លោក ហ៊ុន សែន អំពាវនាវ ជនជាតិចាម កុំឲ្យ ជឿការឃោសនា រឿងផ្លាស់ប្ដូរ
RFA / វិទ្យុ អាស៊ី សេរី | ១៤ តុលា ២០១៥
លោកនាយករដ្ឋមន្ត្រី ហ៊ុន សែន
ថ្លែងក្នុងថ្ងៃសម្ពោធបើកការដ្ឋានសាងសង់ស្ពានអាកាសស្តុបតិចណូ
រាជធានីភ្នំពេញ នៅថ្ងៃទី៩ ខែកញ្ញា ឆ្នាំ២០១៤។ Photo: RFA
ប្រមុខរដ្ឋាភិបាលកម្ពុជា បានព្រមានថា ការផ្លាស់ប្ដូរនឹងនាំឲ្យប្រទេសជាតិត្រូវវិនាសអន្តរាយ ហើយប្រជាពលរដ្ឋវិញ នឹងត្រូវជួបការលំបាក។ ការព្រមានជាថ្មីទៀតរបស់លោកនាយករដ្ឋមន្ត្រីនៅពេលនេះ គឺបន្ទាប់ពីលោកអំពាវនាវកុំឲ្យជនជាតិចាម ឬខ្មែរឥស្លាម ជឿការញុះញង់អំពីការផ្លាស់ប្ដូរឲ្យសោះ ពីព្រោះវាមិនធ្វើឲ្យប្រទេសជាតិចំណេញអ្វីឡើយ។
អ្នកវិភាគសង្គមយល់ឃើញថា សារនយោបាយរបស់ប្រធានគណបក្សប្រជាជនកម្ពុជា នៅពេលនេះ ដែលព្រមានអំពីមហន្តរាយរបស់ប្រទេសដែលនឹងកើតឡើង ប្រសិនបើពិតជាមានការផ្លាស់ប្ដូរមែននោះ វាមិនអាចទៅរួចឡើយ ហើយម្យ៉ាងទៀត គឺគ្រាន់តែជាសារគំរាមមុនការប្រកួតបានមកដល់ប៉ុណ្ណោះ។
ការអះអាងដូចនេះរបស់អ្នកវិភាគនយោបាយ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន បានផ្សព្វផ្សាយនៅក្នុងបណ្ដាញសង្គមផ្ទាស់របស់លោក នៅថ្ងៃទី១៤ តុលា ដោយអំពាវនាវឲ្យជនជាតិចាម កុំជឿការញុះញង់របស់អ្នកនយោបាយ ចំពោះការផ្លាស់ប្ដូរអ្នកដឹកនាំ។ បន្ថែមពីលើនេះ លោក ហ៊ុន សែន ក៏ព្រមានដែរថា ការផ្លាស់ប្ដូរនេះនឹងមិនធ្វើឲ្យចំណេញអ្វីឡើយសម្រាប់ប្រទេសជាតិ ផ្ទុយទៅវិញ នឹងនាំមកនូវមហន្តរាយ គឺមិនខុសគ្នាទៅនឹងប្រទេសមួយចំនួននៅមជ្ឈិមបូព៌ាឡើយ។
ការយកប្រទេសមជ្ឈិមបូព៌ាមកប្រៀបធៀបនេះ អ្នកវិភាគលើកឡើងថា ទំនងជា លោក ហ៊ុន សែន ភ័យខ្លាចពីការផ្លាស់ប្ដូរមេដឹកនាំ ដែលក្ដោបក្ដាប់អំណាចជាង ៣០ឆ្នាំរបស់លោកហើយមើលទៅ ព្រោះថា មេដឹកនាំផ្ដាច់ការនៅប្រទេសមជ្ឈិមបូព៌ាមួយចំនួន ត្រូវបានប្រជាពលរដ្ឋរបស់ខ្លួនធ្វើរដ្ឋប្រហារទម្លាក់ ដោយប្រជាពលរដ្ឋទ្រាំនឹងការគាបសង្កត់ដោយរបបផ្ដាច់ការមិនបាន។
លោកនាយករដ្ឋមន្ត្រីបន្តថា កម្ពុជា ធ្លាប់មានបទពិសោធន៍រួចមកហើយ ដូចការផ្លាស់ប្ដូរសម័យខ្មែរក្រហម គឺផ្លាស់ប្ដូរពីមានទៅក្រ មានវិហារទៅឥតវិហារ មានសាលារៀនទៅឥតសាលា មានផ្ទះរស់នៅទៅឥតផ្ទះ មានពេទ្យទៅគ្មានពេទ្យ និងពីមានផ្ទះទៅរស់ជ្រកក្នុងតង់នៅតាមព្រំដែន ហើយត្រូវរត់លូនដោយសង្គ្រាមស្ទើររាល់ថ្ងៃ។
បើទោះជាសារនយោបាយរបស់លោកនាយករដ្ឋមន្ត្រី ហ៊ុន សែន ដែលអំពាវនាវកុំឲ្យពលរដ្ឋជនជាតិចាម ជឿការញុះញង់ និងការអូសទាញ ដែលមិនបញ្ចេញឈ្មោះជាសាធារណៈក៏ដោយចុះ គេដឹងជាទូទៅហើយថា ទំនងជា លោក ហ៊ុន សែន ចង់សំដៅឲ្យគណបក្សប្រឆាំង។ ក្នុងពេលកន្លងទៅ គណបក្សជំទាស់តែងប្រកាសក្ដែងៗអំពីការផ្លាស់ប្ដូរនេះ ជាពិសេសក្នុងពេលមានបាតុកម្ម។
លោក កឹម សុខា អនុប្រធានគណបក្សសង្គ្រោះជាតិ បានសរសេរនៅក្នុងបណ្ដាញសង្គមរបស់លោកនៅថ្ងៃទី១៤ តុលា ឲ្យដឹងដែរថា សារនយោបាយ "ដូរ ឬ មិនដូរ" ដែលលោកដាក់ចេញនេះ គឺពុំមែនបានន័យថា ជាការផ្លាស់ប្ដូរអ្វីផ្សេងក្រៅពីចង់ឲ្យមានការផ្លាស់ប្ដូរតាម ការបោះឆ្នោតដោយសេរី ត្រឹមត្រូវ និងយុត្តិធម៌ឡើយ។ បន្ថែមពីលើនេះទៀត លោក កឹម សុខា បន្តថា គណបក្សសង្គ្រោះជាតិ មិនផ្លាស់ប្ដូរតាមបែបហិង្សា ធ្វើបដិវត្ត និងបង្កើតសង្គ្រាមឡើយ។
ជុំវិញរឿងនេះ សាស្ត្រាចារ្យផ្នែកវិទ្យាសាស្ត្រនយោបាយ លោក សូ ចន្ថា យល់ឃើញថា ការព្រមានជាថ្មីទៀតរបស់ប្រមុខរដ្ឋាភិបាលនៅពេលនេះ គឺបង្ហាញឲ្យឃើញថា លោក ហ៊ុន សែន ប្រហែលជាលោកកំពុងព្រួយបារម្ភចំពោះការប្រកួតប្រជែង តាមរយៈការបោះឆ្នោតប៉ុណ្ណោះ។ លោកបន្តថា «ខ្ញុំមើលទៅនយោបាយរបស់ លោកនាយករដ្ឋមន្ត្រី ហ៊ុន សែន តែងតែធ្វើការគំរាមទៅដល់កុំឲ្យមានការផ្លាស់ប្ដូរ។ ការនិយាយបែបនេះ មិនមែនជាការប្រកួតប្រជែងគ្នាដោយតម្លាភាព ដោយយុត្តិធម៌ ក្នុងក្របខ័ណ្ឌនៃនយោបាយប្រជាធិបតេយ្យទេ ប៉ុន្តែអ្វីដែលលោកនាយករដ្ឋមន្ត្រីលើកឡើងរបៀបនេះ គឺជាការព្រួយបារម្ភ។»
ក្នុងដំណាក់កាលចុងក្រោយនេះ លោកនាយករដ្ឋមន្ត្រី ហ៊ុន សែន តែងព្រមានជាញឹកញាប់ថា ប្រទេសកម្ពុជា នឹងកើតសង្គ្រាម បើគណបក្សផ្សេងឈ្នះឆ្នោត ក្រៅពីគណបក្សប្រជាជនកម្ពុជា ក៏ប៉ុន្តែអ្នកវិភាគនយោបាយវិញយល់ឃើញថា សង្គ្រាមនឹងមិនកើតឡើងបានឡើយ ប្រសិនបើគណបក្សកាន់អំណាចមិនបង្កជម្លោះមុននោះ ព្រោះគណបក្សដទៃទៀតពុំមានសព្វាវុធ និងកងកម្លាំងគ្រប់គ្រាន់ ដូចរដ្ឋាភិបាលដែលកំពុងតែកាន់កាប់កងកម្លាំងប្រដាប់អាវុធគ្រប់ ប្រភេទនោះឡើយ៕
In fact it was Hun Sen who killed many Cham in Krauchmar district when he was a Yothea until he and his battalion cadres fled to Vietnam in 1977 during the internal purges of the Khmer Rouge regime.
ReplyDeletePlease think logically:
ReplyDeleteYuon swallowed Champa. Yuon had almost obliterated Cham race in Vietnam.
Yuon need to destroy Cham in Cambodia so that Cham people could not reclaim their territory from Vietnam.
Therefore, most Cham in Cambodia were killed by Vietnam through Khmer the Viet Minh.
Yuon are genius at killings and then blaming on others.
How well are Cham educated in their History again?
ReplyDelete