បក្សប្រឆាំង ចោទបក្ស កាន់អំណាច នៅពីក្រោយ ការដុតស្លាក គណបក្ស នៅឧត្តរមានជ័យ
RFA / វិទ្យុ អាស៊ី សេរី | ១៦ តុលា ២០១៥
លោក យឹម សុវណ្ណ មន្ត្រីនាំពាក្យ
និងជាប្រធានក្រុមការងារគណបក្សសង្គ្រោះជាតិ ប្រចាំមណ្ឌលភ្នំពេញ
ក្នុងវេទិកាអ្នកស្ដាប់វិទ្យុអាស៊ីសេរី កាលពីយប់ថ្ងៃទី១៥
ខែវិច្ឆិកា ឆ្នាំ២០១៣។ Photo: RFA
គណបក្ស ប្រឆាំង ចោទគណបក្ស កាន់អំណាច ថា, ជាអ្នក នៅពីក្រោយខ្នង នៃការដុត ស្លាកគណបក្ស សង្គ្រោះជាតិ មួយផ្ទាំង នៅស្រុក សំរោង, ខេត្ត ឧត្តរមានជ័យ។ ប៉ុន្តែ គណបក្ស កាន់អំណាច ច្រានចោល ការចោទប្រកាន់ នេះ។ មន្ត្រី អង្គការ សង្គមស៊ីវិល ចាត់ទុក ករណីនេះ ថា, ជារឿង រើសអើង នយោបាយ។ មន្ត្រី បក្សប្រឆាំង ចោទថា, ការដុត បំផ្លាញ ស្លាកគណបក្ស ជាការរៀបចំ របស់ គណបក្ស ប្រជាជនកម្ពុជា ដើម្បី បង្ខូចឈ្មោះ បក្ស។
ការចោទប្រកាន់នេះ បន្ទាប់ពីមានសកម្មភាពទម្លាក់ និងដុតស្លាកគណបក្សសង្គ្រោះជាតិ មួយកន្លែងរបស់ប្រជាពលរដ្ឋមួយក្រុម នៅភូមិសំបួរមាស សង្កាត់បន្សាយរាក់ ក្រុងសំរោង ខេត្តឧត្តរមានជ័យ នៅថ្ងៃទី១៦ ខែតុលា។
មន្ត្រីនាំពាក្យគណបក្សសង្គ្រោះជាតិ លោក យឹម សុវណ្ណ មានប្រសាសន៍ថា សកម្មភាពដុតបំផ្លាញស្លាកគណបក្សសង្គ្រោះជាតិនេះ មិនមែនជាការថ្មីថ្មោងឡើយ ព្រោះជាព្រឹត្តិការណ៍ដែលរៀបចំឡើយដោយគូបដិបក្ខ។
តាមប្រភពសារព័ត៌មានក្នុងស្រុកឲ្យដឹងថា ប្រជាពលរដ្ឋទាំងនោះគឺជាអតីតសកម្មជនបក្សសង្គ្រោះជាតិ ហើយបានផ្លាស់ប្ដូរទៅចូលរួមជីវភាពនយោបាយជាមួយគណបក្សប្រជាជន កម្ពុជាវិញ កាលពីពេលថ្មីៗនេះ។ ពួកគេអះអាងថា គណបក្សប្រឆាំងបានភូតភរបោកប្រាស់ប្រជារាស្ត្រដោយមិនគោរពតាម គោលនយោបាយ និងបាវចនាដែលថា សង្គ្រោះ បម្រើ និងការពារ។
បែបនេះក្ដី លោក យឹម សុវណ្ណ ថា មិនភ្ញាក់ផ្អើលឡើយចំពោះប្រជាពលរដ្ឋដែលផ្លាស់ប្ដូរទៅជ្រកក្រោម ស្លាកគណបក្សប្រជាជននោះ ព្រោះជាសិទ្ធិនយោបាយ។ មន្ត្រីជាន់ខ្ពស់គណបក្សប្រឆាំងបញ្ជាក់ថា ការដែលគណបក្សកាន់អំណាចរៀបចំព្រឹត្តិការណ៍អាក្រក់កាន់តែច្រើននោះ គឺរឹតតែធ្វើឲ្យគណបក្សសង្គ្រោះជាតិ ទទួលបានសំឡេងគាំទ្រច្រើន ព្រោះថា បច្ចុប្បន្ននេះពលរដ្ឋចេះវិនិច្ឆ័យរកមូលហេតុពិតច្បាស់លាស់។
ជាការឆ្លើយតប មន្ត្រីនាំពាក្យគណបក្សប្រជាជនកម្ពុជា លោក ឈឹម ផលវរុន ថ្លែងចំអកថា គណបក្សសង្គ្រោះជាតិ មិនទាន់ក្លាយជាបក្សនយោបាយពេញលក្ខណៈនៅក្នុងសង្គមប្រជាធិបតេយ្យនៅ ឡើយទេ ព្រោះតែងតែបដិសេធមិនដែលទទួលស្គាល់ការពិត។
ទាក់ទិនបញ្ហានេះ មន្ត្រីសម្របសម្រួលសមាគមការពារសិទ្ធិមនុស្សអាដហុក (ADHOC) ខេត្តឧត្តរមានជ័យ គឺលោក ស្រី ណារ៉េន អះអាងថា អាជ្ញាធរមូលដ្ឋានគួរតែចាត់វិធានការចំពោះមនុស្សមួយក្រុមនេះ ដើម្បីកុំអោយបន្តសកម្មភាពរើសអើងនយោបាយបែបនេះ។
មន្ត្រីសម្របសម្រួលសមាគមការពារសិទ្ធិមនុស្សអាដហុក អោយដឹងដែរថា កាលពីថ្ងៃទី៧ ខែតុលា កន្លងទៅ ប្រជាពលរដ្ឋមួយក្រុមនេះ ក៏បាននាំគ្នាជិះគោយន្តរារាំងលោក សម រង្ស៊ី ប្រធានគណបក្សសង្គ្រោះជាតិ មិនអោយឃោសនានយោបាយនៅក្នុងតំបន់ពួកគេដែរ។ លោកសង្កេតឃើញថា ប្រជាពលរដ្ឋទាំងនោះចាប់ផ្ដើមធ្វើសកម្មភាពប្រឆាំងគណបក្សសង្គ្រោះ ជាតិ រហូត ក្រោយពីពួកគាត់បានចូលរួមជាមួយគណបក្សប្រជាជនកម្ពុជា ហើយអ្នកខ្លះថា មិនមែនជាឆន្ទៈរបស់ពួកគាត់នោះទេ៕
Who killed Cham people in Cambodia during the Pol Pot era?
ReplyDeletePlease think logically:
Yuon had swallowed Champa. Yuon almost obliterated Cham race in Vietnam, forcing Cham to emigrate into Cambodia.
Yuon need to destroy Cham in Cambodia too so that Cham people could not reclaim their territory back from Vietnam.
Likewise, Yuon must kill Khmer people as well so that the Southern part of Vietnam will never be reclaimed by Khmer people and also give room for the Vietnamese to move into Cambodia.
Therefore, most of the Cham in Cambodia were killed by Vietnam through the brainwashed Khmer Viet Minh.
Yuon are genius at killing and then blaming on others.
មើលចុះ គេថាអត់ដឹងគឺវាចប់ តែបើគេថា គេដុតនោះសង្រ្គោះជាតិក៍មិនដឺងធ្វើអីគេដែរ តើមានទេ? សួរថាដែលឃើញ ហ៊ុន សែន យកកូនចៅគេដាក់គុកដោយសារបង្កើតរឿងជាមួយសង្រ្គោះជាតិ ទេ? មើលម៉ាច ចាន់ដារ៉ា ធ្វើអ្វីខ្លះទៅ បានជាជាប់គុកដល់ទៅ ៣០ឆ្នាំនោះ? ក្បត់ជាតិឬមកពីគាត់និយាយរឿងយួន? ឃើញទេគេចេះរកគ្មានទេ ត្រង់បង្កើតរឿង គឺគ្មានសោះតែវាទៅជាប៉ុណភ្នុំបានដូច្នេះ។
ReplyDeleteCurrently Cambodia is country living by the guns but not by the law.
DeleteSo whichever party has the guns is the law.
Do you understand that much?
6:07 AM
DeleteThat's why we must make change