ប្រជាពលរដ្ឋ ដែលបាន ចូលរួមស្តាប់ ការថ្លែង របស់ លោក នៅប្រទេស បារាំង (រូបថត ពីហ្វេសប៊ុក របស់លោក ហ៊ុន សែន)
លោក ហ៊ុន សែន ផ្តល់ប្រាក់ ៣០០ ដុល្លារ សម្រាប់ និស្សិត ម្នាក់ៗ ចូលរួមស្តាប់ ការថ្លែង នៅបារាំង
VOD / វីអូឌី | ២៦ តុលា ២០១៥
លោក នាយករដ្ឋមន្រ្តី
ហ៊ុន សែន បានថ្លែង ថា. លោក ផ្តល់ប្រាក់ ៣០០ ដុល្លារ ក្នុងម្នាក់ៗ
សម្រាប់ និស្សិតខ្មែរ រៀន នៅប្រទេស បារាំង
ចំនួន ជាង១០០នាក់ ដែលបាន ចូលរួម ក្នុងពិធី សំណេះសំណាល,
ប៉ុន្តែ លោក អំពាវនាវ កុំឲ្យមាន ការចោទប្រកាន់ ថា, នេះ ជាការជួល ឲ្យមកចូលរួម។
លោក ហ៊ុន សែន
បានថ្លែងថាបក្សប្រឆាំងបានចោទរូបលោកថាបានបង្ខំឲ្យនិស្សិតចូលមក
ស្តាប់ការថ្លែងរបស់លោក ប៉ុន្តែលោកបានច្រានចោលការចោទប្រកាន់នេះ។
លោកបន្តថានិស្សិតដែលចូលរួមពេលនេះ គឺគាំទ្រការដឹកនាំរបស់លោក។
លោកប្រកាសផ្តល់ប្រាក់៣០០ដុល្លារសម្រាប់និស្សិត១០៥នាក់ដែលចូលមកស្តា
ប់ការថ្លែងរបស់លោក។
លោកមានប្រសាសន៍ថា៖ “ប៉ុន្តែអ្នក
ដែលមកនេះ សុទ្ធតែជាកូនអ្នកក្រីក្រ ហើយខ្ញុំទៅប្រទេសណាក៏ដោយ
ខ្ញុំជួបនិស្សិត គឺខ្ញុំតែងតែរួមចំណែកផ្តល់ឲ្យនិស្សិតនោះ”។ លោកបានបន្ថែមថា៖ “ហើយសង្ឃឹមថាបក្សប្រឆាំងគឺមិនចោទប្រកាន់ថាខ្ញុំជួលនិស្សិតឲ្យមកស្តាប់ទេ”។ លោកអំពាវនាវឲ្យនិស្សិតដែលបានចូលរួមពិធីសំណេះសំណាលនេះ ឆ្លើយតបតាមហ្វេសប៊ុកវិញចំពោះការចោទប្រកាន់នេះ។
លោក ហ៊ុន សែន
ក៏បានចំអកឲ្យគណបក្សសង្រ្គោះជាតិថាបានមកក្រៅប្រទេស
ដើម្បីរៃអង្គាសប្រាក់ដើម្បីបង្កើតទូរទស្សន៍
ប៉ុន្តែលោកថាលោកមិនបានធ្វើដូច្នេះទេ
គឺមានតែផ្តល់ប្រាក់ជូនប្រជាពលរដ្ឋវិញ។
ប្រតិកម្មរបស់លោកនាយករដ្ឋមន្ត្រី
ហ៊ុន សែន
ធ្វើឡើងបន្ទាប់ពីមានការផ្សព្វផ្សាយថាទូតខ្មែរនៅបារាំងបង្ខំ
និស្សិតខ្មែរដែលកំពុងរៀននៅទីនោះ៨០០នាក់ឲ្យជួបស្តាប់ការថ្លែង
សាររបស់លោកនៅ
ហើយថាបើនិស្សិតណាដែលមិនចូលរួមទេនឹងត្រូវកាត់ផ្តាច់អាហារូបករណ៍។
លោក ហ៊ុន សែន ក៏បានបញ្ជាក់ថាការចូលរួមស្តាប់លោកឬមិនចូលរួមគឺជាសិទ្ធិរបស់និស្សិតនៅទីនោះ។ លោកថ្លែង៖ ខ្ញុំ
សូមផ្តាំទៅប្រជាពលរដ្ឋនៅប្រទេសបារាំង
ពិសេសនិស្សិតនៅប្រទេសបារាំង ក្មួយៗចង់អញ្ជើញ
ឬមិនអញ្ជើញចូលរួមស្តាប់ជាសិទ្ធិរបស់ក្មួយៗ
គ្មានអ្វីដែលជាការប៉ះពាល់នោះទេ។
អ្នកនាំពាក្យគណបក្សសង្គ្រោះជាតិ លោក
យឹម សុវណ្ណ
បានថ្លែងថាគណបក្សសង្រ្គោះជាតិមិនបានចោទប្រកាន់ឬនិយាយអ្វីទាក់ទងនឹង
ពិធីជួបសំណេះសំណាលនោះទេ។
គួរបញ្ជាក់ថាតាមគម្រោងលោកនាយក
រដ្ឋមន្ត្រីហ៊ុន សែន
ទៅបំពេញទស្សនកិច្ចនៅប្រទេសបារាំងចាប់ពីថ្ងៃទី២៥ដល់ថ្ងៃទី២៧
ខែតុលាឆ្នាំ២០១៥៕
No comments:
Post a Comment