ចិន ផ្ដល់ជំនួយ សម្ភារៈ ការិយាល័យ ដល់ប្រទេស កម្ពុជា បន្ថែមទៀត
RFA / វិទ្យុ អាស៊ី សេរី | ១៦ តុលា ២០១៥
ពិធីចុះហត្ថលេខាលើកិច្ចព្រមព្រៀងផ្ដល់ជំនួយរបស់ចិន
សម្រាប់សង្គ្រោះបន្ទាន់ដល់ប្រជាពលរដ្ឋខ្មែររងគ្រោះដោយសារទឹកជំនន់
នៅក្រសួងការបរទេសកម្ពុជា ថ្ងៃទី៣ ខែវិច្ឆិកា ឆ្នាំ២០១១។ Photo: RFA
នៅថ្ងៃ ទី១៦ តុលានេះ
កម្ពុជា ទទួលបាន ជំនួយសម្ភារៈ ការិយាល័យ ពីប្រទេស ចិន បន្ថែមទៀត
ស្របពេល ដែលប្រមុខ រដ្ឋាភិបាល ទើបតែ បានទទួល ជំនួយ ឥតសំណង ពីប្រទេស
នេះ ជាងមួយរយលាន ដុល្លារ។
អ្នកនាំពាក្យក្រសួងការបរទេសកម្ពុជា លោក ជុំ សុន្ទរី ឲ្យដឹងថា សម្ភារៈការិយាល័យដែលចិនប្រគល់នៅពេលនេះ មានកុំព្យូទ័រលើតុ ៥០គ្រឿង កុំព្យូទ័រយួរដៃ ២០គ្រឿង មាស៊ីនព្រីន ២០គ្រឿង និងម៉ាស៊ីនថតចម្លង៥គ្រឿង។
លោក ជុំ សុន្ទរី
ចាត់ទុកប្រទេសចិនជាដៃគូដ៏សំខាន់មួយ ទាំងការផ្ដល់ជំនួយ
វិនិយោគទុន និងទេសចរណ៍ជាដើមសម្រាប់អភិវឌ្ឍកម្ពុជា៖ «ជា
ឱកាសដ៏ល្អបំផុតសម្រាប់កម្ពុជាដែលមានទំនាក់ទំនងល្អជាមួយចិន
ព្រោះប្រទេសអភិវឌ្ឍត្រូវការទំនាក់ទំនង ដើម្បីជំនួយ វិនិយោគិន
ពាណិជ្ជកម្ម និងទេសចរបរទេស។»
កាលពីថ្ងៃទី១៥ តុលា លោកនាយករដ្ឋមន្ត្រី ហ៊ុន សែន បានអះអាងថា ចិននឹងផ្ដល់ជំនួយឥតសំណងដល់កម្ពុជាបន្ថែមទៀតនូវទឹកប្រាក់ប្រមាណ ១ពាន់លានយ័ន្ត (Yuan) ស្នើនឹងជាង ១៥៧លានដុល្លារសហរដ្ឋអាមេរិក ដើម្បីអភិវឌ្ឍ និងជួយកសាងមន្ទីរពេទ្យនៅខេត្តត្បូងឃ្មុំ។
ប្រទេសចិនត្រូវបានប្រមុខរដ្ឋាភិបាល ចាត់ទុកថាជាប្រទេសមហាមិត្តរបស់ខ្លួន៕
No comments:
Post a Comment