិត្យសភា តែមិនទាន់កំណត់ពេលណានៅឡើយទេ។
កាលពីថ្ងៃទី១១ ខែសីហា ក្រុមស្រាវជ្រាវនៃរាជបណ្ឌិត្យសភាកម្ពុជា បង្ហាញលទ្ធផលនៃការផ្ទៀងផ្ទាត់ផែនទីទាំង៤ប្រភព គឺពីរដ្ឋាភិបាល បក្សសង្គ្រោះជាតិ បណ្ណាល័យសហរដ្ឋអាមេរិក និងបណ្ណាល័យបារាំង ថាជាផែនទីដូចគ្នា ដោយបោះពុម្ពដោយក្រុមឥណ្ឌូចិន ដែលមានលេខសម្គាល់ W(២២០)។
No comments:
Post a Comment