វៀតណាម ជំរុញ ឲ្យកម្ពុជា ពន្លឿន ការបោះបង្គោល ខណ្ឌសីមា ព្រំដែន
RFA / វិទ្យុ អាស៊ី សេរី | ៦ សីហា ២០១៥
ពលរដ្ឋ និងទាហានវៀតណាម ឈរនៅតំបន់ទួលតាព្រាប
និងលើវាលស្រែដែលពលរដ្ឋកម្ពុជា អះអាងថា ជាអតីតទឹកដីខ្មែរ
នាភូមិធ្លក ឃុំត្នោត ស្រុកកំពង់រោទិ៍ ខេត្តស្វាយរៀង កាលពីថ្ងៃទី១៩
ខែកក្កដា ឆ្នាំ២០១៥។ RFA/Tha Kitya
ប្រទេសវៀតណាម ជំរុញឲ្យកម្ពុជា ពន្លឿនការបោះបង្គោលខណ្ឌសីមាព្រំដែនរវាងប្រទេសទាំងពីរឲ្យបាន ឆាប់រហ័ស។ ការជំរុញនេះ ធ្វើឡើងនៅក្នុងជំនួបមួយរវាងរដ្ឋមន្ត្រីក្រសួងការបរទេសកម្ពុជា លោក ហោ ណាំហុង និងរដ្ឋមន្ត្រីក្រសួងការបរទេសវៀតណាម លោក ផាម ប៊ិញម៉ិញ (Pham Binh Minh) នៅប្រទេសម៉ាឡេស៊ី កាលពីថ្ងៃទី៥ ខែសីហា។
កម្ពុជា-វៀតណាម គួរស្វែងរកការបញ្ចប់ការបោះបង្គោលខណ្ឌសីមាព្រំដែន និងការបោះតម្រុយបង្គោលព្រំដែនឲ្យបានឆាប់។ នេះ គឺជាការលើកឡើងរបស់រដ្ឋមន្ត្រីក្រសួងការបរទេសវៀតណាម លោក ផាម ប៊ិញម៉ិញ ហើយដែលត្រូវបានបណ្ដាញសារព័ត៌មានវៀតណាម ញូវ (Vietnam News) ដកស្រង់យកមកចុះផ្សាយកាលពីថ្ងៃទី៥ ខែសីហា។
ក្រៅពីបញ្ហាព្រំដែន លោក ផាម ប៊ិញម៉ិញ ក៏បានលើកឡើងពីទំនាក់ទំនងមិត្តភាព និងកិច្ចសហប្រតិបត្តិការជាប្រពៃណីរវាងកម្ពុជា-វៀតណាម ហើយបានជំរុញឲ្យប្រទេសទាំងពីរបង្កើនកិច្ចសហប្រតិបត្តិការលើគ្រប់ វិស័យ និងធ្វើការជាមួយគ្នា ដើម្បីរៀបចំកិច្ចប្រជុំគណៈកម្មការចម្រុះកម្ពុជា-វៀតណាម លើកទី១៤ នៅក្នុងឆ្នាំ២០១៥ នេះ។
បណ្ដាញសារព័ត៌មានវៀតណាម ញូវ ឲ្យដឹងដែរថា ក្នុងជំនួបនោះ រដ្ឋមន្ត្រីក្រសួងការបរទេសកម្ពុជា លោក ហោ ណាំហុង លើកឡើងថា កម្ពុជា-វៀតណាម គួរសហការបន្ថែមទៀតលើការងារគ្រប់គ្រងព្រំដែន ហើយមិនត្រូវអនុញ្ញាតឲ្យបញ្ហាព្រំដែននេះ ធ្វើឲ្យប៉ះពាល់ដល់ទំនាក់ទំនងល្អរវាងប្រទេសទាំងពីរនោះឡើយ។
យ៉ាងណាក៏ដោយ វិទ្យុអាស៊ីសេរី មិនអាចទាក់ទងអ្នកនាំពាក្យក្រសួងការបរទេសកម្ពុជា លោក ជុំ សុន្ទរី ដើម្បីសុំការបំភ្លឺបន្ថែមជុំវិញរឿងនេះបាននៅឡើយនៅថ្ងៃទី៦ សីហា។
ការជំរុញរបស់រដ្ឋាភិបាលកុម្មុយនីស្តវៀតណាម នៅពេលនេះ ធ្វើឡើងខណៈដែលកម្ពុជា កំពុងមានភាពចម្រូងចម្រាស និងមិនមានការឯកភាពផ្ទៃក្នុងទៅលើផែនទីដែលរដ្ឋាភិបាលកម្ពុជា យកទៅប្រើប្រាស់ក្នុងការបោះបង្គោលព្រំដែនជាមួយប្រទេសវៀតណាម ក្នុងពេលបច្ចុប្បន្ន។
មន្ត្រីជាន់ខ្ពស់គណបក្សសង្គ្រោះជាតិ លោក អ៊ូ ច័ន្ទឫទ្ធិ មានប្រសាសន៍នៅថ្ងៃទី៦ សីហា ថា កម្ពុជា ត្រូវធ្វើការពិនិត្យឲ្យបានច្បាស់លាស់ មុននឹងធ្វើការបោះបង្គោលព្រំដែនជាមួយវៀតណាម។ លោកថា អ្វីដែលសំខាន់ គឺធ្វើយ៉ាងណាឲ្យការបោះបង្គោលព្រំដែននេះ ធ្វើឡើងប្រកបដោយសុក្រឹតភាព ត្រឹមត្រូវ ដែលភាគីទាំងសងខាងអាចទទួលយកបាន។
មន្ត្រីបក្សប្រឆាំងរូបនេះ កត់សម្គាល់បន្ថែមថា ការដែលវៀតណាម ជំរុញឲ្យកម្ពុជា ពន្លឿនការបោះបង្គោលព្រំដែន គឺដោយសារវៀតណាម យល់ឃើញថា ពួកគេនឹងចំណេញពីការបោះបង្គោលនេះ។ យ៉ាងណាក៏ដោយលោកថា កម្ពុជា គួរតែមានការជជែករវាងភាគីផ្ទៃក្នុងឲ្យមានការស្រុះស្រួលគ្នា ទាំងស្រុងជាមុនសិន មុននឹងបន្តការបោះបង្គោលព្រំដែនជាមួយវៀតណាម៖ «ខ្ញុំយល់ថា ការបោះបង្គោលព្រំដែនអត់ត្រូវការប្រញាប់ប្រញាល់ពេកទេ ខ្ញុំឃើញបញ្ហាធំ គឺបញ្ហាផែនទី។ ទី២ គឺបញ្ហាមិនគោរពនូវការបោះបង្គោលព្រំដែន ជាពិសេសនៅតែឃើញថា បោះបង្គោលហើយនៅតែមានការហូរចូល ការបំពានមកលើដីកម្ពុជា ទៀត។»
ពលរដ្ឋវៀតណាម
នៅចំណុចភូមិធ្លក ឃុំត្នោត ស្រុកកំពង់រោទិ៍ ក្នុងខេត្តស្វាយរៀង
នៅថ្ងៃទី២៨ ខែមិថុនា ឆ្នាំ២០១៥។ Photo Provided
លោក ហ៊ុន សែន ក៏បានថ្លែងរបៀបឌឺដងទៅតំណាងរាស្ត្របក្សប្រឆាំងដែរថា បើចង់ឲ្យរដ្ឋាភិបាលប្ដឹងរឿងព្រំដែនកម្ពុជា-វៀតណាម ទៅតុលាការយុត្តិធម៌អន្តរជាតិ (ICJ) មែននោះ បក្សប្រឆាំងត្រូវធ្វើសារណាបង្ហាញពីចំណុចឈ្នះ និងចាញ់ឲ្យរដ្ឋាភិបាលឃើញជាមុន។
លោក អ៊ូ ច័ន្ទឫទ្ធិ មានប្រសាសន៍ថា គណបក្សសង្គ្រោះជាតិ អាចយកផែនទីទាំងអស់ដែលខ្លួនមានទៅជជែក និងផ្ទៀងផ្ទាត់ជាមួយរដ្ឋាភិបាល ដើម្បីរកដំណោះស្រាយរួម។ ទាក់ទងនឹងការប្ដឹងផ្តល់ទៅតុលាការយុត្តិធម៌អន្តរជាតិ វិញ លោកថា បក្សប្រឆាំងចង់ដោះស្រាយឲ្យមានការស្រុះស្រួលគ្នាផ្ទៃក្នុងរវាង ភាគីកម្ពុជា ជាមុនសិន មុននឹងទៅដោះស្រាយជាមួយភាគីវៀតណាម ដើម្បីធ្វើយ៉ាងណាឲ្យការបោះបង្គោលព្រំដែនអាចទទួលយកបានទាំងអស់ គ្នា។ យ៉ាងណា លោកថាបើនៅតែមិនអាចដោះស្រាយជាមួយភាគីវៀតណាម បានទៀតនោះ កម្ពុជា គួរតែរកមធ្យោបាយផ្សេងក្រៅពីនេះ។
ទោះជាបែបនេះក្តី មន្ត្រីជាន់ខ្ពស់រដ្ឋាភិបាល លោក សុខ អាន បានបញ្ជាក់កាលពីថ្ងៃទី២២ កក្កដា នៅក្នុងវេទិកាតុមូលរបស់រដ្ឋាភិបាលថា រដ្ឋាភិបាលកម្ពុជា នឹងនៅតែបន្តការងារបោះបង្គោលព្រំដែនជាមួយប្រទេសវៀតណាម៕
If they really wanted to save Cambodia, Khmer people must have good judgments.
ReplyDeleteFor instance, when the Yuon's slave party CPP cheated on the 2013 general election by self proclaiming that it was the winner of the election, Khmer people should not blame the CNRP for failing to capture the winning result. They should have blamed the thief CPP for committing this enormous crime..
Now, the Khmer traitor Hun Sen ignores the culture of dialogue that he has been recently adopted, Khmer people should blame him, not Sam Rainsy or the CNRP, for abusing or violating such agreement.
The top priority for Khmer people is to remove the Khmer traitor Hun Sen and the CPP from power through the election first, and that's why it is imperative that Khmer people stay united with the CNRP through this difficult time.